Morgunblaðið - 23.05.2007, Side 36

Hún fjallar um sið-
blinda ballerínu og
það sem hún gerir til þess
að komast á toppinn… 39
»
reykjavíkreykjavík
TAKK fyrir hjálpið er fyrsta stutt-
mynd Benedikts Erlingssonar en
ekki sú síðasta, því hann er með tvö
önnur verkefni í bígerð, Naglann og
þríleik um íslenska hestinn.
Takk fyrir hjálpið verður frum-
sýnd í Tjarnarbíói kl. 18 á laugardag
og er að sögn Benedikts kaldhæðin
lítil saga. „Kannski finnst ein-
hverjum hún trúarleg. Hún fjallar
um dauðans óvissa tíma, eftirvænt-
inguna og hjálpina, – og blessunina í
lífi okkar... Ég gæti haldið lengi
svona áfram.“
Í myndinni leika Hilmar Jónsson
og danska leikkonan Charlotte Bø-
ving, eiginkona Benedikts, fólk sem
hittist á fjalli. Og önnur stuttmynd
er á teikniborðinu, Naglinn, og ligg-
ur fyrir framleiðslustyrkur frá Kvik-
myndasjóði. „Hún er pólitískari og
hættulegri,“ segir Benedikt. „Hún
fjallar um mann sem fær nagla í
hausinn, fær framheilaskaða og
verður fyrir vikið betri leiðtogi, en
verri pólitíkus.“
– Var slíkur leiðtogi í kosning-
unum?
„Nei, ég man bara eftir einum
leiðtoga sem mætti í sjónvarpsviðtal
með lítinn plástur á enninu. Og
myndin er eiginlega sprottin af þess-
ari gömlu minningu.“
Hann segist eiga eftir að ráða leik-
ara, m.a. í hlutverk ríkisstjórnar-
innar. „Stjórnarmyndunin er því eft-
ir,“ segir hann. „En þó að
Þingvallastjórnin sé fallegt nafn, þá
ætla ég ekki að tengja myndina við
daginn í dag. Í minni ríkisstjórn
verður hinsvegar bara ein kona og
ellefu karlmenn.“
Að síðustu er Benedikt að vinna
að fjármögnun á þríleik um íslenska
hestinn, – samband manns og hests.
„Þær enda allar á dauða manns eða
hests og eru því óseljanlegar, því
það eru viðtekin sannindi í kvik-
myndagerð að hestamyndir eru bara
fyrir ungar stelpur í Evrópu.“
– Hvað tekur við eftir laugardag?
„Íslensk stuttmynd er bara íslensk
stuttmynd og á engan séns í heim-
inum. Á laugardag má sjá hversu
mikið hefur verið lagt í þessar tólf
mínútur, allar kúnstir kvikmynda-
gerðarinnar. Svo verður myndin
send á hátíðir um allan heim og
fregnir berast af því að hún hafi
fengið verðlaun, verið tilnefnd eða
ekkert unnið. Ég mun náttúrlega
geyma eintak af henni uppi í skáp.
Og ef til verður íslenskt sjónvarp
gæti sá dagur runnið upp að það
tæki upp á því að sýna svona mynd-
ir.“
Blessunin í lífi okkar
Morgunblaðið/Golli
Hestamaður Benedikt Erlingsson er m.a. með þríleik um íslenska hestinn í
bígerð, en stuttmyndin Takk fyrir hjálpið verður frumsýnd á laugardag.
 Kvikmynda-
tvíleikur þeirra
Quentins Tar-
antino og
Roberts Rod-
riques, Grind-
house var
frumsýndur á
kvikmyndahá-
tíðinni í Cannes
í fyrradag.
Myndin hefur
fengið misjafna
dóma gagnrýn-
enda en hún ku vera óhefðbundin á
margan hátt. Hitt vekur þó meiri
athygli Íslendinga að Eli Roth leik-
ur lítið hlutverk í myndinni og
klæðist þar forláta „Dead“-bol sem
Jón Sæmundur Auðarson hannar
en eins og frægt er orðið tóku þeir
félagar Eli Roth og Tarantino ást-
fóstri við fatamerkið þegar þeir
voru staddir hér á landi í fyrra.
Eli Roth klæðist
Dead-bol í Grindhouse
 Í kvöld hefst fimm daga Gull-
hátíð á Gauk á stöng sem mun
standa fram á sunnudag. Það er
engin önnur en hljómsveitin
Dúndurfréttir sem ætlar að hefja
leikinn í kvöld en hún mun einnig
leika á Gauknum annað kvöld.
Dúndurfréttir hefur undanfarin
ellefu ár spilað tónlist hljómsveit-
anna Led Zeppelin, Pink Floyd,
Deep Purple og Uriah Heep við
miklar vinsældir. Þeir félagar ætla
nú að mæta á fæðingarstað sinn og
halda tvenna tónleika eins og áður
sagði, þar sem öll bestu lög þessara
sveita fá að hljóma.
Það eru svo Sixties sem ætla að
glamra og gleðja landann á föstu-
deginum og rokkhundarnir í Jet
Black Joe á laugardeginum.
Nánari upplýsingar á prime.is
Fimm kvöld í röð
Eftir Helga Snæ Sigurðsson
helgisnaer@mbl.is
UNGUR maður sem vinnur á
svínabúi tekur þá ákvörðun
að yfirgefa búið eftir dular-
fullar erjur við samverka-
menn í svínabúinu. Hann hef-
ur á brott með sér lítinn grís
sem hann ræktar inni í skáp á
heimili sínu. Óhugnanlegar
minningar fara í kjölfarið að
herja á manninn.
Þessa sögu má sjá út úr
verki Sigurðar Guðjónssonar,
Rækt, sem er í D-sal Lista-
safns Reykjavíkur í Hafnarhúsi og hluti af sýn-
ingaröð sem safnið helgar efnilegum og upp-
rennandi myndlistarmönnum.
Verkið er tæknilega flókið og mikið í það
lagt, í raun er það stuttmynd með sérunnum
hljóðum og tónlist sem hljómsveitin Stillupp-
steypa og Hlynur Aðils lögðu til verksins. Á
hliðarveggi er varpað löngum myndbands-
tökum af svínsskrokkum, sem ramma verkið
hálfpartinn inn með heldur óhuggulegum en þó
undarlega heillandi hætti.
Tortímandi svína og bjargvættur
Sigurður segir söguna af unga manninum,
svínabúinu og grísnum vera grunnhugmynd
verksins. Fólk eigi þó ekki endilega að horfa á
verkið sem sögu, hver upplifi það með sínum
hætti. En hvaðan kemur hugmyndin að verk-
inu?
„Maður velur einhvern útgangspunkt til að
vinna út frá. Ég held það hafi verið hljóð upp-
haflega, frá svínum. Ég var að vinna hljóðverk
og fór upp úr því að narta í handritið. Ég var
búinn að vera að vinna dálítið með svínahljóð og
flutti gjörning með Stilluppsteypu í Tjarnarbíói
síðasta haust, en þeir notuðu þar svínahljóð,“
segir Sigurður.
Hann hafi upp úr því farið að skrifa og skissa.
Sigurður segir svínin vera milli svefns og
vöku í þá sex mánuði sem þau lifa í svínabúinu,
en hann fékk leyfi til að taka upp hljóð og mynd
í svínabúi fyrir verkið. Sigurður vill ekkert gefa
upp um örlög gríssins sem numinn er á brott og
ræktaður í skápi. Margt sé líkt með mönnum og
svínum. Sigurður tekur undir það að verkið sé
óhuggulegt á köflum.
Aðalpersóna verksins er þversagnakennd,
sýður annars vegar svínahausa og ræktar grís í
skáp hins vegar. „Hann er nokkuð loðinn
karakter,“ segir Sigurður og glottir.
Sýningu Sigurðar lýkur 17. júní.
Í skápnum Kyrrmynd úr verki Sigurðar. Grísinn sem starfsmaður sláturhússins tekur sést hér lokaður inni í skápi.
Af mönnum og svínum
Sigurður Guðjónsson myndlistarmaður sýnir magnað myndbandsverk í D-sal
Hafnarhússins þar sem svín, grísir og slátrarar eru í aðalhlutverkum
Sigurður
Guðjónsson
www.sigurdurgudjonsson.net