Morgunblaðið - 29.06.2006, Blaðsíða 11

MORGUNBLAÐIÐ FIMMTUDAGUR 29. JÚNÍ 2006 11
FRÉTTIR
ZHANG Meiying, varaforseti kín-
verska ráðgjafarþingsins, kom ásamt
sjö manna sendinefnd í heimsókn
hingað í vikunni. Með heimsókn sinni
var frú Zhang að endurgjalda heim-
sókn forseta og varaforseta Alþingis
til Kína í fyrra og skipulagði Alþingi
heimsókn varaforsetans hingað til
lands.
Á þriðjudag átti frú Zhang Meiying
fund með Sólveigu Pétursdóttur, for-
seta Alþingis, í Alþingishúsinu. „Frú
Zhang bar mér kveðju kínverska
þingforsetans, sem ég hitti í fyrra
þegar sendinefnd Alþingis heimsótti
Kína,“ sagði Sólveig. Ráðgjafarþing
Kína á sér ekki beina hliðstæðu í ís-
lenska stjórnkerfinu, en Kínverjar
líkja því við efri deild þings, að sögn
Sólveigar. Á ráðgjafarþinginu sitja
yfir tvö þúsund fulltrúar ólíkra hópa
þjóðfélagsins, en lúta samt allir for-
ystu kommúnistaflokksins.
Samskipti ríkjanna góð
„Við minntumst þess að 35 ár eru
frá því Ísland og Kína tóku upp
stjórnmálasamband og vorum sam-
mála um að samskipti ríkjanna væru
mjög góð. Pólitísk tengsl væru sterk
og hefðu rutt brautina fyrir frekari
samskipti á öðrum sviðum. Aukin við-
skiptatengsl væru mjög jákvæð og
mikill kraftur væri í þeim samskipt-
um.“
Sólveig sagði að þær hefðu m.a.
rætt um jafnréttismál, en frú Zhang
hefur verið virk í kvennahreyfingunni
í Kína. „Ég fagnaði því að fá hingað í
fyrsta sinn fulltrúa frá kínverska ráð-
gjafarþinginu. Það væri mikilvægt að
fá upplýsingar um hvernig kínverska
stjórnkerfið virkaði, því oft væri erfitt
fyrir Íslendinga að skilja kerfi þeirra
þar sem einn flokkur er allsráðandi.
Ég tók upp mannréttindamál og lýð-
ræðisþróun við sendinefndina og átt-
um við gagnlegar umræður um þau
mál.
Við vorum sammála um að aukin
skoðanaskipti á milli alþingismanna
og stjórnmálamanna í Kína væru
mjög jákvæð og lýstu báðir aðilar sig
viljuga til að stuðla að frekari skoð-
anaskiptum í framtíðinni.“
Forseti Alþingis hélt varaforsetan-
um síðan hátíðarkvöldverð í Ráð-
herrabústaðnum. Í heimsókn sinni fór
frú Zhang Meiying varaforseti einnig
til Þingvalla, í skoðunarferðir um
Suðurland, Reykjanes og Reykjavík.
Þá heimsótti hún, auk Alþingis, Þjóð-
menningarhúsið, og átti fundi með
Ólafi Ragnari Grímssyni, forseta Ís-
lands, og Magnúsi Stefánssyni félags-
málaraðherra.
Varaforseti kínverska ráðgjafarþingsins í heimsókn hjá Alþingi
Ræddu jafnréttismál
og mannréttindi
Morgunblaðið/Kristinn
Zhang Meiying og Sólveig Pétursdóttir ræddust við í Alþingishúsinu.
Fáðu úrslitin
send í símann þinn
iðunn
tískuverslun
Kringlunni, s. 588 1680
Laugavegi 40, s. 561 1690Laugavegi 40 - Sími 561 1690
RALPH LAUREN
20-80%
afsláttur
ÚtsalaÚtsala
20-80%
afsláttur
Kringlunni - sími 568 1822 – www.polarnopyret.is
Útsalan
er hafin
ÚTSALA
Laugavegi 25,
sími 533 5500.