Morgunblaðið - 18.08.2006, Síða 22

22|Morgunblaðið
Fjöltækniskólinn er meira en bara
bóknám. Þetta er nýr skóli sem er
reistur á traustum grunni Stýri-
mannaskólans í Reykjavík og Vél-
skóla Íslands.
Um þessar mundir býður skólinn
fleiri svið, meðal annars tæknisvið
og sjávarútvegssvið auk þess sem
fjarmenntun er möguleg í fleiri
námskeiðum við skólann.
Bóklegt og verklegt
„Í aðalatriðum skiptist skólinn
niður í tvö svið, skipstjórn og vél-
stjórn. En við bjóðum líka tækni-
svið, sem er nýtt af nálinni auk sjáv-
arútvegssviðs. Við tæknisviðið geta
nemendur lokið stúdentsprófi á fjór-
um árum og fá samhliða skipstjórn-
arréttindi eða vélstjóraréttindi,“
segir Jóhannes Ómar Sigurðsson,
sviðsstjóri vélstjórnar- og tækni-
sviðs.
Jóhannes Ómar segir að námið sé
erfitt og krefjist mikils aga, enda sé
um tækninám að ræða og ekki bara
bóklegt nám.
„Það fer fram símat meðan á
menntuninni stendur og skýrslu-
gerð er fastur þáttur í náminu. Hér
eru fá vinnubrögð sem minna á það
sem tíðkast í verkfræðideildum há-
skólanna, þetta er meira ferilsnám,
hlutirnir eru skoðaðir á fræðilegan
hátt og samtímis er hægt að sjá
hvernig þeir virka í raun,“ segir Jó-
hannes Ómar.
Ekki bara fyrir sjómenn
Þótt Fjöltækniskólinn eigi bak-
grunn í stýrimanna- og vél-
stjóranámi er námið alls ekki bara
fyrir sjómenn og reyndar er það svo
að flestir þeir sem mennta sig við
skólann fá sér vinnu í landi, að sögn
Sigríðar Ágústsdóttur, sviðsstjóra
endurmenntunar skólans.
„Kælitækni og rafmagnsfræði
ryðja sér til rúms og verða sífellt
mikilvægari, enda eru þetta vinsæl-
ar greinar hjá okkur. Samtenging
ljósa og framleiðsla rafmagns með
gufu og dísel eru til dæmis mjög
mikilvægar í nútímaþjóðfélagi,“ seg-
ir Sigríður.
Jóhannes Ómar segir að ekki sé
nauðsynlegt að velja verkfræðinám
að námi loknu við Fjöltækniskólann.
„Nemendur geta alveg eins sér-
hæft sig í raftæknifræði eða í orku-
málum almennt,“ segir Jóhannes
Ómar.
Lánshæft nám
Sigríður segir að námið sé láns-
hæft eftir tveggja ára nám og að
nemendur geti líka sótt um náms-
mannaíbúðir eins og aðrir stúd-
entar.
„Það er hins vegar svo að nem-
endurnir okkar vinna oft svo mikið
að tekjur þeirra gera að þeir koma
aftarlega í röðina þegar sótt er um
húsnæði,“ segir Sigríður.
Af 300 nemendum skólans eru
venjulega um það bil 10 stelpur og
strákar þar af leiðandi í yfirgnæf-
andi meirihluta.
„Aldursdreifingin er ekki ýkja
stór, sumir koma beint grunnskóla
aðrir hafa lokið sveinsprófi og koma
svo hingað til náms. Ætli meðalald-
urinn sé ekki nokkuð hærri en í
venjulegum framhaldsskólum. En
þessi blanda bóklegs og verklegs
náms gerir Fjöltækniskólann að
einu best geymda leyndarmáli
skólakerfisins,“ segir Sigríður.
Sigríður segir að við skólann hafi
skapast öflugt tæknisamfélag og að
það opni margar dyr fyrir nem-
endum, bæði á landi og á sjónum.
„Hér við fjöltækniskólann er til
dæmis meira stærðfræðinám en við
aðra framhaldsskóla og það auð-
veldar nemendum að sækja um nám
við tækniháskóla eða verk-
fræðideildir háskólanna síðar meir,“
segir Sigríður.
Nefna má að með kjörsviði geta
nemendur sem velja stærðfræði lok-
ið 24 einingum meðan einingafjöldi
við flesta framhaldsskóla er kring-
um 20 einingar eða minna.
Best geymda
leyndarmál
skólakerfisins
Morgunblaðið/Ásdís
Jóhannes Ómar Sigurðsson og Sigríður Ágústsdóttir fyrir framan anddyri Fjöltækniskólans.
Morgunblaðið/Árni Torfason
Gamli Stýrimannaskólinn, eða Fjöl-
tækniskólinn eins og hann heitir
nú, gnæfir hátt yfir umhverfi sitt.
Morgunblaðið/Golli
Gamli Stýrimannaskólinn við Öldugötu. Hér byrjaði
ævintýrið í húsi ssem var byggt 1898.
Fjöltækniskóli Íslands heldur til í tignarlegum
húsakynnum Stýrimannaskólans við Háteigsveg í
Reykjavík. Þangað fór blaðamaður Menntunar til
þess að kynna sér starfsemi skólans nánar.
MYN
DLIS
T
MYN
DLIS
T
Innritun hefst á skrifstofu skólans, Fannborg
6, mánudaginn 4. september. Skrifstofutími
kl. 15:00-18:00 mánud.-fimmtud.,
sími 564 1134 og 863 3934.
MYNDLISTARNÁM
Haustönn Myndlistarskóla Kópavogs
hefst 25. september.
13 vikna byrjenda- og
framhaldsnámskeið í leirmótun,
málun, vatnslitamálun,
teiknun, módelteiknun og
módelmálun.
Barna- og unglinganámskeið, sjá
stundaskrá á vefsíðu skólans
www.mmedia.is/myndlist
Hugræn atferlismeðferð byggist á
tengslum hugsanamynsturs, tilfinn-
inga og hegðunar en skilningur á
samspili þessara þátta getur opnað
möguleika á að brjóta upp hugs-
anamynstur sem valda mönnum
vanlíðan.
Markmið námskeiðsins er að
þátttakendur öðlist þekkingu á
grunnhugtökum og aðferðum hug-
rænnar atferlismeðferðar, fái betri
skilning á sálrænum viðbrögðum
við sjúkdómum og læknismeðferð
og geti byrjað að beita nálgun hug-
rænnar atferlismeðferðar við
ákveðin verkefni innan heilbrigð-
iskerfisins. Farið er í mikilvæg
hugtök, kenningar og aðferðir hug-
rænnar atferlismeðferðar og fjallað
m.a. um þunglyndi og kvíða, sálræn
viðbrögð við líkamlegum sjúkdóm-
um, erfiðum læknismeðferðum út
frá hugrænni atferlismeðferð og
hvernig heilbrigðisstéttir geta hag-
nýtt sér aðferðir hennar.
Auður R. Gunnarsdóttir lærði
sálfræði við HÍ og Háskólann í
Bergen og er sérfræðingur í klín-
ískri sálfræði. Hún hefur starfað á
geðdeild Landspítalans, sál-
fræðideild skóla og er nú sálfræð-
ingur hjá Námsráðgjöf HÍ auk þess
sem hún rekur eigin sálfræðistofu
og er formaður Félags um hug-
ræna atferlismeðferð. Auður hefur
sérhæft sig í að beita hugrænni at-
ferlismeðferð við sálrænum vand-
kvæðum. Námskeið hennar Hug-
ræn atferlismeðferð hafa verið
mjög vinsæl hjá Framvegis. Auður
segir að aðferðin hafi í upphafi ver-
ið þróuð í tengslum við meðferð á
þunglyndi.
,,Sá árangur sem náðst hefur í
meðferð á þunglyndi með hugrænni
atferlismeðferð hefur vakið athygli
heilbrigðisstétta og meðferðin hefur
einnig verið þróuð við ýmsum kvíð-
aröskunum með góðum árangri.
Aðferðirnar virðast henta vel í
margvíslegu samhengi í heilbrigð-
isþjónustu þar sem andlegur og fé-
lagslegur stuðningur er nauðsyn-
legur þáttur í meðferð
skjólstæðinga og sjúklinga,“ segir
Auður.
Námskeið í hugrænni
atferlismeðferð
Morgunblaðið/Ásdís
Hægt er að beita hugrænni
atferlismeðferð við sálrænum
vandkvæðum.