Morgunblaðið - 09.09.2007, Qupperneq 4

4 SUNNUDAGUR 9. SEPTEMBER 2007 MORGUNBLAÐIÐ
FRÉTTIR
flugfelag.is
Fundarfriður
SNÆFELLSJÖKULL
DRANGJÖKULL
REYKJAVÍK
AKUREYRI
EGILSSTAÐIR
VESTMANNAEYJAR
ÍSAFJÖRÐUR
VOPNAFJÖRÐUR
ÞÓRSHÖFN
GRÍMSEY
Markvissir fundir í friði og ró
Upplýsingar:
Sími 570 3075
hopadeild@flugfelag.is
Eftir Rúnar Pálmason
runarp@mbl.is
SKÓLASTJÓRAR Öskjuhlíðarskóla
og Safamýrarskóla fagna því mjög
að ákveðið hefur verið að reisa nýjan
sérskóla fyrir þroskahömluð og fjöl-
fötluð börn í Suður-Mjódd sem mun
leysa skóla þeirra beggja af hólmi.
Þetta hafi raunar verið löngu tíma-
bært.
Dagný Annasdóttir, skólastjóri
Öskjuhlíðarskóla, segir að núver-
andi húsnæði henti illa af ýmsum or-
sökum og væri alltof þröngt fyrir
starfsemina sem þar fer fram í dag.
Þar að auki hafi þriðja bygging skól-
ans sem hefði verið á teikniborðinu
fyrir um 30 árum aldrei verið reist
en í henni átti að vera sundlaug,
íþróttasalur og fleira. Í 30 ár hefði
starfsfólk því þurft að fara með
börnin í rútu í Kópavogslaug, í Há-
tún eða eitthvert annað í sund,
klæða þau úr og í og fara með þau til
baka. Þetta væri heilmikið fyrirtæki
og mikið álag, bæði á starfsfólk og
nemendur. Það væri hins vegar afar
mikilvægt fyrir nemendurna að
komast í sund, m.a. vegna þess að
þar er hægt að liðka stífa vöðva. Í
raun mætti segja að ný bygging
gæti leitt til byltingar á skólastarf-
inu. „Við erum með gífurlega mikla
þekkingu, reynslu og færni í kennslu
fatlaðra barna. En það hefur vantað
upp á aðbúnaðinn, að húsið væri við
hæfi,“ sagði hún.
Núverandi aðstaða óviðunandi
Skólastjóri Safamýrarskóla, Erla
Gunnarsdóttir, var ekki síður
ánægð. Húsnæði Safamýrarskóla
henti mjög illa. „Húsið var aldrei
byggt fyrir hreyfihamlaða en hins
vegar eru allir nema einn nemandi
skólans alvarlega hreyfihamlaðir,“
sagði hún. Það hefði þó bjargað
miklu að í húsinu er góð sundlaug og
íþróttasalur. „En húsið er gamalt,
þröngt og úr sér gengið.“
Aðspurð um hvernig aðstaðan
væri í samanburði við það sem gerist
á Norðurlöndunum sagði Erla að
hún væri eiginlega til skammar og
algjörlega óviðunandi. „En það sem
hefur bjargað okkur fyrir horn er að
starfsfólkið er ótrúlegt,“ sagði hún.
Erla, líkt og Dagný, er afar ánægð
með staðsetninguna og Erla bætti
við að það lægi í loftinu að borgin
ætlaði að vanda mjög til verka.
Fagna sameiningu og nýrri
byggingu fyrir sérskóla
Núverandi hús-
næði alltof þröngt
og háir skólastarfi




 

 


 










   
 Í HNOTSKURN
» Í Öskjuhlíðarskóla eru 92nemendur.
» Í Safamýrarskóla eru 15nemendur.
» Sameina á skólana ogreisa nýja byggingu í Suð-
ur-Mjódd.
» Skólastjórar fagna þess-um tíðindum og segja
raunar að það sé löngu tíma-
bært að skólarnir fái nýtt
húsnæði.
LÖGREGLAN á höfuðborgarsvæð-
inu, í samvinnu við Vegagerðina,
Frumherja og Umferðarstofu,
gerði á föstudag og laugardag út-
tekt á ástandi hvers kyns eftir-
vagna, hvort sem um var að ræða
kerrur, tjaldvagna eða hjólhýsi. Á
föstudag voru ökumenn stöðvaðir
á Suðulandsvegi og Vesturlands-
vegi, en í gær kom lögreglan sér
fyrir á Dalvegi í Kópavogi og í
Ánanaustum í Reykjavík, en á báð-
um stöðum er Sorpa með starfsemi
og töluverð umferð bíla með kerr-
ur.
Tilgangurinn var ekki að sekta
ökumenn, þótt mestu skussunum
hefði ekki verið sleppt, heldur afla
gagna fyrir samgönguráðuneytið
sem íhugar hvort gera eigi alla eft-
irvagna skoðunarskylda.
Kveikjan að þessari athugun er
skýrsla frá Rannsóknarnefnd um-
ferðarslysa sem kom út í sumar, en
í henni eru stjórnvöld hvött til að
hrinda í framkvæmd þeirri fyrir-
ætlan sem kemur fram í umferð-
aröryggisáætlun fyrir árin 2002-
2012 um að gera alla eftirvagna
skoðunar- og skráningarskylda. Í
skýrslunni er vakin athygli á því
að í þremur banaslysum á sl. árum
hafa bifreiðar með tengivagna
komið við sögu. Tekið er dæmi af
banaslysi á Vesturlandsvegi, en
skoðun leiddi í ljós að kerra sem
dregin var af jeppa, sem í árekstr-
inum skall framan á jepplingi með
þeim afleiðinum að 16 ára stúlka
lést, var í afar slæmu ásigkomulagi
og var talið að það hefði truflað
ökumann. Ef eftirlit hefði verið í
lagi hefði þessi kerra tæplega ver-
ið í umferð. Eiríkur Hreinn Helga-
son, yfirlögregluþjónn og ráðgjafi
nefndarinnar, sagði að ökumenn
hefðu tekið könnuninni vel, enda
vildi almenningur hafa þessi mál í
lagi.
Kanna
kerrurnar
Morgunblaðið/Júlíus
FORELDRAR
Madeleine
McCann, fjög-
urra ára breskrar
stúlku, ætla að
vera um kyrrt í
Portúgal til að
sanna sakleysi
sitt eftir að þeim
var tilkynnt að
þau hefðu réttar-
stöðu grunaðra
við rannsókn á hvarfi telpunnar fyrir
fjórum mánuðum.
Foreldrarnir hafa ekki verið
ákærðir og eru frjálsir ferða sinna.
Föður stúlkunnar, Gerry McCann,
var tilkynnt í fyrrakvöld að hann
hefði réttarstöðu grunaðs í málinu.
Áður var greint frá því að móðir
stúlkunnar væri grunuð um að hafa
orðið henni að bana fyrir slysni. Vin-
ir og ættingjar hjónanna óttast að
móðirin verði ákærð um helgina.
Búast við
ákæru
Segjast saklaus
Gerry McCann
Eftir Silju Björk Huldudóttur
silja@mbl.is
„ÞAÐ er gott að
öllum finnist eft-
irsjá að þessu
húsi,“ segir Mar-
grét Harðardótt-
ir, arkitekt á
Studio Granda og
einn af höfundum
vinningstillögunn-
ar í hugmyndaleit
um uppbyggingu í
Kvosinni og vísar
þar til orða borgarminjavarðar í
Morgunblaðinu í gær. Bendir Mar-
grét á að húsið Lækjargata 4 hafi
upphaflega staðið í miðbænum og
með tillögunni hafi vinningshópurinn
viljað benda á að e.t.v. hefði húsið
aldrei átt að fara úr miðbænum á sín-
um tíma. „Okkar tillaga var að styrkja
samhengið í gömlu húsunum í bæn-
um. Okkur datt í hug að kannski gæti
Lækjargata 4 fengið uppreisn æru og
komið aftur í miðbæinn.“
Að sögn Margrétar er nauðsynlegt
að fram fari gagnrýnin og uppbyggi-
leg umræða um staðsetningu húsa.
„Hús eru best þar sem þau eiga
heima. Þau eru hluti af sögunni, bæj-
armyndinni og menningunni. Ég held
það geti flestir verið sammála um að
best sé að varðveita hús þar sem þau
voru upprunalega byggð.“
Aðspurð segir Margrét eðlilegt að
ekki hafi verið haft samráð við borg-
arminjavörð eða Árbæjarsafn meðan
vinningstillagan var í undirbúningi,
enda sé bara um hugmynd að ræða.
Núna taki við umræður um hug-
myndina og útfærsluleiðir.
Spurð hvort til greina komi að gera
eftirmynd af Lækjargötu 4 og koma
henni fyrir við Lækjartorg svarar
Margrét því neitandi og segir lykilat-
riði að um upprunalega húsið sem
tengist staðnum sé að ræða. „Við vilj-
um ekki skapa einhverja gervimynd,“
segir Margrét og tekur fram að verði
ekki mögulegt að flytja Lækjargötu 4
aftur í miðbæinn þá myndi hópurinn
frekar leggja til að reist yrði nýbygg-
ing á reitnum.
Hús eiga best heima þar
sem þau voru reist
Margrét
Harðardóttir
Í HNOTSKURN
»Reykjavíkurborg efndi tilhugmyndaleitar um upp-
byggingu í Kvosinni eftir
bruna húsanna í Austurstræti
22 og Lækjargötu 2
í miðbænum síðasta vetr-
ardag.
»Borgaryfirvöld leggjaáherslu á að uppbygging
Kvosarinnar geti hafist sem
fyrst.
ÁGÚST Einarsson, rektor Háskól-
ans á Bifröst, sagði í útskriftarræðu í
gær að fyrirtæki og einstaklingar
hefðu stóraukið framlög sín til
menningarmála á
undanförnum ár-
um, en þeir ættu
að koma sterkar
inn til stuðnings
skólunum því þar
væri uppspretta
fólks sem yki hag
þeirra mjög á
komandi árum.
„Það vantar hér-
lendis á þá góðu
hefð sem er víða
erlendis, að fyrirtæki og einstakling-
ar styrki skóla með myndarlegum
hætti. Það mætti breyta skattalög-
um til að örva slíkt, en fyrst og
fremst þarf að verða hugarfars-
breyting hjá atvinnulífinu um hversu
mikilvægt það er að skólakerfið sé í
fremstu röð og það sé skylda þeirra,
ávinningur og heiður að efla það með
fjárframlögum.“ Bifröst nyti velvild-
ar margra fyrirtækja en það væri
mikilvægt að allt atvinnulífið gerði
sér grein fyrir mikilvægi þess að
styrkja skólastarf.
Auki
stuðning
við skóla
Ágúst Einarsson
♦♦♦