Morgunblaðið - 17.05.2007, Side 1

KAMBUR hf. á Flateyri er nú í samningavið-
ræðum um að selja frá sér umtalsverðan hluta
fiskveiðiheimilda sinna og einhver fiskveiðiskip
en Kambur gerir út tvo stóra báta og þrjá minni.
Samkvæmt heimildum Morgunblaðsins er talið
að Brim hf. í eigu Guðmundar Kristjánssonar á
Rifi og fleiri aðila sé að kaupa hluta kvóta Kambs
en Kambur hefur yfir 3.000 þorskígildistonnum
að ráða sem nálgast það að vera um sjö milljarða
króna virði. Heimildir Morgunblaðsins herma að
Hinrik Kristjánsson, útgerðarmaður og aðaleig-
andi Kambs, muni kynna sjómönnum, fisk-
vinnslufólki og öðru starfsfólki Kambs hver staða
fyrirtækisins er á fundi síðdegis á morgun. Hin-
rik vildi ekkert um málið segja þegar Morg-
unblaðið hafði samband við hann í gær.
Um 120 manns starfa hjá Kambi, liðlega 50
sjómenn og hinir í landi. Ekki liggur fyrir hversu
margir munu missa atvinnu við þessi viðskipti
Kambs en þó er ljóst að þetta er verulegt reið-
arslag fyrir bæjarfélagið því Kambur er aðal-
vinnustaður plássins. Kambur hefur, samkvæmt
upplýsingum Morgunblaðsins, leigt mikið af
veiðiheimildum en nú er engar veiðiheimildir að
fá lengur til leigu. Gengi krónunnar hefur styrkst
um 20% frá áramótum sem forráðamenn fyr-
irtækisins munu telja að hafi gert þeim afar erfitt
um vik með óbreyttan rekstur auk þess sem hátt
vaxtastig hafi einnig gert þeim lífið leitt.
Einar Oddur Kristjánsson alþingismaður býr á
Flateyri. „Ég hef ekki fengið þetta endanlega
staðfest en þetta eru náttúrlega mjög alvarleg
tíðindi. Ég hef lengi óttast það að þetta vaxtastig
og þessi vaxtastefna Seðlabankans mundi leiða til
þess að öll útgerð og fiskvinnsla á strandlengj-
unni umhverfis landið legðist af,“ sagði Einar
Oddur í samtalið við Morgunblaðið í gærkvöld.
Hann kvaðst árum saman hafa varað við þessu en
hann vissi ekki hvort menn hefðu ekki tekið eftir
því sem hann var að segja eða einfaldlega ekki
trúað honum. „Gengi krónunnar er nú komið í þá
stöðu að útflutningsframleiðslan getur ekki hald-
ið áfram. Það sér það hvert mannsbarn í hendi
sér. Hér eru því skelfilega alvarlegir hlutir á
ferð.“
Kambur á Flateyri
að selja kvóta og skip
Eftir Agnesi Bragadóttur
agnes@mbl.is
STOFNAÐ 1913 133. TBL. 95. ÁRG. FIMMTUDAGUR 17. MAÍ 2007 PRENTSMIÐJA MORGUNBLAÐSINS mbl.is
Veldu virkni
Nýjung
Fitusnauðasta jógúrtin á markaðnum
HAUSAVEIÐAR
FJÁRMÁLAFYRIRTÆKIN BÍTAST UM HÆFASTA
FÓLKIÐ OG HORFA EKKI Í LAUNIN >> VIÐSKIPTI
ÖRLAGAKERTIÐ
HENNAR BIRNU
ÁSTARELDUR
DAGLEGT LÍF >> 22
Eftir Baldur Arnarson
baldura@mbl.is
SÚ STUND er loks runnin upp að
umræðan um loftslagsmálin er að
skila sér í raunhæfum og markviss-
um aðgerðum til að ýmist draga úr
eða binda losun gróðurhúsaloftteg-
unda frá Íslandi. Markmið þeirra
sem standa að verkefninu Kolviður
er að skapa þeim ásetningi meðbyr,
að sem flestir kolefnisjafni sam-
göngutæki og flugferðir – þ.e. bindi
jafn mikið magn kolefnis í koldíoxíði,
CO2, og umsvif þeirra og ferðir leiða
af sér – samhliða því sem unnið sé að
því að draga úr losun gróðurhúsa-
lofttegunda.
Þótt gróðursett hafi verið í nafni
kolefnisbindingar og stuðlað að þró-
un og eða notkun vistvænna orku-
gjafa er þessi bylgja nú fyrst að rísa
fyrir alvöru.
Undrum sætir hversu lítill gaumur
hefur verið gefinn að endurheimt
landkosta í umhverfisumræðunni
hér, enda áætlað að um þriðjungur
uppsöfnunar gróðurhúsalofttegunda
á heimsvísu stafi frá landhnignun.
Skógrækt hefur þann ávinning að
kolefni binst í lífmassa og segir Einar
Gunnarsson, skógfræðingur hjá
Skógræktarfélagi Íslands, að í verk-
efninu sé aðeins reiknað með þeirri
bindingu sem verður í bol og grófrót-
arkerfi trjánna sem verða gróðursett.
Þar að auki sé mjög mikil binding,
mismunandi eftir landgerðum, bæði í
sverði og jarðvegi.
Mun síðar færast
yfir á önnur svæði
Kolviðarmönnum reiknast til að
það kosti sem svarar eldsneytinu í
einum bensíntanki að gróðursetja
plöntur á Geitarsandi, upphafssvæði
verkefnisins, til að binda losun kol-
efnis frá einni bifreið á ári, miðað við
90 ára binditíma. Binding í sverði og
jarðvegi bætist við, en fyrstu árin
binda trén lítið en taka svo við sér eft-
ir áratug. Um mismunandi tegundir
verður að ræða eftir svæðum, birki,
sitkagreni, alaskaösp og stafafuru.
Alls þarf um 7 milljónir trjáa á ári
til að kolefnisjafna þau 750.000 tonn
af CO2 sem koma frá bílaflotanum,
eða sem nemur 23% heildarlosunar-
innar. Síðustu ár hafa 5 til 6 milljónir
trjáa verið gróðursettar árlega og
yrði 7 milljónum bætt við myndi við-
bótin þekja 0,02% af flatarmáli lands-
ins. Þýddi sú viðbót að það tæki 40 ár
í stað 80 að tvöfalda skóglendið, sem
er nú 1,3% af flatarmáli landsins. Er
þá miðað við að allir bílar séu kolefn-
isjafnaðir fyrir um milljarð kr.; ein-
stök planta kostar 149 krónur. Gengi
þetta eftir, sem Einar telur ekki ólík-
legt, myndi Kolviður skapa hundruð
ársverka, við ræktun og vöktun
skóga sem yrðu þúsundir hektara.
Á Íslandi er mikið land ógróið og
telur Einar það markmið vel raun-
hæft að með samstilltum aðgerðum
verði landið afkolað, þ.e. kolefnisfrítt,
á næstu áratugum.
Kolefnið
jafnað út
Kolviður gæti skapað
hundruð ársverka
FAGNAÐARÓPUM áhorfenda ætlaði aldrei að
linna að lokinni sýningu San Francisco-
ballettsins í Borgarleikhúsinu í gærkvöldi. Ball-
ettinn sýndi valin verk listdansstjóra síns, Helga
Tómassonar. „Þetta var stórkostleg sýning,“
sagði Margrét Gísladóttir danskennari.
Morgunblaðið/Golli
Stórkostleg sýning
Eftir Jóhann Bjarna Kolbeinsson
jbk@mbl.is
VOLTA, nýjasta plata Bjarkar Guð-
mundsdóttur, er í níunda sæti á lista
yfir mest seldu plöturnar í Banda-
ríkjunum. Þetta er besti árangur ís-
lensks tónlistarmanns á bandaríska
breiðskífulistanum, en sjálf átti
Björk fyrra metið þegar platan Me-
dúlla náði 14. sætinu árið 2004.
Volta er í sjöunda sætinu í Bret-
landi, sem er þó ekki besti árangur
Bjarkar þar í landi því platan Post
náði öðru sætinu árið 1995.
Þá er Volta
mest selda platan
í Noregi, Dan-
mörku og á Ís-
landi, auk þess
sem hún hefur
selst vel í Frakk-
landi og Japan og
í gegnum net-
verslunina iTunes
víða um heim.
Björk er nú á
tónleikaferðalagi um Bandaríkin
sem lýkur 26. maí en í lok júní hefst
tónleikaferð hennar um Evrópu. | 50
Besti árangur Íslendings
á bandaríska listanum
Björk
Guðmundsdóttir