Morgunblaðið - 05.02.2007, Blaðsíða 21

ljós, þú þarft að vita hvort skjaldbök-
urnar þínar eru vatna- eða lands-
kjaldbökur og svo mætti lengi telja.
Það vill brenna við að fólk hafi ekki
hugmynd um þetta.“
Að mati Önnu er gott að fá um-
ræðu um þessi mál. „Það er stað-
reynd að fólk smyglar þessum dýrum
inn í landið og það er töluvert um
þau. Þetta eru ekki bara einhverjir
tíu einstaklingar heldur miklu fleiri.
Við þurfum að velta því fyrir okkur
hvort við viljum banna þessi dýr eða
leyfa því þannig væri kannski frekar
hægt að koma böndum á þetta dýra-
hald. Um leið blandast dýravernd-
unarsjónarmið inn í þessa umræðu
því þegar fólk heldur dýr af vanþekk-
ingu bitnar það á aðbúnaði dýranna.“
Umræðan á Netinu er ekki ein-
göngu opinská hvað varðar dýrahald-
ið sjálft heldur er einnig óskað eftir
ráðleggingum um það hvernig best
sé að smygla dýrunum til landsins.
Og svörin láta ekki á sér standa:
„Mjög auðvelt, tekur þér bara ann-
að hvort ullarsokk eða færð svona
„pung“ sem þú færð í bönkum sem
maður setur utan um mittið til að
geyma peninga í, setur dýrið í það og
ert svo bara sallarólegur og labbar í
gegnum tollinn. Svo þegar þú ert í
flugvélinni ferðu á klósettið og tekur
dýrið upp varlega og leyfir því aðeins
að skoða sig um. Bara passa að það
hlaupi ekki úr höndunum á þér …,“
eru ráðleggingar eins spjallara.
„Nælonsokk og innan á lærið eða
annars er öruggara að setja undir
****** en þeir leita oft þar líka,“ seg-
ir annar og sá þriðji: „Ég hafði
iguana-eðluna mína bara á öxlinni og
var bara í víðum jakka utan yfir, var
með vatnsbrúsa svo ég gæti aðeins
bleytt á henni húðina annað slagið.
Það má bara ekki sýna nein svip-
brigði eða stress þegar maður kemur
í tollinn …“
Ekki reynt að finna ólögleg dýr
Þegar upp kemst um dýrahald af
þessum toga kemur til kasta lögregl-
unnar að sækja þau. „Við ræsum allt-
af út héraðsdýralækni sem sér um að
aflífa þau,“ segir Karl Steinar Vals-
son aðstoðaryfirlögregluþjónn. Hann
segir mál sem þessi fremur sjaldgæf.
„Við höfum aldrei tekið saman
fjöldann svo ég viti en fljótt á litið
sýnist mér hafa verið fjögur tilvik um
handlagningu á ólöglegum dýrum á
síðasta ári.“
Að sögn Karls Steinars er ekki
unnið markvisst að því innan lögregl-
unnar að hafa upp á þessum dýrum.
„Fyrst og fremst bregðumst við við
ábendingum en eins koma snákar,
eðlur eða önnur ólögleg dýr í ljós
þegar við erum í óskyldum aðgerðum
á borð við fíkniefnamál eða annað
slíkt.“
Sigurður Örn Hansson, for-
stöðumaður hjá Landbúnaðarstofnun
og staðgengill yfirdýralæknis, segir
ástæðu þess að dýrin séu bönnuð
vera hættu á að þau beri sjúkdóma
með sér. „Það hefur endurtekið gerst
að fólk og sérstaklega börn hafi sýkst
af salmonellu sem hefur verið rakin
til skriðdýra á borð við skjaldbökur
og eðlur, á heimilum.“
Að hans sögn var árið 1997 ákveðið
að leyfa innflutning á 420 eðlum í til-
raunaskyni. „Skilyrðið var að skaffað
yrði vottorð um að þær væru lausar
við salmonellusmit. Þær voru hafðar í
sóttkví í nokkrar vikur og þá voru
tekin sýni úr þeim sem reyndust já-
kvæð, þ.e. dýrin voru smituð af salm-
onellu. Í framhaldinu voru dýrin af-
lífuð. Menn hafa gefist upp á að leyfa
þetta vegna þess að þessi skriðdýr
eru einfaldlega náttúrulegir hýslar
fyrir salmonelluna.“
Hann segir reynslu annarra landa
af því að leyfa slík dýr slæma. „Þar
hafa afleiðingarnar orðið þær að til-
fellum salmonellusýkinga í fólki, sem
hefur mátt rekja til þessara dýra,
hefur fjölgað til muna eftir að dýrin
hafa verið leyfð.“
Að mati Sigurðar eru þau rök að
með því að leyfa dýrin sé hægt að
koma betri böndum á dýrahaldið ekki
gild. Betra sé að banna þau og hafa
þau þá í takmarkaðri mæli en ella á
landinu. „Við höfum alla vega ekki
treyst okkur til þess að leyfa þessi
dýr því reynslan er sú að það tekst
ekki að skaffa dýr sem eru laus við
salmonellu.“
Inntur eftir aðgerðum Landbún-
aðarstofnunar til að koma í veg fyrir
ólöglegt dýrahald af þessum toga
segir hann þær felast í því að til-
kynna um tilvist slíkra dýra til lög-
reglu, verði stofnunin þeirra vör.
Fóður auglýst
Á meðan eru spjallrásirnar vett-
vangur þeirra sem eiga ólögleg gælu-
dýr. Þar auglýsa gæludýraverslanir
líka fóður fyrir þessar skepnur og
krakkar sem hafa orðið sér úti um
þær reyna að leiðbeina hver öðrum
um dýrahaldið, líkt og á síðunni
www.bannidburt.com, sem helguð er
baráttunni gegn banni við slíkum
dýrum. Og á spjallsíðunum blómstra
líka viðskipti með eðlur, snáka, köng-
ullær og skjaldbökur enda virðast
eigendur ólöglegra gæludýra oft á
tíðum skipta milli tegunda. Eða eins
og segir í einni auglýsingunni: „Ein-
hver sem hefur áhuga á 9 mánaða
gamalli tarantúlu? Hafa samband við
mig á msn … ég hef mikinn áhuga á
iguana-eðlum … einhver sem veit um
svoleiðis yndi til sölu?“
www.bannidburt.com
www.tjorvar.is/spjall
www.dyrarikid.is/spjall
Algengt „Fyrst og fremst bregðumst við við ábendingum en eins koma
snákar, eðlur eða önnur ólögleg dýr í ljós þegar við erum í óskyldum að-
gerðum,“ segir Karl Steinar Valsson aðstoðaryfirlögregluþjónn.
MORGUNBLAÐIÐ MÁNUDAGUR 5. FEBRÚAR 2007 21
FRÁBÆRTVERÐ
ÁÞREKTÆKJUM
Verso 200
Frábærar æfingar
fyrir þrek, fætur og
handleggi.
50 kg lóðasett
kr. 14.500
75 sm
Markið • Ármúla 40 • 108 Reykjavík • Sími 553-5320 • Opnunartími verslunar: Mán. - fös. 10.00-18.00 Laugardaga 11.00-15.00









Hraði 0,8 - 16 km/klst.
Halli 1 - 12%mótor.
6 forrit með púlsmæli.
Band 48 x 130 sm.
Hámarksþyngd 120 kg.
VERÐ KR.
2.400
VERÐ KR.
2.600
VERÐ FRÁ KR.
39.015
VERÐ KR.
63.900 VERÐ KR.
27.900
VERÐ KR.
52.000
Golf S
TILBOÐ KR.
124.100
VERÐ KR.
86.000
Tilboðm/50 kg lóðasetti
kr. 38.160
TILBOÐ KR.
26.910
5%staðgreiðsluafsláttur
Vito XL
Pasio 200