Morgunblaðið - 23.05.2007, Page 24

24 MIÐVIKUDAGUR 23. MAÍ 2007 MORGUNBLAÐIÐ
UMRÆÐAN
Í SUNNUDAGSBLAÐI Morg-
unblaðsins birtist ritsmíð eftir Önnu
S. Pálsdóttur. Þar koma fram rang-
færslur og sleggjudómar sem ekki
verður komist hjá að svara. Innan
Háskóla Íslands starfar „fem-
ínistamafía“ að sögn Önnu sem und-
irrituð telst án efa til sem stunda-
kennari í kynjafræðum og starfandi
við kynjarannsóknir.
Við mafíósarnir syðra
ættu kannski ekki að
segja mikið því við
komumst ekki í hálf-
kvist við hina ill-
ræmdu Bifrast-
armafíu.
Anna setur alla
femínista undir einn
hatt og talar um fem-
ínisma sem eitt hug-
myndakerfi, sem orðið
sé að dogma og stofn-
un sem er konum
skaðleg. Femínistar
innan Háskóla Íslands
innræti nemendum
þessa dogmahugsun
sem gengur m.a. út á
að mikla þau vanda-
mál sem konur standa
frammi fyrir. Ekkert
hefur breyst, enginn
árangur náðst, ku
vera boðskapurinn.
Bandaríski sagn-
fræðingurinn Gerdu
Lerner setti á sínum
tíma fram skilgrein-
ingu á femíniskri vitund. Hún segir
þessa vitund felast í að viðurkenna
að konur sem heild tilheyri hópi
sem er ver settur félagslega en
karlar, konur hafi verið rangindum
beittar í tímans rás, félagsleg staða
þeirra sé ekki ásköpuð heldur áunn-
in og því breytanleg. Þeim konum
(og körlum) sem vilja bæta stöðu
kvenna ber að vinna að breytingum
og setja fram tillögur til úrbóta.
Margir bæta við að það þurfi líka
viðurkenningu á að misrétti
kynjanna sé hluti af samfélagsgerð
okkar, byggt á aldagömlum hefðum.
Við búum í kynjakerfi sem þurfi að
rannsaka ofan í kjölinn og grípa til
aðgerða til að útrýma því. Þeir sem
þannig hugsa eru femínistar, hvað
sem þeir svo vilja kalla sig.
Meðal femínista hafa frá upphafi
verið skiptar skoðanir um markmið
og leiðir sem og skýringar á mis-
munandi stöðu kvenna og karla.
Það voru víða deilur um aðferðir í
baráttunni meðal kvenrétt-
indakvenna. Þeim sem vilja kynnast
þeirri sögu bendi ég á sjónvarps-
myndina Iron Jawed Angles. Á átt-
unda áratug 20. aldar var mikið
deilt um orsakir kynjamisréttis og
spurt hvort um væri að
kenna aldagömlu karl-
veldi, efnahagskerfinu,
ólíkri menningu
kynjanna og þannig
mætti áfram telja. Nú
til dags er áhersla lögð
á margar skýringar af
efnahags-, menningar-,
félags- og trúarlegum
toga, valdamisræmi
kynjanna, hugmyndir
um kvenleika og karl-
mennsku og hið gagn-
kynhneigða forræði.
Það eru því margir
ismar í gangi og langt í
frá að femínistar séu
einsleitur hópur. Kenn-
ingar og rannsóknir
eru margar, mismun-
andi og mótsagna-
kenndar og þeim er
miðlað til nemenda
með áherslu á mikinn
árangur kvennahreyf-
inga sem eru meðal
áhrifamestu fé-
lagshreyfinga 20. aldar.
Einn höfuðglæp hafa
femínistar (eins og þeir leggja sig) á
samviskunni, segir Anna. Þeir eru
fullir fordóma gagnvart því sem
telst vera kvenlegt meðan þeir
dásama hið karlmannlega. Við höf-
um hingað til fremur verið sakaðir
um karlhatur og kvenrembu, að
upphefja hið kvenlega. Boðskapur
femínista ku vera: konur inn í
karlagreinar. Vissulega hefur verið
lögð áhersla á að fjölga konum í
karlagreinum en ekki síður að fá
karla t.d. í hjúkrunarfræði. Femín-
istar þreytast ekki á að hamra á
hve náms- og starfsval er óeðlilega
kynbundið hér á landi.
Skaðsemi femínista birtist einnig
í að þeir vanrækja og líta nánast
niður á konur í kvennastéttum.
Ekki veit ég hvaðan Anna hefur
þetta, því þvert á móti hafa íslensk-
ir femínistar lagt áherslu á að bæta
kjör kvennastétta. Á fundi sem
fjöldi kvennasamtaka stóð fyrir í
aðdraganda kosninganna með
fulltrúum stjórnmálaflokka var lögð
mikil áhersla á að bæta kjör
kvennastétta. Þar talaði kona úr
kennarastétt (sem við femínistar lít-
um niður á) og Lilja Mósesdóttir
hagfræðingur og prófessor (úff, hún
tilheyrir Bifrastarmafíunni) benti á
hve léleg laun kvennastétta eru
þjóðfélaginu dýrkeypt. Þessar stétt-
ir eru óánægðar með kjör sín og
það kostar þjóðfélagið atgerv-
isflótta, stórfé, erfiðleika og sárs-
auka. Það eru því tvær áherslur
sem einkenna umræðu um launa-
misrétti kynjanna meðal femínista.
Annars vegar að útrýma kynbundn-
um launamun sem félagsmálaráðu-
neytið gefur út að sé 15,7% (könnun
Capacent frá 2006), hins vegar að
kjör kvennastétta verði stórbætt og
störf þeirra metin að verðleikum.
Hvað er mikilvægara en að kenna
börnum, vernda þau og búa undir
lífið! Femínisti spyr.
Anna leggur til að viðskipta- og
hagfræði verði bætt inn í kynja-
fræði. Á móti legg ég til að kynja-
fræði verði bætt inn í viðskipta- og
hagfræði. Það er stórfróðlegt að
skoða hagkerfið og viðskiptalífið út
frá kynjasjónarhorni. Hvar eru
konurnar í útrásinni? Af hverju
fjölgar konum ekki meðal stjórn-
enda stórfyrirtækja? Getur verið að
karlar taki aðra karla fram yfir
hæfar konur, af því að þeir eru
karlar?
Að lokum þetta. Barátta kvenna
um aldir hefur snúist um frelsi,
sjálfstæði og réttlæti. Frelsi kvenna
til að velja sér lífsfarveg og fá að
vera þær sem þær eru og vilja vera,
án þess að lög, hefðir, trúarbrögð
eða hagkerfi hefti þær. Feminista
greinir á um hvað felst í þessu
frelsi. Það gerir hinn fjölbreytta
hóp femínista að spennandi og lif-
andi samfélagsafli sem vonandi
reynist konum og körlum gagnlegt
en kynjakerfinu skeinuhætt.
Kristín Ástgeirsdóttir svarar
Önnu S. Pálsdóttur en hún telur
hana fara með rangfærslur og
sleggjudóma
Kristín Ástgeirsdóttir
» Femínistareru ekki
einsleitur hópur
heldur er að
finna margs
konar áherslur,
stefnur og
strauma í þeirra
röðum.
Höfundur er sagnfræðingur og
femínisti
Mafíós kveður sér hljóðs
HÁSKÓLINN í Reykjavík (HR)
stendur á tímamótum, í vor verða í
fyrsta skipti útskrifaðir lögfræð-
ingar með fullnaðarpróf í lögum.
Tilkoma lagadeildar HR vakti
mikla athygli á sínum tíma, ekki
síst meðal löglærðra. Nemendurnir
sem sýndu það þor að takast á við
ný verkefni fóru ekki
varhluta af þeirri um-
ræðu sem fór í hönd.
Fjölskylda og vinir
sem og fólk á förnum
vegi spurði mikið um
gæði hins nýja laga-
náms. Forsvarsmenn
deildarinnar leyndu
aldrei þeirri skoðun
sinni að fyrstu nem-
arnir við lagadeildina
yrðu frumkvöðlar og
þyrftu að þola gagn-
rýni efasemdamanna.
Kostir þess að fá að
vera í fyrsta hópnum
voru þó mun fleiri en
gallarnir. Tækifæri til
þess að fá að vera þátt-
takandi í mótun nýrrar
deildar og stuðla með
þeim hætti að framþró-
un menntakerfisins var
mjög spennandi.
Samkeppni er af
hinu góða og sú um-
ræða að ótækt væri að
kenna lögfræði á fleiri
en einum stað hefur
runnið sína leið til
sjávar og út í hafsauga.
Landslag kennslu í
lögfræði er annað í dag
þar sem fleiri lagadeildir hafa tekið
til starfa og samkeppnin hefur leitt
til aukinna gæða laganáms.
Gott nám og fjöldi tækifæra
Gott nám byggist ekki aðeins upp
á fjölbreyttum og krefjandi nám-
skeiðum, heldur einnig á tækifær-
um sem nemendum bjóðast á með-
an á náminu stendur. Slík tækifæri
eru t.a.m. skiptinám í erlendum há-
skólum og þátttaka í alþjóðastarfi
s.s. málflutningskeppnum svo að
dæmi séu nefnd. Þrátt fyrir stuttan
starfstíma hafa nemendum við laga-
deild HR staðið til boða margvísleg
tækifæri.
Síðastliðið vor tók lið frá HR þátt
í alþjóðlegri málflutningskeppni á
sviði gerðardóms (International
Commercial Arbitration) sem hald-
in er árlega í Vínarborg. Ég tók
þátt í þeirri keppni og vorum við
undir leiðsögn Þórðar S. Gunn-
arssonar, forseta lagadeildar. Þátt-
taka í keppnum á borð við þessa er
mikilvægur þáttur í starfsemi laga-
deildar og veitir laganemum dýr-
mæta reynslu. Þátttaka mín í þess-
ari keppni hafði veruleg áhrif á þá
ákvörðun mína að hefja LL.M-nám
við Stockholm University í Int-
ernational Commercial Arbitration
Law í ágúst. Stefna
sem ekki hefði verið
tekin nema fyrir þau
tækifæri sem mér
stóðu til boða við laga-
deild HR.
Fjölmargir nem-
endur hafa einnig far-
ið út sem skiptinemar
við erlenda háskóla.
HR býður upp á fjöl-
marga spennandi
möguleika og sam-
starfsskólum víðs veg-
ar um heiminn fer sí-
fjölgandi. Ég fór t.d.
ásamt fjórum öðrum
laganemum í skipt-
inám við Kyushu
Univerity í Japan. Það
var ótrúlegt ævintýri
sem ég mun búa að
um ókomna tíð.
Við leiðarlok
Þegar maður kveð-
ur og lítur til baka við
endalok ferðalags og
finnur fyrir söknuði,
þá veit maður að sú
ákvörðun að leggja
upp í ferðalagið var
rétt. Ég er þess full-
viss að ákvörðun mín
um að leggja stund á nám í lög-
fræði við lagadeild HR hafi verið
rétt, og ég horfi bjartsýnn fram á
veginn.
Eftirspurn atvinnulífsins eftir
þekkingu og starfskröftum þeirra
nemenda sem hér hafa stundað
nám er raunhæfur mælikvarði á
gæði kennslunnar. Könnun sem
gerð var meðal útskriftarnemenda
á vordögum benti til þess að flestir
þeirra sem nú eru að útskrifast eru
komnir með vinnu í tengslum við
námið og að væntingar atvinnulífs-
ins séu miklar. Ég er ekki í vafa um
að lögfræðingar HR muni standa
undir þeim væntingum.
Söguleg tímamót
lagadeildar Há-
skólans í Reykjavík
Garðar Víðir Gunnarsson
skrifar í tilefni af fyrstu
útskrift lögfræðinga með
fullnaðarpróf í lögum frá HR
»Ég er þessfullviss að
ákvörðun mín
um að leggja
stund á nám í
lögfræði við
lagadeild HR
hafi verið rétt,
og ég horfi
bjartsýnn fram
á veginn.
Garðar Víðir
Gunnarsson
Höfundur er meistaranemi við
lagadeild Háskólans í Reykjavík.
www.heimili.is
Finnbogi Hilmarsson,
Einar Guðmundsson og
Bogi Pétursson
löggiltir fasteignasalar
Háahlíð – Glæsilegt einbýli
Opið mán.- fös. frá kl. 9-17
Sími
530 6500
Vandað 250 fm einbýlishús með innbyggðum 32 fm bílskúr. Húsið stendur á stórri lóð og frá því er mikið
útsýni yfir borgina til norðurs og vesturs. Við húsið er stórt upphitað hellulagt bílaplan, timburverönd,
ca 30 fm sólstofa og stór garður í góðri rækt. Húsið er byggt 1954 og endurnýjað að innan og stækkað
1991. Góður möguleiki fyrir stækkun á húsinu. Séríbúðarrými í kjallara. Gott aðgengi í alla verslun og
þjónustu. Gott hús á einstökum stað í miðri borginni.
Allar nánari upplýsingar um eignina og skoðunartíma veitir
Bogi Molby Pétursson lögg. fasteignasali s. 699 3444 bogi@heimili.is
Bogi Molby
Pétursson www.heimili.is
Finnbogi Hilmarsson,
Einar Guðmundsson og
Bogi Pétursson
löggiltir fasteignasalar
Heimili fasteignasala óskar eftir eignum á söluskrá sína
Höfum ákveðna kaupendur
að eftirfarandi eignum á ákveðnum stöðum:
Opið mán.- fös. frá kl. 9-17
Sími
530 6500
• Halldóri vantar 4ra herbergja íbúð í lindahverfi Kópavogs
• Elínu vantar 3ja – 4ra herbergja íbúð í hlíðahverfi Reykjavíkur
• Sólborgu vantar 3ja herbergja íbúð í hverfi Foldaskóla Grafarvogi
• Birkir leitar að stóru einbýlishúsi í miðbænum og nágrenni hans
• Hilmari vantar 4ra – 5 herbergja sérhæð í Grafarholti
• Guðrún leitar að sérhæð í nágrenni Hagaskóla
• Eggert leitar að 5-6 herbergja einbýli í suðurhlíðum Kópavogs.
Heimili fyrir alla. Fjórir reyndir löggiltir fasteignasalar og
vel menntað metnaðarfullt starfsfólk tryggja persónuleg,
vönduð og traust vinnubrögð. Heimili er fyrir þig!
Nánari upplýsingar veitir Bogi Molby Pétursson sölustjóri.
Bogi Molby
Pétursson