Morgunblaðið - 21.02.2007, Síða 4

4 MIÐVIKUDAGUR 21. FEBRÚAR 2007 MORGUNBLAÐIÐ
FRÉTTIR
Eftir Önnu Pálu Sverrisdóttur
aps@mbl.is
BORGARSTJÓRN Reykjavíkur er
einhuga um að þátttakendur ráð-
stefnu klámframleiðenda eru óvel-
komnir gestir í borginni.
Þetta kom fram á fundi borg-
arstjórnar í gær en þar var einróma
samþykkt ályktun þar sem harmað
er „að Reykjavíkurborg verði vett-
vangur ráðstefnu framleiðenda
klámefnis […] Og hugsanlega jafn-
framt vettvangur athæfis sem bann-
að er með íslenskum lögum.“
Athugað með barnaklám
Konur voru í meirihluta fund-
armanna. Sóley Tómasdóttir, vara-
borgarfulltrúi VG, sem mælti fyrir
ályktuninni, telur það engu hafa
breytt. Konur hafi í gegnum tíðina
verið í forystu baráttu gegn klámi
en nú hafi borgarstjórn sent skýr
skilaboð um að þetta sé málefni
samfélagsins alls. „Það er stórkost-
legt.“
Vilhjálmur Þ. Vilhjálmsson borg-
arstjóri hefur lýst því yfir að koma
ráðstefnugesta sé í óþökk hans.
„Það var mjög ánægjulegt að sjá
hvað var breið og eindregin sam-
staða um yfirlýsingu borgarstjóra,“
segir Gísli Marteinn Baldursson,
borgarfulltrúi Sjálfstæðisflokks.
Hann segist ekki hafa tekið til máls
á fundinum „sem fulltrúi neins
flokks heldur sem faðir dætra
minna“. Aðspurður hvort hann líti á
sig sem femínista, segir Gísli: „Ef
það felst í þessari afstöðu minni, vík
ég mér ekki undan því. Ég hef ekki
verið að setja þann merkimiða á
sjálfan mig en trúi á jafnan rétt ein-
staklinganna.“
Í ályktun borgarstjórnar er ítrek-
uð sú yfirlýsta stefna Reykjavík-
urborgar að vinna gegn klámvæð-
ingu og vændi. Þá eru ítrekaðar
„óskir borgarstjóra um að lögreglu-
embættið rannsaki hvort þátttak-
endur í hópi ráðstefnugesta kunni
að vera framleiðendur barnakláms,
auk annars ólögmæts klámefnis, ef
það mætti verða til þess að koma í
veg fyrir dvöl meintra kynferð-
isbrotamanna hér á landi eða til þess
að upplýsa um ólögmæta starfsemi.“
Brot gegn hegningarlögum?
Félag kvenna af erlendum upp-
runa (WOMEN) hefur einnig sent
frá sér ályktun þar sem m.a. er
harmað að framleiðendur kláms
skuli hafa valið Ísland sem sam-
komustað. „Meðal annars hefur
komið fram, í viðtali við talskonu
hópsins, í kvöldfréttum Rík-
isútvarpsins fimmtudaginn 15. febr-
úar, að áætlað væri að búa til mynd-
efni hér á landi. Myndir á vefnum
http://snowgathering.com/ sýna af-
rakstur síðustu samkundu og ekki
fer á milli mála að þarna er um
klámefni að ræða,“ segir í álykt-
uninni og eru stjórnvöld hvött til að
fylgjast vel með hópnum.
Það varðar sex mánaða fangelsi
skv. 210. gr. hegningarlaga að „búa
til eða flytja inn í útbreiðsluskyni,
selja, útbýta eða dreifa á annan hátt
úr klámritum, klámmyndum eða
öðrum slíkum hlutum …“ Í ræðu
sinni á fundi borgarstjórnar í gær
sagði Sóley fyrirhugað að brjóta
gegn ákvæðinu á ráðstefnunni.
„Fyrirhugað er að gera allt það sem
210. grein hegningarlaga kveður á
um að megi ekki, að framleiða klám
– með klámmyndatökum, að flytja
inn klám – m.a. frá kostunaraðil-
unum, að selja klám – með kost-
unum og að dreifa klámi – m.a. í
kostunarpakkanum.“
Hún segist þó binda í alvöru vonir
við að hætt verði við ráðstefnuna.
„Þessi bransi hefur engan áhuga á
svona umfjöllun.“
Íslandsráðstefna framleiðenda kláms fyrir netmiðla vekur hörð viðbrögð víða í íslensku samfélagi
Morgunblaðið/Ásdís
Bara konur Minnihluti borgarstjórnar er nú eingöngu skipaður konum þar sem karlmennirnir eru allir í leyfi
Borgarstjórn
öll á móti
klámráðstefnu
Borgarstjórn ályktaði í gær einróma um að ráð-
stefna klámframleiðenda yrði haldin í mikilli
óþökk borgaryfirvalda og vill láta rannsaka hvort
ráðstefnugestir framleiði ólöglegt klámefni
Í HNOTSKURN
» Ráðstefna klám-framleiðenda fyrir net-
miðla er fyrirhuguð dag-
ana 7.–11.mars nk.
» Hana ber upp ákvennadaginn 8. mars
og hefur vakið hörð við-
brögð.
» Umdeilt er hvort ís-lensk fyrirtæki, svo
sem Hótel Saga þar sem
ráðstefnugestir gista, eigi
að synja um viðskipti.
» Aðilar í ferðaþjónust-unni, m.a. hótelstjóri
Hótels Sögu segjast ekki
geta gert greinarmun á
viðskiptavinum.
FULLTRÚAR Skógræktarfélags
Reykjavíkur og Kópavogsbæjar hitt-
ust í gær til að ræða framkvæmdir í
Heiðmörk.
Helgi Gíslason, framkvæmdastjóri
Skógræktarfélagsins sat fundinn af
hálfu félagsins ásamt Aðalsteini Sig-
urgeirssyni varaformanni og Kristni
Bjarnasyni lögmanni. Frá Kópa-
vogsbæ sátu fundinn Páll Magnússon
bæjarritari ásamt Steingrími Hauks-
syni, Geir Arnari Marelssyni og Stef-
áni L. Stefánssyni frá framkvæmda-
og tæknisviði.
Helgi sagði fulltrúa Skógræktar-
félagsins hafa verið boðaða á fundinn
til að Kópavogsmenn gætu skýrt sína
hlið á málinu. „Við kynntum þeim að
félagið hefði ákveðið að leggja fram
kæru á hendur þeim varðandi þessa
framkvæmd, sem er ólögleg. Það var
farið yfir hvort framkvæmdaaðilar
hafi haft samráð við félagið og ég held
að það hafi verið ágætlega upplýst að
svo var ekki,“ sagði Helgi. Hann sagði
boltann nú hjá Skógræktarfélaginu
sem ætti að gera tillögu að samkomu-
lagi við Kópavog um framhald fram-
kvæmdarinnar, frágang verksins,
samskipti og bætur. Þá var rætt að
fulltrúar framkvæmdadeildar Kópa-
vogs, verktakans og Skógræktar-
félagsins hittust til að fara yfir
ákveðnar tæknilegar útfærslur.
„Eins og í góðu hjónabandi verða
menn að tala saman og ég held að það
hafi margt skýrst í þessu. Ég held að
margir hafi farið heldur geyst í þessu
máli,“ sagði Gunnar I. Birgisson, bæj-
arstjóri í Kópavogi, í samtali við
Fréttavef Morgunblaðsins í gær um
fundinn. „Það liggur alveg ljóst fyrir
að Kópavogsbær mun bæta þær
skemmdir, ef einhverjar verða, vegna
þessarar vatnslagnar,“ sagði Gunnar
og bætti því við að gengið hafi verið
frá þessu við fyrrverandi fram-
kvæmdastjóra Skógræktarfélagins.
Skemmdir
verða bættar
Skógræktarfélagið gerir tillögu að
samkomulagi við Kópavogsbæ
Morgunblaðið/Golli
Heiðmörk Fulltrúar Skógræktarfélags Reykjavíkur og Kópavogsbæjar
hittust til að ræða framkvæmdir við vatnslögn á vegum Kópavogs.
STARFSMENN Náttúrustofu Reykjaness flugu
ásamt fulltrúum Umhverfisstofnunar yfir svæði í ná-
grenni Sandgerðis og Garðs í gær án þess þó að sjá
neina olíumengun. Hins vegar fannst dauð og olíu-
blaut æðarkolla við Hvalsnes þar sem flutningaskipið
Wilson Muuga hefur legið á strandstað í rúma tvo
mánuði. Er fuglinn hinn fyrsti sem finnst dauður úr
olíumengun. Að sögn Sveins Kára Valdimarssonar,
forstöðumanns NR, þarf að ganga fjörur og skoða viss
svæði betur. Eru þetta svæði inn að Ósabotnum og
Hvalsnes.
Sýnatökur vegna þeirrar olíu sem þegar hefur fund-
ist við Garðskaga standa yfir hjá rannsóknarstofu ol-
íufélaganna og segir Sveinn Kári áhugavert að fá nið-
urstöður úr þeim og fá því svarað hvort um sé að
ræða svartolíu og þá jafnvel hvaðan hún hafi komið.
Samkvæmt upplýsingum á vef Umhverfisstofnunar
í gær er enn óljóst hvert olían sem fuglarnir hafa lent
í á rætur sínar að rekja. Hins vegar ætti að vera unnt
að ganga úr skugga um hvort hún er upprunnin úr
flaki Wilson Muuga með rannsóknum á þeim sýnum
sem hafa verið tekin.
Í gær og fram á fimmtudag er hæsti sjávarstraum-
ur og við slíkar aðstæður er hugsanlegt að restar af
olíu, sem enn leynast í botntönkum skipsins, nái að
leka um rifur á þeim á háfjörunni þegar sjávarborð
stendur lægra en rifurnar. Þetta er í samræmi við það
sem Umhverfisstofnun hefur áður upplýst að hætta
kunni að vera á, að þær restar af olíu sem séu í botn-
tönkunum kunni að leka út við slíkar aðstæður.
Dælt í nótt úr lestum Wilson
Starfsmenn Olíudreifingar voru í skipinu í gær að
dæla upp úr lestinni en á háflóði var vonast til þess að
þær restar sem í botntönkunum væru myndu þrýstast
upp í lestina. Ekki er hægt að ná olíunni sem enn er
hugsanlega í botntönkunum á annan hátt án þess að
losa úr lestunum sjó sem aftur á móti kynni að valda
því að skipið yrði óstöðugra. Slíkt verður tæpast gert
fyrr en fyrir liggur með hvaða hætti skipið verður
fjarlægt.
Fylgst var náið með hvort olía læki undan skipinu á
háfjörunni kl. 15 í gær og kom þá í ljós að olíutaumur
rakti sig frá skipi til sjávar. Gert var ráð fyrir að
starfsmenn Olíudreifingar yrðu um borð í skipinu í
nótt til að dæla burtu 15–20 tonnum af sjó með olíu-
smiti. Þá er reiknað með því að sýnatökur úr olíu-
smituðu fuglunum leiði í ljós nú í vikunni hvaðan olían
kom.
Fyrsti olíudauði
fuglinn fundinn
Morgunblaðið/ÞÖK
Olíumengun Það gæti skýrst í vikunni hvort olíu-
mengun úr Wilson Muuga hafi valdið þeirri ógn sem
steðjar að fuglum við Garðsskaga.