Morgunblaðið - 27.11.2007, Blaðsíða 2

2 ÞRIÐJUDAGUR 27. NÓVEMBER 2007 MORGUNBLAÐIÐ
FRÉTTIR
Morgunblaðið Hádegismóum 2, 110 Reykjavík. Sími 5691100 Fréttir frett@mbl.is Fréttastjórar Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Viðskipti vidsk@mbl.is Björn Jóhann
Björnsson, fréttastjóri, bjb@mbl.is Daglegt líf Anna Sigríður Einarsdóttir, annaei@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi,
gudlaug@mbl.is Minningar minning@mbl.is, Stefán Ólafsson, Arnór Ragnarsson Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp | Sjónvarp Sigurlaug Jakobsdóttir, dagskra@mbl.is mbl.is netfrett@mbl.is Guðmundur
Sv. Hermannsson fréttastjóri gummi@mbl.is
LANDHELGISGÆSLAN hefur nýverið bætt
við sig alls sjö nýjum þyrluflugmönnum.
Ástæðan er efling þyrlusveitar Gæslunnar
vegna brotthvarfs bandaríska varnarliðsins.
Síðustu þrír flugmennirnir voru ráðnir nýlega
og eru tveir þeirra konur, þær Brynhildur
Ásta Bjartmarz og Marion Andrée Simone
Herrera. Þriðji flugmaðurinn er Andri Jó-
hannesson.
Samkvæmt upplýsingum Gæslunnar eru
Brynhildur og Marion fyrstu konurnar sem
taka við þyrluflugmannsstarfi hjá Gæslunni,
auk þess sem þær eru fyrstu konurnar sem
ráðnar hafa verið á Íslandi í fullt starf sem
þyrluflugmenn. Konur hafa þó áður starfað
sem flugmenn hjá Gæslunni og einnig sem
læknar í áhöfnum þyrlnanna.
„Þetta er fyrsta starfið mitt sem þyrluflug-
maður, og flugmaður yfir höfuð,“ segir Bryn-
hildur Ásta, sem kláraði þyrluflugmannsnámið
fyrir um ári. Hún var með einkaflugmannspróf
á flugvél áður en hún hóf þyrlunámið og nýtt-
ist það henni vel, en hún lauk náminu sem hún
stundaði í Bandaríkjunum á rúmu ári.
Andri Jóhannesson stundaði nám í sama
skóla og Brynhildur Ásta. Hann hafði áður
starfað sem hljóðtæknimaður, en lauk einka-
flugmannsprófi áður en hann fór út í þyrlu-
flugmannsnámið. Andri starfaði í fyrra sem
þyrluflugmaður á Grænlandi svo hann hefur
þegar nokkra reynslu.
Marion er hörpuleikari og hefur einnig
starfað sem hörpukennari. Hún starfaði í tvö
sumur sem þotuflugmaður hjá Icelandair áður
en leið hennar lá til Landhelgisgæslunnar.
Í skólanum þar sem Andri og Brynhildur
stunduðu nám voru konur um 5% nemenda, en
augljóst var að aukning var að verða auk þess
sem kvenkyns kennurum var að fjölga.
Sama þróun er upp á teningnum í Noregi og
Bretlandi, þar sem kvenmönnum fjölgar í hópi
atvinnuþyrluflugmanna.
Nú tekur við strangt þjálfunarferli hjá nýju
þyrluflugmönnunum, sem taka mun allt að 6
mánuði þar til þeir verða settir á vaktir. Þeir
verða þjálfaðir á tvær tegundir þyrlna, Super
Puma og Dauphin, auk þess sem þjálfunin snýr
að leit og björgun.
Fyrstu konurnar ráðnar í fullt starf sem atvinnuþyrluflugmenn á Íslandi
Morgunblaðið/Golli
Þyrluflugmenn Brynhildur Ásta Bjartmarz, Andri Jóhannesson og Marion Andrée Simone Herrera taka við starfi hjá Landhelgisgæslunni á næsta ári.
Í stranga þjálfun á þyrlunum
Konur sækja í sig veðrið í þyrlufluginu þó karlarnir séu enn í miklum meirihluta
„VIÐ erum kom-
in í stöðu sem
engin leið var að
sjá fyrir. Olíu-
verðið er komið í
slíkar hæðir að
mann setur hljóð-
an,“ segir Magn-
ús Ásgeirsson,
innkaupastjóri
hjá N1.
Eldsneytisverð
er nú það hæsta sem sést hefur um
langa hríð og varð síðast heimsmark-
aðshækkun í gær. Verð á bensíni hjá
stóru olíufélögunum, miðað við
sjálfsafgreiðslu, er um 133 kr. á lítr-
ann, en á dísilolíu á milli 137 og 138
kr. Orkan bauð lægsta verðið sam-
kvæmt vefsíðunni gsmbensin.is í
gærkvöldi, þar sem lægsta verð
hverju sinni er sýnt. En þar er bens-
ínlítrinn á 131,5 kr en dísillítri á
135,7 kr.
Magnús bindur nokkrar vonir við
fund OPEC-ríkjanna hinn 5. desem-
ber nk., en frá þeim hafi komið yf-
irlýsingar um aukningu olíufram-
leiðslu, sem yrði mjög mikilvæg fyrir
lækkun olíuverðs.
Hann segir veika stöðu dollarans
grundvallaratriði í háu olíuverði og
að aðrar þekktar áhrifastærðir eins
og kuldar í Bandaríkjunum, eftir-
spurn og framleiðsla séu áhrifalitlar
nú miðað við vanalega.
„Ég sé ekki breytingar í aðra
hvora átt næstu tvo mánuði eða svo,
á nýju kínversku ári sem er um mán-
aðamótin janúar febrúar, gæti eitt-
hvað breyst þar sem Asíumarkaður-
inn er svo stór, hinar flóknu stærðir
fjármálamarkaðanna eru sterkur
áhrifavaldur núna,“ segir Magnús.
Síhækkandi
olíuverð
Bíleigendur Þurfa
að borga hátt verð.
TÖLUVERÐ jarðskjálftavirkni var
við norðanverðan Langjökul í gær-
dag og fram á nótt. Stærsti skjálft-
inn varð kl. 15.31 og mældist 4,4 á
Richter-kvarða. Nokkrir minni
skjálftar urðu á undan honum og eft-
ir; flestir á milli 2,5 og 3 á Richter.
Stærsti skjálftinn fannst greini-
lega víða í Húnavatnasýslu og einnig
á Akureyri. Að sögn fréttaritara
Morgunblaðsins á Blönduósi var
mörgum íbúum brugðið við skjálft-
ann sem kom eins og mikið högg.
Höfðu margir á orði að húsnæði
þeirra hefði nötrað og skolfið líkt og
eftir þunga ákeyrslu bifreiðar.
Þórunn Skaftadóttir, jarðfræðing-
ur hjá Veðurstofu Íslands, segir upp-
lifun íbúa Blönduóss ekki óalgenga.
„Það er misjafnt eftir því hvernig
undirlagið er, hvort skjálftar komi
sem bylgja eða eitt högg.“ Engar
skemmdir urðu af völdum skjálftans.
Þórunn segir að búast megi við
skjálftum á svæðinu á næstu dögum
en ekkert bendi til vaxandi eldvirkni
né tengsla við skjálfta sem urðu við
Selfoss í síðustu viku.
   
 



     
 


 
 
 



   
 
   


 







Allt nötraði
og skalf á
Blönduósi
Eftir Andra Karl
andri@mbl.is
FJÖGUR ný frumvörp um leik-,
grunn- og framhaldsskóla voru í gær
kynnt þingflokkunum. Frumvörpin
mynda eina heild og er eitt helsta
markmið með þeim að draga úr mið-
stýringu og auka sveigjanleika milli
skólastiga. Þannig á að tryggja heild-
stætt skólakerfi frá upphafi leikskóla
til loka framhaldsskóla. Frumvörpin
eru afar viðamikil og liggur margra
ára vinna að baki þeim.
Meðal helstu nýmæla í frumvörp-
unum er að lögð er til breyting á ein-
ingakerfi framhaldsskóla og að tekin
verði upp fræðsluskylda til átján ára
aldurs. Einingakerfið sem lagt er til
að tekið verði upp nefnist ECTS (e.
European Credit Transfer and Acc-
umulation System) sem er sama kerfi
og notað er á háskólastigi. Þar er ekki
miðað við fjölda kennslustunda held-
ur vinnuframlag nemenda. Líkt og
nafnið gefur til kynna er um evrópskt
kerfi að ræða sem ætti að gera færslu
á einingum milli skóla og milli landa
mun einfaldari en verið hefur. Færsla
umframeininga úr framhaldsskóla
yfir í háskóla ætti einnig að einfald-
ast.
Þá er lagt til að tekin verði upp
fræðsluskylda til að tryggja rétt
nemenda til skólavistar og náms.
Ekki er um að ræða skólaskyldu
heldur frekar að ríkið skuldbindi sig
til að tryggja menntun og verði þá
ekki hægt að vísa neinum frá.
Í framhaldsskólafrumvarpinu er
einnig rík áhersla lögð á að auka veg
starfsnáms og verknáms. Meðal ann-
ars er lagt til að stúdentspróf á bók-
námsbrautum og verknámsbrautum
verði jafngild. Einnig er lagt til að
kjarnagreinum verði fækkað niður í
íslensku, ensku og stærðfræði og að
einstaka skólum verði veitt aukið
svigrúm til mótunar námsbrauta.
Samræmdum prófum breytt
Í grunnskólafrumvarpinu er lagt
upp með að fyrirkomulagi sam-
ræmdra prófa verði breytt. Þau verði
tekin fyrr, eða fyrir áramót, og lokum
grunnskólans verður því breytt í
samræmi við það. Áfram er gert ráð
fyrir að nemendur í fjórða og sjöunda
bekk taki samræmd próf.
Kjarnagreinum fækkað og
einingakerfinu gjörbreytt
Fjögur viðamikil frumvörp um menntakerfið verða lögð fram á Alþingi á næstunni
Í HNOTSKURN
»Verði frumvörp mennta-málaráðherra samþykkt á
Alþingi mun kennaranám í nú-
verandi mynd leggjast af.
»Breytingar yrðu einniggerðar á samræmdum
prófum í grunnskóla og þau
þreytt fyrir áramót í tíunda
bekk.
» Í framhaldsskólum yrðibætt við nýju framhalds-
skólaprófi sem hægt er að
taka eftir tvö ár í námi.
Skólafjör Kjarnagreinum í fram-
haldsskólum gæti fækkað í þrjár.