Morgunblaðið - 10.06.2006, Blaðsíða 1

STOFNAÐ 1913 156. TBL. 94. ÁRG. LAUGARDAGUR 10. JÚNÍ 2006 PRENTSMIÐJA MORGUNBLAÐSINS mbl.is
Er enginn
sáttasemjari
Nick Mason lemur húðirnar við söng
Rogers Waters í Egilshöll | 72
Lesbók | Knattspyrnan veitir innblástur
Ófyndin saga
Börn | Hlöðukötturinn
Myndasögur
Ópera fyrir börn
Íþróttir | Allt um fyrsta dag Heimsmeistarakeppninnar
F
A
B
R
IK
A
N
M
Æ
TUM
ALLAR!
Allar upplýsingar á
www.sjova.is
Kvennahlaupið
um land allt
10. júní
Lesbók, Börn og Íþróttir
HEIMSMEISTARAKEPPNIN í knatt-
spyrnu fór vel af stað í gær fyrir gestgjaf-
ana, Þjóðverja, þegar þeir unnu Kosta
Ríka með fjórum mörkum gegn tveimur.
Alls verða 64 leikir á boðstólum þann heila
mánuð sem keppnin stendur.
Reuters
Veislan byrjuð
Ramallah. AP, AFP. | Mahmoud Abbas, forseti
Palestínu, fordæmdi í gær „blóðug fjölda-
morð“ Ísraela á Gaza en þá létu ísraelskir
hermenn fallbyssukúlum rigna yfir fólk,
sem var á ströndinni sér til skemmtunar.
Biðu sjö manns bana og að minnsta kosti 30
særðust.
„Ódæðið, sem Ísraelar frömdu á Gaza, er
ekkert annað en útrýmingarherferð og
fjöldamorð á fólki,“ sagði Abbas í yfirlýs-
ingu, sem palestínska fréttastofan Wafa
flutti. „Ég veit ekki hvaða ástæðu ísraelska
ríkisstjórnin hafði fyrir þessum glæp.“
Abbas hvatti einnig alþjóðasamfélagið,
öryggisráð Sameinuðu þjóðanna og ríkin,
sem eiga aðild að kvartettinum svokallaða,
til að binda enda á „þessa glæpamennsku“.
Brást rússneska stjórnin strax við og sagði í
yfirlýsingu, að hún væri hneyksluð á þessu
framferði. Í yfirlýsingu frá Bandaríkja-
stjórn var ítrekað, að Ísraelar hefðu „rétt til
að verja hendur sínar“ en um leið voru þeir
hvattir til að huga að afleiðingunum.
Abbas lýsti í gær yfir þriggja daga þjóð-
arsorg vegna mannfallsins á ströndinni á
Gaza en meðal hinna látnu var fimm manna
fjölskylda. Hernaðararmur Hamas-hreyf-
ingarinnar, sem er við völd í Palestínu,
brást hins vegar við með því að hóta að hefja
aftur árásir á Ísrael og rjúfa þá um leið
óformlegt vopnahlé, sem staðið hefur í hálft
annað ár.
Talsmaður ísraelska hersins sagði í gær,
að árásirnar á Gaza hefðu verið stöðvaðar
meðan verið væri að kanna þetta mál.
Fordæmir
„blóðug
fjöldamorð“
Hernaðararmur Hamas
hótar árásum á Ísrael
New York. AFP. | Múslímskar konur
hafa ekkert á móti höfuðblæjunni
en þær vilja fá að njóta fulls kosn-
ingaréttar. Almennt telja þær sig
ekki vera kúgaðar að því er fram
kemur í Gallup-könnun.
Í könnuninni, sem birt var í The
New York Times, voru 8.000 kon-
ur í flestum íslömskum ríkjum
spurðar og í Líbanon kváðust 97%
þeirra vilja fá að ráða því sjálfar
hvað þær kysu. Þannig var um
95% kvenna í Egyptalandi og
Marokkó en aðeins 68% í Pak-
istan. Engin kvennanna hafði eitt-
hvað við höfuðblæjuna að athuga
en sögðu helstu gallana á sam-
félögum sínum vera ofbeldisfulla
öfgamenn, spillingu og litla ein-
ingu með íslömskum ríkjum.
Helstu gallana á Vesturlöndum
sögðu þær vera siðferðileg úr-
kynjun, fjöllyndi og klám, sem
væri niðurlægjandi fyrir konur.
Segjast ekki sæta kúgun
♦♦♦
BRUNI kom upp í smurstöð og
dekkjaverkstæði við Aðalstöðina í
Keflavík á ellefta tímanum í gær-
kvöldi. Ekki hafði tekist að slökkva
eldinn þegar blaðið fór í prentun í
gær en samkvæmt upplýsingum
frá Brunavörnum Suðurnesja hafði
slökkviliðið náð tökum á eldinum.
Rýma þurfti fjögur hús. Fólk var
ekki í hættu.
Húsnæði dekkjaverkstæðisins
varð brátt alelda samkvæmt upp-
lýsingum blaðsins en fljótlega
læstu logarnir sig einnig í þak
smurstöðvarinnar. Árni Gunn-
laugsson, eigandi smurstöðv-
arinnar, var í uppnámi er blaðið
náði tali af honum. „Það er sárt að
sjá lífsviðurværi sitt hverfa í burtu
með þessum hætti. Maður stendur
bara hjá og getur ekkert gert. Það
er ekki enn kominn eldur niður í
smurstöðina sjálfa þannig að mað-
ur veit ekki hvernig þetta verður.
Það hefur enginn komið og rætt við
mig ennþá um hvenær takist að
slökkva í þessu,“ sagði Árni. Ólík-
legt var að nokkru yrði bjargað úr
dekkjaverkstæðinu en óvissara var
um smurstöðina. Þrátt fyrir að
slökkviliðið hefði náð tökum á brun-
anum var útlit fyrir að langan tíma
gæti tekið að útrýma eldinum al-
veg, en dekkjabrunar sem þessi
loga oft lengi.
Samkvæmt upplýsingum blaðs-
ins var um meiriháttar bruna að
ræða. Auk alls tiltæks slökkviliðs
staðarins voru sendir bílar frá höf-
uðborgarsvæðinu, Sandgerði og
Keflavíkurflugvelli og voru slökkvi-
bílar á vettvangi alls tíu talsins.
Lögreglan brá á það ráð að loka
nærliggjandi götum en stór hópur
bæjarbúa hafði safnast að brun-
anum við Aðalstöðina. Mikinn
svartan reyk frá eldinum lagði yfir
hafnarsvæðið í Keflavík.
Morgunblaðið/Júlíus
Slökkviliðsmenn reyna að ráða niðurlögum eldsins sem kom upp í húsnæði dekkjaverkstæðisins við Aðalstöðina í Keflavík.
Sárt að sjá lífsviðurværi sitt
hverfa með þessum hætti
Mikill bruni í smurstöð og dekkjaverkstæði við Aðalstöðina í Keflavík