Morgunblaðið - 06.02.2006, Síða 60

60 F MÁNUDAGUR 6. FEBRÚAR 2006 MORGUNBLAÐIÐ
SECURITAS er í fararbroddi á þessu sviði,
stærsta öryggisgæslufyrirtæki landsins með
á fjórða hundrað starfsmenn, sem þjóna um
12.000 viðskiptavinum.
Heimavörn hluti
af rekstrinum
Að undanförnu hefur Securitas verið með
auglýsingaherferð í fjölmiðlum þar sem vakin
hefur verið athygli á mikilvægi þess að verja
heimilið og fólki bent á að velja öryggi í stað
áhættu. „Heimilið er heilagt og það eru okk-
ar einkunnarorð,“ segir Trausti Harðarson,
forstöðumaður einstaklingssviðs Securitas.
Hann bætir við að með auglýsingunum sé
verið að benda á staðreyndir, tilfelli sem hafi
gerst, það er reynslusögur fólks. „Fjölskyld-
an á að geta fundið til öryggis á eigin heimili
og þangað á enginn að koma inn óboðinn.
Þetta vísar til þjónustu okkar sem er að
vernda að enginn fari óboðinn inn á heimilið.“
Securitas var stofnað 1979 og sinnti örygg-
isgæslu fyrir fyrirtæki til að byrja með. Nú
nær öryggisgæslan til allra þátta öryggis-
mála á heimilum, í fyrirtækjum og sumarhús-
um. Eins og fram kemur á vef fyrirtækisins
(www.securitas.is) býður það upp á varnir og
eftirlit við bruna, vatnstjón og jafnframt er
það með aðgangsstýrikerfi, myndavélakerfi
og vöruverndarhlið fyrir fyrirtæki og stofn-
anir. Á höfuðborgarsvæðinu og víðar er far-
andgæsla og aka bílar fyrirtækisins reglulega
um viðkomandi svæði allan sólarhringinn alla
daga ársins.
Trausti segir að mikil breyting hafi orðið á
öryggismálum heimilanna síðan Securitas var
stofnað. Í fyrstu hafi gæslan frekar verið hjá
efnafólki en öðrum en nú höfði þjónustan til
nær allra, jafnt heimila sem stofnana og fyr-
irtækja. „Svona öryggiskerfi eins og við bjóð-
um upp á, heimavörn sem er beintengd
stjórnstöð Securitas á Neyðarlínunni 112, er
orðinn hluti af rekstri venjulegs heimilis,“
segir hann.
Mikilvægi öryggishnapps
Fyrir utan venjulega heimavörn býður
Securitas fólki upp á svokallaðan öryggis-
hnapp. Sé ýtt á hnappinn berast samstundis
boð til stjórnstöðvar Securitas á Neyðarlín-
unni 112 og beint talsamband fæst við starfs-
fólk þar.
Trausti segir að öryggishnappurinn hafi
verið kynntur um allt land og stöðugt fleiri,
einkum aldraðir, notfæri sér þessa þjónustu.
„Stöðugt fleiri gera sér grein fyrir mikilvægi
öryggishnappsins og því öryggi sem honum
fylgir,“ segir hann.
Breytt umhverfi
Margt í umhverfinu kallar á auknar for-
varnir á heimilinu, að sögn Trausta. Í því
sambandi nefnir hann meðal annars að heim-
ilin séu lengur mannlaus en áður. Fullorðnu
fjölskyldumeðlimirnir séu að heiman atvinnu
sinnar vegna og börnin í skóla allan daginn.
Margir starfi auk þess erlendis í lengri eða
skemmri tíma og oft sé enginn á heimilunum
á meðan. Fjarvera frá heimilum vegna fría
hafi líka aukist. Heimili hafi einnig stækkað
og bæði tilfinningalegt og peningalegt verð-
mæti þeirra hafi aukist. Samfara þessu hafi
verið stöðugur vöxtur í heimavörn Securitas
undanfarin ár.
„Heimilið er griðastaður fólks, sá staður
sem það vill síst að ruðst sé inn á,“ segir
Trausti. „Heimavörn er heildaröryggi og ör-
yggisnet Securitas er gríðarlegt með það að
markmiði að lágmarka hugsanlegt tjón.
Heimavörnin er til þess að koma í veg fyrir
að óboðnir vaði ekki inn á heimili þitt á skít-
ugum skónum.“
„Heimilið er heilagt“
Securitas og Öryggismiðstöðin
eru einu fyrirtækin hér á landi
sem eru með vaktþjónustu við
stjórnstöð. Steinþór Guðbjarts-
son ræddi við talsmenn fyr-
irtækjanna og kynnti sér starf-
semina.
Öryggisverðir Securitas eru stöðugt á ferðinni, aka um hverfin og starfa við hlið lögreglunnar.
steinthor@mbl.is
ÖRYGGI heimilisins skiptir alla
máli og nota íbúar ýmis ráð til
að verja eigur sínar. Arnar Otte-
sen, markaðsstjóri Öryggis-
miðstöðvarinnar, segir að fólk
fái sér öryggiskerfi í æ ríkara
mæli og samkvæmt könnun séu
um 18% heimila á höfuðborg-
arsvæðinu með einhvers konar
öryggiskerfi.
Öryggismiðstöðin er eitt
stærsta fyrirtæki landsins í ör-
yggisþjónustu fyrir einstaklinga,
heimili og fyrirtæki og þar
starfa um 120 manns. Örygg-
isverðir standa vaktir allan sól-
arhringinn, sinna útköllum frá
stjórnstöð og eru við eftirlits-
störf á höfuðborgarsvæðinu og
víðar. Öryggismiðstöðin býður
fría ráðgjöf varðandi öryggi og
varnir á heimilum og vill þannig
auka vitund íbúa um bruna- og
þjófavarnir. Jafnframt er boðið
upp á beintengingu við stjórn-
stöð. Þetta og fleira kemur fram
á heimasíðu fyrirtækisins
(www.oi.is).
Arnar segir að ráðgjöfin felist
í því að fara yfir öryggi heimilis-
ins í heild, hvort þar séu t.d.
slökkvitæki, eldvarnarteppi og
reykskynjarar, en ekki aðeins
þjófavörn. Öryggi heimilisins
skipti öllu máli og með tengingu
t.d. reykskynjara og vatnsskynj-
ara við stjórnstöð Öryggis-
miðstöðvarinnar sé hægt að
bregðast strax við þegar eitt-
hvað sé að. „Þegar við fáum boð
um að eitthvað sé að mætum við
strax á svæðið og þetta öryggi
getur hjálpað mjög mikið til að
fyrirbyggja tjón, ekki síst ef íbú-
arnir eru ekki heima,“ segir
Arnar. „Við leggjum mikla
áherslu á að fyrirbyggja að eitt-
hvað gerist.“
Öryggismiðstöðin býður upp á
ýmsar lausnir eins og t.d. eld-
varnarbúnað, aðgangsstýringar,
myndavélakerfi, þjófavarnarhlið
og öryggiskerfi fyrir heimili,
sumarhús, hesthús og önnur
gripahús, fyrirtæki, og stofnanir.
Öryggisverðir eru á vakt allan
sólarhringinn við móttöku og af-
greiðslu á boðum á hinum ýmsu
öryggiskerfum viðskiptavinanna.
Arnar segir að fólk geri sér
stöðugt betur grein fyrir mik-
ilvægi öryggisvarna og nefnir í
því sambandi að mun algengara
sé nú en áður að íbúar fái sér
myndavélakerfi og þannig sé
hægt að skoða það sem hafi
gerst t.d. síðasta sólarhring inn-
an veggja heimilisins og utan.
„Verðið á öllum forvarnarbúnaði
hefur lækkað mikið á und-
anförnum árum og salan hefur
aukist í réttu hlutfalli við það,“
segir Arnar.
Þessar varnir eru fyrst og
fremst hugsaðar sem forvarnir
og til að minnka hugsanlegt tjón.
Arnar segir að aðalatriðið sé að
íbúarnir geti verið afslappaðir í
burtu frá heimilum sínum. „Þeg-
ar fólk fer í frí þarf það ekki að
hafa áhyggjur af því að fjöldi
reykskynjara sé nægur, hvort
hætta sé á að brotist verði inn
og svo framvegis því þjónusta
okkar veitir því aukið öryggi og
aukna hugarró.“
Um 18% íbúða á höfuðborg-
arsvæðinu með öryggiskerfi
Morgunblaðið/Ásdís
Öryggisverðir Öryggismiðstöðvarinnar eru á vakt allan sólarhringinn við mót-
töku og afgreiðslu á boðum frá hinum ýmsu öryggiskerfum viðskiptavinanna.
TILKYNNT var um 2.769 innbrot á
Íslandi 2004 eða um níu innbrot að
meðaltali á dag, en samt fækkaði
þeim um 3% miðað við meðaltal ár-
anna á undan. Þetta kemur fram í
Afbrotatölfræði 2004, sem Ríkislög-
reglustjórinn gefur út og kom út
undir lok nýliðins árs. Árið 1999 var
tilkynnt um 2.556 innbrot, 2.407 árið
2000, síðan 2.857, þá 3.208 og 2.889
árið 2003.
Fyrir skömmu gáfu Ríkislögreglu-
stjóri og Háskólaútgáfan út bókina
Brotaþolar, lögreglan og öryggi
borgaranna eftir Rannveigu Þóris-
dóttur, Helga Gunnlaugsson og Vil-
borgu Magnúsdóttur. Í bókinni eru
birtar helstu niðurstöður úr íslenska
hluta Alþjóðlegu fórnarlambakönn-
unarinnar sem framkvæmd var hér-
lendis í fyrsta sinn í ársbyrjun 2005.
Um er að ræða spurningalistakönn-
un sem byggist á úrtaki 3.000 Ís-
lendinga 16 ára og eldri af landinu
öllu og var svarhlutfall 67%.
Rúmlega fjögur prósent svarenda
sagði heimili sitt hafa orðið fyrir
innbroti einu sinni eða oftar á síð-
ustu fimm árum, þar af hafði verið
brotist inn á tvö prósent heimila ár-
ið 2004.
89 prósent töldu það mjög eða
frekar ólíklegt að þeir yrðu fyrir
innbroti á næstu 12 mánuðum.
Þeir sem urðu fyrir innbroti á síð-
ustu fimm árum töldu frekar en aðr-
ir að þeir yrðu fyrir innbroti á
næstu 12 mánuðum.
Um níu prósent svarenda sögðust
hafa komið sér upp þjófavörn, rúm-
lega 11 prósent sögðust hafa sér-
staka hurðarlása og þrjú prósent
sérstaka glugga eða hurðargrindur.
Sjö innbrot
að meðaltali
á dag