Morgunblaðið - 18.08.2006, Síða 49

Morgunblaðið |49
„Það kom fljótlega í ljós að eft-
irspurnin var mikil, en hins vegar
kom líka fljótlega í ljós að mörg
fyrirtæki höfðu ekki á að skipa
fólki sem hafði næga þekkingu á
gæðastjórnun til að taka við ráð-
gjöfinni, en það er algerlega nauð-
synlegt,“ segir Kristín Björns-
dóttir hjá fyrirtækinu Focal sem
rekur skólann.
Örar breytingar
Stærri fyrirtæki eins og Bakka-
vör, Össur og Marel höfðu fengið
vottun þá þegar, en á þeim tíma
var fyrst og fremst litið á gæða-
vottun sem nauðsynlega fyrir fyr-
irtæki sem voru í útflutningi eða í
geirum þar sem gerðar eru strang-
ar kröfur innbyrðis, eins og til
dæmis í lyfjageiranum eða flugi.
„Nú er þetta að breytast mjög
ört, til dæmis hjá verktökum,
verkfræðingum og hönnuðum. Þar
fá menn helst ekki verkefni nema
þeir geti sýnt fram á gæðakerfi og
helst vottun eða svokallað ISO
9001-vottorð,“ segir Svala Rún
Sigurðardóttir, sem er for-
stöðumaður ráðgjafasviðs Focal.
Kröfur alþjóðlegs iðnaðar og
þjónustu til vottaðra gæðakerfa
hafa aukist hratt á síðustu árum.
Svala Rún nefnir sem dæmi að í
Svíþjóð og Danmörku hafi ein-
ungis um 40 til 50 fyrirtæki haft
vottað gæðakerfi 2001. Nú séu þau
orðin um 1800.
„Þessi þróun er núna í gangi á
Íslandi og stígandinn á eftir að
vera mjög hraður,“ segir Svala
Rún.
Skortur á þekkingu
Kristín segir að Focal hafi upp-
götvað að í mjög mörgum fyr-
irtækjum hafi ekki verið til fólk
sem gat tekið við gæðastjórn-
unarverkefnum og rekið þau af
hálfu fyrirtækjanna.
„Þetta varð til þess að Focal
byrjaði að bjóða styttri námskeið
og þá sáum við fljótt að þörf var
fyrir heilsteypt nám og um síðustu
áramót buðum við það. Við vorum
með tvö slík námskeið á síðustu
önn og bæði námskeiðin voru full,
þannig að það er ljóst að þarna er
gríðarleg þörf fyrir þekkingu inni í
fyrirtækjunum,“ segir Kristín.
Námskeiðin standa í tíu vikur og
byggjast upp líkt og háskólafag,
en tímafjöldi og umfang verkefna
eru sambærileg þótt nám í Gæða-
stjórnunarskólanum sé ekki við-
urkennt sem háskólanám, allavega
ekki ennþá.
„Fagið er nýtt og þarf að þróast,
en við höfum fullan hug á að
stefna að viðurkenningu,“ segir
Svala Rún.
Ráðgjöf til fyrirtækjanna
strandaði oft á því að tenglarnir í
fyrirtækjunum töluðu ekki sama
mál og ráðgjafarnir. Eina leiðin, að
mati Svölu Rúnar, var því að
þjálfa upp fólk til þess að það gæti
tekið við ráðgjöfinni. Það varð til
þess að Gæðastjórnunarskólinn
var settur á laggirnar.
Fyrir hvern er gæðastjórnun?
Gæðastjórnun er fyrir alla; fyr-
irtæki, stofnanir og ekki síst
starfsmennina sjálfa. Svala Rún
segir að hugmyndin sé í raun mjög
einföld.
„Bestu vinnubrögðin eru skjal-
fest samkvæmt ISO-staðlinum í
heildarrekstri fyrirtækisins. Út-
koman er fyrirmyndarfyrirtækið
þar sem allir starfsmenn vinna
með samræmdum hætti og lág-
marka þannig mistakakostnað í
rekstrinum. Kannanir hafa sýnt að
mistakakostnaður getur verið 15–
35 prósent af veltu rekstrar, það
er svolítið mismunandi eftir starfs-
greinum. Með innleiðingu á gæða-
kerfi þurfa fyrirtækin að innleiða
nýja hugsun og áherslur með því
að endurskoða stefnu og mark-
mið,“ segir Svala Rún.
Í mörgum atvinnugreinum eru
ekki veitt staðarleyfi nema hægt
sé að sýna fram á að starfsemin
uppfylli ákveðna staðla og mörg
einkafyrirtæki fá ekki verkefni eða
samninga nema þau uppfylli kröfu
um gæðastaðla. Þess vegna ryður
gæðastjórn sér rúms í vaxandi
mæli um allan heim.
Heilsteypt nám
Hið hefðbundna skólakerfi býð-
ur ekki upp á neitt heilsteypt nám
í gæðastjórnun, kannski vegna
þess að gæðastjórnunarbylgjan er
tiltölulega ný á Íslandi.
„Focal Consulting býður nú upp
á slíkt heilsteypt nám í gæða-
stjórnun á tíu vikna námskeiðum
sem eru sambærileg við áfanga á
háskólastigi. Við sérhæfum okkur í
ráðgjöf í gæðastjórnun hjá op-
inberum stofnunum og einkafyr-
irtækjum. Við teljum okkur vera
að mæta þörf á markaðinum, þar
sem skortur hefur verið á slíkri
ráðgjöf, með því að stofna Gæða-
stjórnunarskólann,“ segir Svala
Rún.
Í náminu er meðal annars farið í
hugtök eins og gæðakostnað, ferla-
stjórnun og hagnýt vinnubrögð í
stefnumótun og stjórnun gæða-
mála.
„Markmiðið með náminu er að
veita nemendum heildaryfirsýn yf-
ir aðferðafræði gæðastjórnunar,
bæta ánægju viðskiptavina og
starfsmanna og auðvelda rekstr-
areiningum að ná betri árangri án
aukinna auðlinda. Auk gæðanáms-
ins býður skólinn upp á smærri
hagnýt námskeið á sviði gæða-
stjórnunar, eins og til dæmis nám-
skeið í gerð verksreglna,“ segir
Kristín.
Námið byggir á einstaklings- og
hópverkefnum og lýkur áfanga
með lokaprófi. Kennarar skólans
hafa mikla reynslu af gæðastjórn-
un sem stjórnendur, ráðgjafar og
kennarar á háskólastigi.
Nýr gæðastjórnunarskóli í Kópavogi
Focal hefur framleitt eigin hugbúnað í ellefu ár og aðallega sérhæft sig
í gæða-, skjala- og mannauðsstjórnun, en þetta eru kerfi sem halda ut-
an um ferli sem snúa að gæðastjórnun. Fyrir tveimur árum setti svo
fyrirtækið upp ráðgjafasvið sem síðan þróaðist í Gæðastjórnunarskól-
ann. Menntun leit við til að kynna sér málin.
Morgunblaðið/Eyþór
Svala Rún Sigurðardóttir, forstöðumaður ráðgjafasviðs Focals og Kristín Björnsdóttir starfa hjá Gæðastjórn-
unarskólanum í Kópavogi
Viltu læra eitthvað nýtt og spennandi?
Viltu gæða kennslu?
Viltu styrkja undirstöðuna?
Skelltu þér þá í skemmtilegt og fjölbreytt nám hjá okkur.
Öldungadeild MH
Innritað verður dagana 16.-18. ágúst í skólanum frá kl. 16-19,
í síma frá kl. 9-15 og yfir netið allan sólarhringinn.
Áfangar í boði á haustönn 2006
Danska
DAN1036
Eðlisfræði
NÁT 1336
EÐL 1036
Efnafræði
EFN 2036
NÁT 1236
Enska
ENS 1036
ENS 3036
ENS 4036
Félagsfræði
FÉL 1036
(dreifnám)
FÉL 2036
(dreifnám)
FÉL 2636
Franska
FRA 1036
FRA 3036
Hagfræði
ÞJÓ 1036
Sænska
SÆN 1036
SÆN 2036
SÆN 3036
Tölvufræði
TÖL 1036
(Dreifnám)
TÖL 1136
(Dreifnám)
Þýska
ÞÝS 1036
ÞÝS 3036
ÞÝS 5136
Íslenska
ÍSL 1036
ÍSL 2036
ÍSL 3036
ÍSL 3224
ÍSL 3736
ÍSL 4036
ÍSL 4224
ÍSL 5036
Ítalska
ÍTA 1036
ÍTA 3036
ÍTA 4036
Jarðfræði
NÁT 1136
NÁT 1036
Líffræði
NÁT 1036
LÍF 1036
Náttúrufræði
NÁT 1036
NÁT 1136
NÁT 1236
NÁT 1336
Norska
NOR 1036
NOR 3036
Saga
SAG 1036
SAG 3036
SAG 3836
Sálfræði
sál 1036
sál 2036
Spænska
spæ 1036
spæ 3036
Stærðfræði
STÆ 1036
STÆ 2636
STÆ 3036
STÆ 5036
STÆSTO
(Stoðtími)
Nánari upplýsingar á heimasíðu MH
www.mh.is.