Morgunblaðið - 29.08.2006, Síða 15

MORGUNBLAÐIÐ ÞRIÐJUDAGUR 29. ÁGÚST 2006 15
ERLENT
Tækniþróunarsjóður
kynningarfundur í Húsi atvinnulífsins 30. ágúst
Rannís
Rannsóknamiðstöð Íslands,
Laugavegi 13, 101 Reykjavík,
www.rannis.is
Tækniþróunarsjóður boðar til opins kynningarfundar í Húsi
atvinnulífsins , Borgartúni 35 miðvikudaginn 30.
ágúst kl. 8:30-10:00
Fundurinn er ætlaður væntanlegum umsækjendum en umsóknarfrestur í sjóðinn er til
15. september.
Dagskrá:
● Ragnheiður Héðinsdóttir Samtökum iðnaðarins er fundarstjóri.
● Sveinn Þorgrímsson formaður stjórnar Tækniþróunarsjóðs gerir grein
fyrir hlutverki sjóðsins.
● Snæbjörn Kristjánsson og Oddur Már Gunnarsson starfsmenn Rannís fjalla
um umsóknar- og matsferli sjóðsins.
Boðið verður upp á morgunverð á fundinum.
Tækniþróunarsjóður heyrir undir iðnaðarráðherra og starfar samkvæmt lögum nr.
4/2003 um opinberan stuðning við tækniþróun og nýsköpun í þágu atvinnulífsins.
Sjóðurinn fjármagnar nýsköpunarverkefni í samræmi við meginstefnu Vísinda- og
tækniráðs. Umsækjendur geta verið fyrirtæki, einstaklingar, rannsóknastofnanir og
háskólar.
Katmandú. AFP. | Fjöl-
skylda fjórtán ára
gamals nepalsks
drengs, sem er aðeins
50 sentimetrar á hæð,
hefur lagt fram um-
sókn til heimsmeta-
bókar Guinness um
að hann verði skráð-
ur sem minnsti maður
í heimi.
„Við fundum út að
jórdanskur drengur á
metið í heims-
metabókinni og hann
er um 65 sentimetrar
á hæð. Khagendra er
um 14 sentimetrum
lægri en jórdanski
pilturinn, svo að við
lögðum fram umsókn
til bókarinnar,“ sagði
Min Bahadur Rana,
forseti sérstakra sam-
taka sem safna fé fyr-
ir hinn dvergvaxna
Khagendra Thapa
Magar.
Drengurinn vegur
aðeins um 4,5 kíló og verður farið
með hann í sýningarferð um Nep-
al til að safna fé fyrir uppeldi
hans, heilsu og menntun. Frekari
upplýsingar um piltinn og lífs-
hlaup hans má nálgast á vefsíðu
stuðningsmanna hans, www.kha-
gendratma.org.
Sagður minnsti
maður í heimi
EKKERT lát er á óöldinni í Írak þrátt fyrir
aukna öryggisgæslu í Bagdad og víðar. Að
minnsta kosti 16 manns féllu þar í gær í sjálfs-
morðsárás rétt við innanríkisráðuneytið og á
fjórða tug manna féll í átökum milli sveita sjíta
og stjórnarhermanna í Diwaniyah í Suður-Írak.
Þá féllu sjö bandarískir hermenn í Bagdad og
nágrenni í fyrradag.
Árásin við innanríkisráðuneytið var gerð í
þann mund er Jawad Bolani innanríkisráðherra
ætlaði að halda þar fund með lögreglustjórum í
öllum 18 héruðum Íraks og daginn eftir að 62
Írakar féllu í mörgum árásum skæruliða. Þá
kom einnig til átaka milli skæruliða og her-
manna í Dura, einu hverfi Bagdadborgar. Flestir
þeirra, sem létu lífið í árásinni við innanrík-
isráðuneytið, voru lögreglumenn og hátt í 50
særðust.
Bandaríkjamenn hafa fjölgað mikið í liði sínu í
Bagdad og hefur það trúlega breytt einhverju
um ástandið í borginni. Það hefur þó ekki komið
í veg fyrir dagleg hryðjuverk og átök og svo
virðist sem þau áföll, sem hryðjuverkasamtökin
al-Qaeda hafa orðið fyrir, til dæmis fall Abu Mu-
sab al-Zarqawis, leiðtoga þeirra í Írak, hafi ekki
breytt miklu.
Sjö bandarískir hermenn féllu í og við Bagdad
á sunnudag, þar af fjórir er þeir óku yfir vegs-
prengju rétt norðan við borgina.
Segir átökin ekki vera borgarastyrjöld
Nuri al-Maliki, forsætisráðherra Íraks, sagði í
viðtali við CNN-fréttasjónvarpsstöðina á sunnu-
dag, að heldur væri að draga úr ofbeldinu í land-
inu og hann fullyrti, að engin hætta væri á, að
þar brytist út borgarastyrjöld. Á sama tíma bár-
ust fréttir víðs vegar að af landinu um átök og
árásir á fólk, sem tilheyrir þremur helstu fylk-
ingunum, súnnítum, sjítum og Kúrdum.
Í bænum Khalis norður af Bagdad féllu 14 og
nokkrir tugir særðust er hópur manna lét kúl-
unum rigna yfir fólk, sjíta, á markaðstorgi og
annars staðar í nágrenninu féllu sex.
Í olíuborginni Kirkuk í norðurhlutanum, sem
er byggð Kúrdum, aröbum og fólki af ýmsu öðru
þjóðerni, féllu 11 manns í þremur sjálfsmorðs-
árásum og í Basra í suðurhlutanum féllu sjö.
Mannskæðustu átökin í gær stóðu í borginni
Diwaniyah í Suður-Írak en þar áttust við stjórn-
arhermenn og vopnaðar sveitir sjíta, liðsmenn í
svokölluðum Mahdi-her hins róttæka sjítaklerks
Muqtada al-Sadrs. Lágu að minnsta kosti 34
menn í valnum áður en yfir lauk og enn fleiri
særðust.
Vaxandi valdaítök Mahdi-hersins
Diwaniyah er að mestu byggð sjítum og þar
hefur Mahdi-herinn verið að taka völdin í sínar
hendur. Hann er líka við völd í Sadr-borg, hverfi
sjíta í Bagdad, og er þar í raun með sína eigin
ríkisstjórn við hlið alríkisstjórnarinnar.
Svo virðist sem al-Maliki forsætisráðherra og
ríkisstjórninni hafi ekkert orðið ágengt með að
koma böndum á vopnaðar sveitir og al-Maliki á
augljóslega erfitt um vik gagnvart trúbróður sín-
um, al-Sadr. Hefur flokkur hans 30 menn af 275
á þingi, er með fimm ráðherraembætti og átti
sinn þátt í, að al-Maliki fékk forsætisráð-
herraembættið.
Al-Sadr stóð fyrir tveimur uppreisnum gegn
Bandaríkjamönnum 2004 en síðan hafa þeir síð-
an reynt að forðast bein átök við hann og Mahdi-
herinn, einkum vegna ítaka hans í ríkisstjórninni
og mikils stuðnings meðal sjíta. Það kom þó
fram hjá William Caldwell hershöfðingja og tals-
manni Bandaríkjahers í gær, að bandarískir og
íraskir stjórnarhermenn hygðust láta til sín taka
í Sadr-borg.
Tugir manna í valnum
eftir hörð átök í Írak
AP
Götumynd frá Bagdad Maður hrópar á hjálp eftir að sprengja sprakk í bíl við hótel í miðborginni.
Sex manns létust og 16 særðust. Um svipað leyti féllu 16 í árás við innanríkisráðuneytið.
» Síðan verulegar skemmdir voru unnar á ein-um mesta helgistað sjíta í febrúar sl., hafa
sjítar og súnnítar borist á banaspjót svo jaðrar
við borgarastyrjöld.
»Talið er, að um 100 Írakar falli daglega ogóvissan og óttinn eru svo mikil, að áætlað er,
að um fjórðungur fullorðins fólks í Bagdad þurfi
á andlegri aðstoð að halda.
»Sjö bandarískir hermenn féllu í og við Bag-dad á sunnudag og hafa Bandaríkjamenn þá
alls misst 2.626 hermenn frá upphafi innrás-
arinnar í mars 2003.
Í HNOTSKURN
Tilraunir stjórnvalda til
að hafa hemil á vopn-
uðum sveitum virðast
lítinn árangur bera
Eftir Svein Sigurðsson
svs@mbl.is
BOLIR og límmiðar til stuðnings
Plútó sem áður var reikistjarna en
hefur nú verið sviptur þeim titli, selj-
ast nú sem aldrei fyrr á netinu.
Plútó hefur verið nokkurs konar
vandræðagemlingur í heimi stjörnu-
fræðinnar. Skilgreiningunni á sól-
kerfinu var nefnilega síðast breytt
árið 1930 þegar Plútó fannst og var
sagður níunda reikistjarnan og síð-
an nú á fimmtudag þegar varð uppi
fótur og fit vegna Plútós þegar hann
var lækkaður úr tign og skil-
greindur sem dvergpláneta.
Og það eru ekki bara stjörnufræð-
ingar sem velta vöngum yfir Plútó.
Á netinu getur almenningur keypt
varning til stuðnings Plútó, meðal
annars boli með áletruninni „Plútó
er reikistjarna“ fyrir 25 dollara eða
1750 krónur, að því er fram kemur í
Berlingske Tidende. Fyrir fjóra doll-
ara eða 280 krónur er hægt að fá
límmiða til að setja á stuðarann á
bílnum sínum þar sem stendur:
„Flautaðu, ef Plútó er pláneta.“
Til stuðn-
ings Plútó
Teheran. AFP. | Lögregluyfirvöld í
Teheran, höfuðborg Írans, hafa
gefið út alls um 64.000 aðvaranir til
kvenna sem þykja ekki hylja sig
nægilega vel á almannafæri, í sér-
stakri sumarherfð gegn klæðaburði
sem þykir ganga gegn íslamskri
menningarhefð.
„Í síðasta mánuði hafa 69.963
konur í Teheran fengið aðvaranir
[...] og sumar hafa lagt fram skrif-
leg heit um að klæðast með viðeig-
andi hætti,“ sagði Mohammad Reza
Alipour, talsmaður lögreglunnar í
höfuðborginni.
Ætlast er til að sérhver kyn-
þroska kona í íslamska lýðveldinu
hylji hár sitt og líkama á almanna-
færi og herferðin í sumar á sér for-
dæmi á heitustu mánuðum ársins
þegar margar konur kjósa léttari
klæðaburð.
Aðvara
konur vegna
klæðaburðar
♦♦♦