Morgunblaðið - 29.06.2006, Blaðsíða 27

MORGUNBLAÐIÐ FIMMTUDAGUR 29. JÚNÍ 2006 27
DAGLEGT LÍF Í JÚNÍ
Í DAG fara sumarútsölurnar af stað í Kringlunni,
Smáralind og Laugaveginum og þá er um að gera að
athuga hvort ekki sé hægt að gera reyfarakaup og
næla sér í flík, skó eða eitthvað annað á niðursettu
verði og margir hugsa sér gott til glóðarinnar og
gera fatainnkaup fyrir verslunarmannahelgina.
Afslátturinn er misjafn eftir verslunum en þó lækka
vörurnar meira eftir því sem líður á útsölutímann.
Sérstök tilboð
Í Smáralindinni eru einstaka stórverslanir með sér-
stök tilboð ákveðna daga meðan á sumarútsölunum
stendur, eins og t.d. Debenhams. Í Smáralindinni
standa útsölurnar út júlímánuð en fyrstu vikuna í
ágúst verður götumarkaður og prúttstemning.
Útsölurnar í Kringlunni enda líka á götumarkaði,
en hann verður frá 10.–13. ágúst og þá verður afslátt-
urinn gríðarlegur eins og venjan er og margt um
manninn.
Á Laugaveginum er misjafnt eftir verslunum hve-
nær útsölurnar hefjast, en flestar fara af stað í þess-
ari viku. Þar verður líka langur laugardagur næst-
komandi laugardag og opið til klukkan fimm og mikil
hátíð vegna afmælis Landsbankans.
Útsölurnar standa lengur en áður
Eva Dögg Sigurgeirsdóttir, fulltrúi markaðsstjóra í
Smáralind, segir að landslagið í útsölum hafi breyst
mikið og sé nú í meira samræmi við það sem er er-
lendis. Nú fari útsölurnar fyrr af stað og standi leng-
ur, einnig komi nýju vörurnar miklu fyrr inn í versl-
anirnar eða um miðjan júlí, þannig að um leið og fólk
kíkir á útsölurnar, þá er hægt að skoða og eða kaupa
eitthvað af nýjum haustvörum.
Morgunblaðið/RAX
Sumarútsölurnar hafnar

NEYTENDUR
Lítill munur er á gjaldeyrisverði hér
á landi samkvæmt könnun sem
Neytendasamtökin gerðu á skrán-
ingu kl. 9 í gærmorgun, taka verður
tillit til þess að gengisbreytingar eru
mjög örar.
Á www.ns.is kemur fram að hægt
er að kaupa gjaldeyri í öllum við-
skiptabönkunum og í Forex, Banka-
stræti. Munurinn er þó mjög lítill á
milli lægsta og hæsta verðs eða
2,5%.
Lægsta verð er hjá Forex en hæst
í útibúi Landsbankans í Leifsstöð en
þar er gengið 1% hærra en í öðrum
útibúum Landsbankans.
Ef peningar eru teknir út í hrað-
banka erlendis með debetkorti gildir
almennt gengi auk 2% þóknunar. Ef
debetkort er notað í verslunum er-
lendis er þóknunin lægri, eða 1%.
Ef kreditkort er notað í versl-
unum erlendis leggst engin þóknun
á upphæðina. Ef kreditkortið er hins
vegar notað í hraðbanka erlendis
leggst 2,5% þóknun á upphæðina.
Samkvæmt því er ódýrara að nota
kreditkort í verslunum en að taka út
úr hraðbanka og svo að segja er eng-
inn munur á því að taka út peninga í
banka á Íslandi og í hraðbönkum er-
lendis.
„Við höfum aldrei kannað gjald-
eyrisverð hérna áður og það sem lá
fyrir okkur var að vita hvort einhver
munur væri á milli banka og hvaða
munur er á að kaupa gjaldeyri í
banka áður en lagt er af stað eða
taka hann út í hraðbanka í viðkom-
andi landi,“ segir Þuríður Hjart-
ardóttir, framkvæmdastjóri Neyt-
endasamtakanna. „Við vildum sýna
hvaða úrlausnir eru í boði því stund-
um er erfitt að átta sig á þessu. T.d.
ef maður notar kreditkort í útlönd-
um þá er engin þóknun tekin fyrir að
borga með korti út í búð en ef pen-
ingurinn er tekinn út úr hraðbanka
þá bætast 2,5% prósent ofan á,
þannig að það er óhagstæðara. Það
er í þessu sem munurinn liggur.“

KÖNNUN | Neytendasamtökin
Lítill munur á
gjaldeyrisverði
Könnunina má sjá nánar á
www.ns.is
Morgunblaðið/Árni Sæberg