Morgunblaðið - 09.09.2007, Page 26

kvikmyndir
26 SUNNUDAGUR 9. SEPTEMBER 2007 MORGUNBLAÐIÐ
Kr. 1450 fyrir fullorðna
Kjötsúpa og ferjutollur
Kr. 800 fyrir börn
Heit samloka, safi
og ferjutollur
Nánari
upplýsingar
www.videy.com
533 5055
Kjötsúpa
ogViðey
Uppgötvaðu
Viðey
Veitingasala
kl. 11:30 – 17:00
Í
afskekktri og margbrot-
inni fegurð íslenskrar
náttúru er sögð mikil ör-
lagasaga í kvikmyndinni
Veðramótum sem Guðný
Halldórsdóttir leik-
stýrir. Í afturhvarfi til
hippatímans er töffarinn
Blöffi sá öxull sem kvikmyndin
Veðramót snýst ekki síst um. Þann
ágæta mann leikur Hilmir Snær
Guðnason. Hvernig fór hann að því
að komast í svo náið samband við
þessa persónu sem raun ber vitni?
„Sagan sem sögð er í myndinni er
að nokkru leyti byggð á dvöl Guð-
nýjar Halldórsdóttur á Breiðavík
þannig að hún hafði þennan heim
fullmótaðan í huga þegar verkið
hófst. Við æfðum töluvert áður en
tökur hófust og svo hlustaði maður á
músík og komst í hippafíling. Fletti
bókum frá þessu tímabili og horfði á
myndir,“ segir Hilmir.
„Persónan Blöffi eða Böðvar er
hugsjónamaður sem vill umbylta og
breyta því kerfi sem áður hafði við-
gengist á þessu upptökuheimili.
Halda lýðræðislega fundi með krökk-
unum og leysa vandamál í samein-
ingu. En svo er Blöffi í aðra röndina
svolítill hasshaus og óreglumaður
þannig að hlutirnir ganga nú ekki
alltaf sem skyldi.“
Blöffi var grandalaus
Hvernig stóð á því að Blöffi lét
Dísu blöffa sig svona?
„Ætli það sé ekki vegna þess að
hann var búinn að vera á fylliríi og
var líka alveg grandalaus.“
En hvers vegna fór eins og fór fyr-
ir honum?
„Hann lendir í aðstæðum sem
hann ræður ekki við og vafasamt er
að hann eigi sök á. Þetta fólk var
ólært í hvernig umgangast á ung-
linga sem eru í svona miklum vand-
ræðum og hafði varla forsendur til að
gegna svona starfi.“
Þessi mynd var komin langt á veg
þegar umræður hófust um ofbeldið
sem ríkti á Breiðavík og fleiri upp-
tökuheimilum?
„Hennar rauntími er eftir að þeir
atburðir gerðust, hún gerist rétt á
eftir því sem hæst bar í umræðunni
síðasta vetur. Veðramót er orðið
heimili fyrir bæði stráka og stelpur
en þess ber að geta að eins og í öllum
bíómyndum er skáldað í eyðurnar,
þetta er saga en ekki raunveruleiki
nema að hluta.“
Var athyglisvert að vinna að þessu
verkefni?
„Þetta er í fyrsta skipti sem ég
vinn með henni Guðnýju Halldórs-
dóttur og það var óumræðilega gam-
an. Við vorum þarna öll í útlegð á
Arnarstapa í þrjár vikur og skemmt-
um okkur konunglega. Þetta hlut-
verk Blöffa er eitt af þeim athygl-
isverðari sem ég hef leikið í
kvikmynd en auðvitað eru öll hlut-
verk á sinn hátt athyglisverð.“
Hálfdán var ekta blómabarn
Persónan Hálfdán Þórisson er
mótvægi við Blöffa. En hvað er það
sem aðskilur þá í hugmyndafræð-
inni?
„Hálfdán er ekta blómabarn en
Blöffi er kannski af þeirri tegund
hippa sem álítur friðinn ekki nóg til
að ná árangri,“ segir Atli Rafn Sig-
urðsson sem leikur Hálfdán. „Hálf-
dán trúir því að hægt sé að gera eitt-
hvað fyrir þessa krakka sem komið
hefur verið fyrir á Veðramótum með
því að kenna þeim t.d. að prjóna eða
búa til batikhluti. Hálfdán er líka
óþroskaðri á þessum tíma í lífi þeirra
vina og tekur ekki eins mikla ábyrgð
á hlutunum og Blöffi.“
Hvernig leitaðir þú fanga í þessa
persónu?
„Ég hef alltaf haft mjög mikinn
áhuga á hippatímabilinu og ég skil
vel þá kynslóð sem reis upp í andúð
gegn foreldrum sem höfðu borg-
araleg gildi í öndvegi. Auðvitað var
það stríðsreksturinn í Víetnam sem
fyllti mælinn. Ég hef einnig alltaf
verið hrifinn af tónlist, tísku og bók-
menntum þessa tímabils og ég átti
því tiltölulega auðvelt með að ganga
inn í þennan heim. Ég hef lesið og
kynnt mér í tengslum við önnur verk-
efni sálfræði þessa tíma og þegar við
Duna (Guðný) byrjuðum að tala sam-
an um karakterinn urðum við fljótt
sammála um hvernig Hálfdán ætti að
vera og hver bakgrunnur hans væri.“
Er Hálfdán byggður á raunveru-
legri persónu úr minningum Guð-
nýjar?
„Já, hann er það víst og það var
imprað á því í byrjun en svo lét hún
mér eftir að fullkomna karakterinn
enda snýst þessi mynd ekki um það
að herma eftir fólki úr fortíðinni,
markmið hennar er stærra en svo.“
Hvers vegna varð Hálfdán prest-
ur?
„Það er margrætt, annars vegar er
það táknrænt fyrir endalok hippa-
hugsjónarinnar, hvað verður um
Hálfdán. Hann skreytti sig litum og
skarti og var bjartur – þegar hippa-
hugsjónin leið undir lok þá var ann-
aðhvort fyrir hann að fara í glimm-
erið og diskóið eða halda áfram með
andans efnið – þótt kirkja okkar Ís-
lendinga sé ekki mjög litrík að mínu
mati þá finnst mér rétt hjá Dunu að
hafa gert hann að presti. Mér fannst
ágætt að sjá mann sem hefur þrosk-
ast.“
Morgunblaðið/Brynjar Gauti
Örlagasaga Leikararnir Atli Rafn Sigurðsson, Tinna Hrafnsdóttir og Hilmir Snær Guðnason koma til frumsýningarinnar á kvikmyndinni Veðramótum í Háskólabíói á föstudagskvöld.
Veðramót – tímamót?
Kvikmyndin Veðramót undir leikstjórn Guðnýjar
Halldórsdóttur er áhrifamikil í mörgum skilningi.
Guðrún Guðlaugsdóttir sá myndina og ræðir við
þrjá aðalleikara hennar, Hilmi Snæ Guðnason,
Atla Rafn Sigurðsson og Tinnu Hrafnsdóttur. Í
Veðramótum eru mál barna sem tekin voru af
heimilum sínum og sett á upptökuheimili í brenni-
depli – en séð frá spennandi sjónarhorni.