Morgunblaðið - 17.10.2007, Blaðsíða 18

18 MIÐVIKUDAGUR 17. OKTÓBER 2007 MORGUNBLAÐIÐ
HÖFUÐBORGARSVÆÐIÐ
AKUREYRI
Eftir Skapta Hallgrímsson
skapti@mbl.is
GUNNAR Svanbergsson, formað-
ur Foreldrafélags Brekkuskóla,
hefur sett fram róttækar hug-
myndir í því skyni að bæta hjól-
reiðamenningu á Akureyri – m.a.
til þess að draga úr því að börn séu
keyrð í og úr skóla; í því skyni að
minnka líkur á offitu barna og til
þess að auka öryggi í umferðinni.
Hugmyndir Gunnars eru nú til
skoðunar í bæjarkerfinu.
Gunnar segir að undanfarin ár
hafi það færst mjög í vöxt að for-
eldrar keyri börn sín í skólann og
þegar spurt sé um ástæður þessa
séu svörin oftar en ekki þau að það
sé vegna þeirrar hættu sem skap-
ast fyrir börnin vegna of mikillar
umferðar á leið í og við skólana.
„Foreldrar átta sig oft ekki á því
að það eru þeir sem skapa mestu
hættuna með því að keyra börnin.
Ef ekkert er að gert munu æ fleiri
foreldrar bregða á það ráð að
keyra börn sín í skólann og skapa
enn meiri hættu fyrir önnur börn,“
segir í minnisblaði til nefnda bæj-
arins frá Gunnari og Bryndísi Arn-
arsdóttur forvarnarfulltrúa.
Þau segja í framhaldinu: „Þar á
ofan er verið að skapa fleiri vanda-
mál með ofnotkun einkabílsins, en
það er hreyfingarleysi og ofþyngd
barna og ungmenna. Það er nú
þegar ljóst að ofþyngd barna og
ungmenna er vaxandi vandamál.
Með aukinni kyrrsetu og minni
hreyfingu ásamt einhæfari nær-
ingu og aukinni sykurneyslu eykst
vandinn enn frekar.“
Þau lýsa yfir vilja sínum til þess
að sporna við þessari þróun með
því að hvetja börn og ungmenni
ásamt foreldrum til að hjóla eða
ganga í skólann.
„Þetta verkefni gæti verið það
fyrsta af mörgum í þá átt að gera
Akureyri að fjölskylduvænum
heilsueflingarbæ.“
Markmiðin sem þau vonast til
þess að ná eru þessi:
 Draga úr því að börn séu keyrð í
og úr skóla.
 Að allir nemendur eigi þess kost
að koma hjólandi í skólann.
 Hvetja foreldra til að hjóla með
börnum sínum í skólann.
Skipaður hefur verið starfshópur
hjá Akureyrarbæ til þess að fara
yfir málið og óskað verður sam-
starfs við lögregluna.
Í drögum að framkvæmd leggja
Gunnar og Bryndís til eftirfarandi:
 Hjólaleiðir í skólann verði
merktar.
 Lýsing verði aukin og gang-
stéttarbrúnir gerðar aflíðandi.
 Hjólareglum í skólum verði
breytt – (börn í 1. til 4. bekk mega
ekki koma hjólandi í skólann).
 Hjólagrindur verði settar upp
við skólana og aðstaða gerð til þess
að börnin geti geymt hjálma sína.
 Eftirlit verði með hjólum.
 Verkefnið verði kynnt nem-
endum og þeir hvattir til að hjóla.
 Kynna verkefnið líka vel fyrir
foreldrum.
 Útbúa hjólastíga og þrauta-
brautir við skólana.
Þegar Gunnar er spurður hvort
veðrið á Akureyri hamli því ekki
að hugmyndir hans verði að veru-
leika stendur ekki á svarinu:
Fjölskyldan bjó um tíma norð-
arlega í Svíþjóð þar sem vetur eru
mun harðari en hér og snjór marg-
faldur. Þar eru vandkvæðin engin
og ættu því ekki að vera hér held-
ur. Aðalatriðið er líklega breytt
hugarfar.
Hugmyndir um stórbætta hjólreiðamenningu í höfuðstað Norðurlands
Hjólreiðar auka öryggi í um-
ferð og minnka líkur á offitu
Morgunblaðið/Ásdís
Holl hreyfing Hjólreiðar eru hollur ferðamáti fyrir fólk á öllum aldri,
mengar ekki andrúmsloft og eykur mjög öryggi í umferðinni …
Í HNOTSKURN
»Gunnar Svanbergsson ersjúkraþjálfari að mennt
og mikill áhugamaður um að
fólk hreyfi sig. Hann dregur
ekki dul á að hafa gefið kost
á sér sem formaður í for-
eldrafélagi Brekkuskóla í
þeim tilgangi einum að
vinna framgang hugmynd
sinni um bætta hjólreiða-
menningu í bænum, sem
hann telur öllum til bóta.
»Gunnar segist verða varvið hugarfarsbreytingu
foreldra um þessar mundir;
þeir vilji í raun ekki keyra
börn sín í jafnmiklum mæli
og raun ber vitni.
FYRIRLESTRARÖÐ um glæpasögur
heldur áfram í Amtsbókasafninu á Ak-
ureyri í dag kl. 17.15. Yfirskriftin á þess-
um öðrum fyrirlestri Kristínar Árnadótt-
ur um glæpasögur er „Gullöldin“ eða
„harðsoðna“ glæpasagan.
Enn um glæpi
SIGMUNDUR Davíð
Gunnlaugsson fjallar
um skipulagsmál á Fé-
lagsvísindatorgi Há-
skólans á Akureyri í
dag kl. 12. Í gær fjallaði
hann um lögfræðihlið
þessa mála en fyrir-
lestur dagsins kallar
hann Fegurð metin til
fjár, áhrif umhverfis á
velferð og líðan.
Sigmundur Davíð Gunnlaugsson lærði
viðskiptafræði við HÍ og hélt svo til náms í
Moskvu þar sem hann skoðaði þróun efna-
hagsmála í Austur-Evrópu. Að því loknu
stundaði hann stjórnmálafræðirannsóknir
við Kaupmannahafnarháskóla með
áherslu á opinbera stjórnsýslu. Árið 2002
hóf Sigmundur meistaranám í Oxford-
háskóla í Bretlandi. Rannsóknir hans þar
þróuðust yfir í doktorsverkefni um skipu-
lagsmál.
Skipulag: Feg-
urð metin til fjár
Sigmundur Davíð
Gunnlaugsson
FANNEY Ásgeirsdóttir, skólastjóri
Grunnskóla Vestmannaeyja, heldur á
morgun erindi á fræðslufundi skólaþróun-
arsviðs kennaradeildar HA. Erindið nefnir
hún „Í þennan skóla er hægt að koma frá
vöggu til grafar“ og fjallar þar um sam-
félagslegt hlutverk fámenna skólans. Fyr-
irlesturinn hefst kl. 16.30 í stofu 16 í Þing-
vallastræti 23.
Hlutverk fá-
mennra skóla
Hafnarfjörður | Lúðvík Geirsson,
bæjarstjóri Hafnarfjarðarbæjar, og
forsvarsmenn Riss ehf. skrifuðu und-
ir verksamning annars áfanga vegna
uppbyggingar á Kaplakrika síðastlið-
inn mánudag.
Undirbúningur lokaáfanga FH-
svæðisins hófst sumarið 2005, í fram-
haldi af viljayfirlýsingu á milli FH og
Hafnarfjarðarbæjar sem undirrituð
var á 75 ára afmæli FH 16. október
2004. Arkitektar eru Batteríið ehf. og
VSB verkfræðistofa hefur séð um
verkfræðihönnun.
„Þetta mun breyta miklu, aðallega
fyrir fótboltann og alla aðstöðu fyrir
hann, það er að segja áhorfendur,“
segir Viðar Halldórsson, sem er í
byggingarnefnd fyrir hönd FH. „Síð-
an á í framhaldinu af þessu að byggja
frjálsíþróttahús sem mun hafa gífur-
leg áhrif fyrir frjálsíþróttadeildina
og, já, í sjálfu sér allar aðrar deildir í
félaginu líka því að öll aðstaða verður
betri,“ segir Viðar og bætir við að
þetta muni hafa mikil áhrif á alla að-
stöðu fyrir félagið því nú muni það fá
fundarsali, skrifstofur „og ýmislegt
fleira sem hefur verið af skornum
skammti“, segir Viðar.
Félags- og skrifstofuaðstaða verð-
ur á einni hæð, ný búningsherbergi
munu uppfylla UEFA-staðla, viðbót-
arstúka verður byggð, auk aðstöðu
fyrir fréttamenn og keppnisstjórn.
Skyggni verður byggt yfir núverandi
stúku sem mun þá rúma 2.000 manns
í sæti. Skylmingasalur verður byggð-
ur og eldra húsnæði verður endur-
gert, þ.á m. búningsherbergi og 200
m² tækja- og lyftingasalur. Frjáls-
íþróttahús verður 4.500 m². Tengi-
bygging verður milli allra húsa, m.a. í
Risann. Nýbyggingar eru samtals
um 7.000 m². Lóðin öll verður end-
urgerð, bílastæði, gönguleiðir og að-
koma að svæðinu, t.d. við Flata-
hraun, og aðgengi að íþrótta-
miðstöðinni.
Framkvæmdirnar munu standa
yfir til 2009.
Morgunblaðið/Brynjar Gauti
Skrifað undir Lúðvík Geirsson, bæjarstjóri Hafnarfjarðarbæjar, skrifaði undir ásamt forsvarsmönnum Ris ehf.
Ný aðstaða gjörbyltir
allri aðstöðu FH-inga
Á FUNDI umhverfisráðs Reykja-
víkurborgar hinn 9. október síðast-
liðinn var lagt fram til kynningar
bréf Skipulagsstofnunar varðandi
matsáætlun vegna annars áfanga
Sundabrautar. Jafnframt var þá
lögð fram tillaga þáverandi minni-
hluta F-lista, Samfylkingar og
Vinstri grænna um að tillaga þeirra
um legu Sundabrautar, 2. áfanga,
yrði tekin til umhverfismats. Til-
laga F-lista, Samfylkingar og VG
gengur út á að Sundabraut verði
lögð í jarðgöng frá mislægum
gatnamótum í Gufunesi yfir í
Gunnunes/Álfsnes. Fyrirhuguð
íbúðarbyggð í Geldinganesi verði
tengd Gufunesi/Sundabraut með
brú yfir í Eiðisvík.
Með breytingunum sem í gær
urðu á borgarstjórn tekur Svandís
Svavarsdóttir við formennsku í
skipulagsráði. Ekki náðist í hana
vegna málsins.
Lögðu fram nýja til-
lögu um Sundabraut
Kópavogur | Þeir sem leið hafa átt
um göngustíg sem liggur frá Kópa-
vogsdal, undir Dalveg og áfram
undir Reykjanesbraut hafa vænt-
anlega orðið varir við fram-
kvæmdir sem nú standa yfir þar
sem göngustígurinn liggur undir
Reykjanesbrautina. Þónokkurt
rask er á umhverfinu og vatn fossar
upp úr brunni. Samkvæmt upplýs-
ingum frá Kópavogsbæ er verið að
tengja hinn enda vatnslagnarinnar
sem upptök á í Heiðmörk. Verið er
að skola út lögnina, sem skýrir foss-
andi vatnið, áður en hún verður
tengd við Kópavog.
Morgunblaðið/Brynjar Gauti
Rask vegna framkvæmda