Morgunblaðið - 27.11.2007, Blaðsíða 14

14 ÞRIÐJUDAGUR 27. NÓVEMBER 2007 MORGUNBLAÐIÐ
ERLENT
Villiers-Le Bel. AP, AFP. | Ungmenni
fleygðu grjóti í lögreglumenn og
kveiktu í bílum með Molotov-kokkt-
eilum í einu af úthverfum Parísar,
Villiers-Le-Bel, í gær, annan daginn
í röð. Ráðist var með bensínsprengj-
um á lögreglustöð og hamborgara-
staður brenndur, einnig meira en
tugur bifreiða en lögreglan svaraði
með því að skjóta gúmmíkúlum.
Minnst átta lögreglumenn særðust í
gær og enn fleiri á sunnudag.
Orsök óeirðanna var að tveir ung-
lingar á mótorhjóli létu lífið á sunnu-
dag er þeir lentu í árekstri við lög-
reglubíl. Fullyrt var að lögreglu-
mennirnir hefðu yfirgefið slys-
staðinn án þess að sinna tvímenn-
ingunum og hófust mótmæli í
kjölfarið. Lögreglan segir að öku-
maður hjólsins hafi hundsað umferð-
arreglur og hjólið hafi verið óskráð.
Átta manns voru handteknir á
sunnudag. Unglingarnir tveir, 15 og
16 ára, voru ekki með öryggishjálma
og talsmaður skrifstofu saksóknara
sagði að hjólið hefði verið á allt of
miklum hraða. Sagði talsmaðurinn
að umræddir lögreglumenn hefðu
strax eftir slysið kallað á sjúkrabíl.
Átökin minna mjög á óeirðir sem
urðu fyrir tveim árum í innflytjenda-
hverfum Parísar og stóðu í nokkrar
vikur. Í Villiers-Le-Bel býr mikið af
fólki af arabískum ættum og blökku-
mönnum.
Nýleg könnun bendir til þess að
lítið gagn hafi verið að því að verja
miklu opinberu fé til að bæta ástand-
ið í hverfunum. Þar er mikið atvinnu-
leysi og mörgum íbúum finnst þeir
ekki vera hluti af frönsku samfélagi.
Reuters
Bræði Unglingar með kylfur við
brennandi bíl í París í gær.
Óeirðir
í París
Sankti Pétursborg. AFP. | Vladímír
Pútín Rússlandsforseti sakaði í gær
Bandaríkjamenn um að reyna að
„grafa undan “ þingkosningum sem
fram fara í Rússlandi á sunnudaginn
kemur með því beita sér fyrir því að
Öryggis- og samvinnustofnun Evr-
ópu (ÖSE) hætti við eftirlit með
kosningunum. Stjórnvöld í Banda-
ríkjunum og talsmenn ÖSE neituðu
þessari ásökun.
„Markmið þeirra er að grafa und-
an kosningunum en þeim mun ekki
takast það,“ sagði Pútín á fundi með
stuðningsmönnum sínum í Sankti
Pétursborg. „Kosningarnar munu
fara fram í samræmi við reglur rétt-
arríkisins.“
Sean McCormack, talsmaður
bandaríska utanríkisráðuneytisins,
neitaði því að bandaríska stjórnin
hefði beitt sér fyrir því að hætt yrði
við kosningaeftirlitið. Hann sagði að
Nicholas Burns, aðstoðarutanrík-
isráðherra Bandaríkjanna, hefði
rætt við embættismenn ÖSE en
„þeir einir“ hefðu tekið ákvörðunina.
„Ég tel að Pútín hafi fengið rang-
ar upplýsingar,“ hafði fréttastofan
AFP eftir Urði Gunnarsdóttur, tals-
manni ODIHR, undirstofnunar ÖSE
sem séð hefur um kosningaeftirlit.
„Sú ákvörðun okkar að hætta við
kosningaeftirlitið byggðist á þeirri
staðreynd að við fengum ekki vega-
bréfsáritanir þrátt fyrir að við hefð-
um verið fullvissuð um að við fengj-
um þær. Ákvörðunin var ekki tekin
að ráði eins ríkis. ODIHR fer ekki að
fyrirmælum einstakra ríkja.“
Áður höfðu rússnesk yfirvöld ver-
ið gagnrýnd fyrir að handtaka um
200 stjórnarandstæðinga sem efndu
til mótmæla í Moskvu og Sankti Pét-
ursborg um helgina. Á meðal þeirra
var Garrí Kasparov, fyrrverandi
heimsmeistari í skák og frambjóð-
andi í forsetakosningum sem fram
eiga að fara 2. mars á næsta ári.
Jose Manuel Barroso, forseti
framkvæmdastjórnar Evrópusam-
bandsins, gagnrýndi „harkaleg“ við-
brögð yfirvalda við mótmælunum og
Bandaríkjastjórn kvaðst hafa
áhyggjur af „harðneskjulegum að-
ferðum“ lögreglunnar.
Kasparov áfram í fangelsi
Dómari í Moskvu úrskurðaði í
gær að Kasparov skyldi afplána að
fullu fimm daga fangelsisdóm fyrir
að hafa tekið þátt í mótmælafundi á
laugardag sem yfirvöld segja hafa
verið ólöglegan.
Skoðanakönnun, sem birt var í
gær, bendir til þess að flokkur Pút-
íns, Sameinað Rússland, fái a.m.k.
62% atkvæða í þingkosningunum.
Þremur öðrum flokkum er spáð
þingsætum: kommúnistaflokknum,
Frjálslynda lýðræðisflokknum og
vinstriflokknum Réttlátt Rússland.
Stjórn Bush sökuð um íhlutun
Vladímír Pútín segir stjórn Bandaríkjanna hafa grafið undan þingkosningum
með því að beita sér fyrir því að ÖSE hætti við kosningaeftirlit í Rússlandi
AP
Á atkvæðaveiðum Pútín á kosn-
ingafundi í Sankti Pétursborg.
Eftir Kristján Jónsson
kjon@mbl.is
TIL stóð að Condoleezza Rice, utan-
ríkisráðherra Bandaríkjanna, ætti
fund í gærkvöld með fulltrúum Ísr-
aela og Palestínumanna í Washington
í gær til að reyna að hnýta síðustu
endana í samkomulagi um yfirlýsingu
er gæti orðið grundvöllur nýrra frið-
arviðræðna. Mahmoud Abbas, forseti
Palestínumanna, hitti George W.
Bush Bandaríkjaforseta í Hvíta hús-
inu í gær. Sagðist Abbas vera vongóð-
ur um að ráðstefna í boði Bandaríkja-
manna sem hefst í dag í Annapolis,
rétt fyrir utan Washington, um frið í
Mið-Austurlöndum yrði árangursrík.
Bush þykir hafa unnið nokkurn sig-
ur með því að fá bæði Sádi-Araba og
ekki síst Sýrlendinga auk 13 annarra
arabaþjóða til að taka þar þátt í bein-
um viðræðum við Ísraela. Sýrlending-
um er í mun að fá umræður um Gól-
anhæðir sem þeir vilja fá aftur en
Ísraelar hertóku þær í sex daga stríð-
inu 1967. Þátttaka Sýrlendinga merk-
ir að Íranar einangrast enn meira en
ella í heimi múslímaríkja í Mið-Aust-
urlöndum. Eitt af markmiðum Bush
er einmitt að efla einingu arabaþjóða
sem óttast vaxandi áhrif Írana á
svæðinu.
Bush hitti einnig að máli Ehud
Olmert, forsætisráðherra Ísraels, en
til þess var tekið að Olmert virtist
ekki taka fyllilega undir bjartsýnisorð
forsetans þótt vel færi með á þeim.
Staða Olmerts heima fyrir er veik,
hann er afar óvinsæll meðal ísr-
aelskra kjósenda og því erfitt að sjá
að hann sé í stöðu til að taka mik-
ilvægar ákvarðanir.
Ráðherrann sagði í gær að skilyrði
þess að hægt yrði að hefja aftur frið-
arviðræður væri að bundinn yrði endi
á flugskeytaárásir Palestínumanna á
Ísrael frá Gaza. Vandinn er að Abbas
ræður aðeins yfir Vesturbakkanum,
Hamas-samtök bókstafstrúarmanna
ráða yfir Gaza.
Hamas njóta aðstoðar Írana og var
ekki boðið til Washington enda
samtökin þar á bæ talin vera
hryðjuverkasamtök og reyndar einn-
ig skilgreind þannig í Evrópusam-
bandinu.
Abbas bjartsýnn á
árangur í Annapolis
Olmert segir að stöðva verði flugskeytaárásir frá Gaza
EVO Morales, forseta Bólivíu, er ákaft fagnað af þátt-
takendum í göngu í höfuðborginni La Paz í gær þar
sem þess var krafist að þingið heimilaði greiðslu sér-
stakra eftirlauna aldraðra, Renta Dignidad. Fólkið var
tíu daga á leiðinni til borgarinnar en það er flest úr
röðum indíána. Vinstrisinninn Morales fór síðan fyrir
göngumönnum sem einnig lýstu stuðningi við umdeild-
ar tillögur hans um breytingar á stjórnarskránni en
þær voru samþykktar sl. laugardag. Kom þá til heift-
arlegra átaka á götum úti og þrír létu lífið.
Reuters
Morales meðal vina í La Paz
PERVEZ Mush-
arraf, forseti Pak-
istans, mun hætta
sem yfirmaður
hersins næstkom-
andi miðvikudag
og sverja emb-
ættiseið að nýju
sem forseti á
fimmtudag, að
sögn talsmanns
forsetans. Neyðarlög hafa ríkt í
landinu frá þriðja október og hefur
Musharraf verið harðlega gagnrýnd-
ur fyrir þau, jafnt meðal stjórnar-
andstæðinga sem vestrænna ráða-
manna, og fyrir að gegna samtímis
embætti forseta og yfirmanns hers-
ins. Musharraf rændi völdum í Pak-
istan árið 1999 og hefur síðan verið
forseti.
Hættir í
hernum
Pervez Musharraf
BÚIST er við skorti á normannsþin
fyrir jólin í Danmörku, að sögn tals-
manns jólatrjáaræktenda í gær. Of-
framboð fyrir nokkrum árum og
verðhrun í kjölfarið varð til þess að
margir hættu ræktun og því ríkir
nú skortur. Danir flytja úr meira af
jólatrjám en nokkur önnur þjóð.
Vantar jólatré
BÁÐIR stærstu flokkarnir í Króat-
íu eru byrjaðir að þreifa fyrir sér
um stjórnarmyndun eftir þingkosn-
ingarnar á sunnudag en hvorugur
náði meirihluta á þingi. Talið er að
hægrimenn Ivo Sanaders forsætis-
ráðherra hafi meiri möguleika en
sósíalistar á að mynda stjórn.
Þreifingar
ALLT bendir til þess að færri morð
verði nú framin í New York á þessu
ári en verið hefur í fjóra áratugi,
þau verði innan við 500. Talið er að
ástæðan fyrir þessari þróun sé vel-
megun en einnig ákveðnari tök á
afbrotum af hálfu lögreglunnar.
Færri morð
DÓMSMÁLARÁÐUNEYTI Sádi-
Arabíu sagði í gær að nítján ára
kona, sem var dæmd í fangelsi og
til húðstrýkingar eftir að sjö menn
nauðguðu henni, hefði játað að hafa
drýgt hór.
Dómurinn hefur verið gagn-
rýndur á Vesturlöndum en í yfirlýs-
ingu frá dómsmálaráðuneytinu
sagði að það hafnaði hvers konar
„erlendri íhlutun“ í innanríkismál
Sádi-Arabíu. Dómurinn væri í sam-
ræmi við lög landsins og konan
hefði játað að hafa „gert það sem
Guð hefur bannað“. „Hún er gift
kona og játaði að hafa drýgt hór
með manni sem hún náðist með.“
Yfirlýsing ráðuneytisins er ekki í
samræmi við frásögn ungu kon-
unnar.
Sögð hafa
drýgt hór
Dalvegi 10-14 • Sími 577 1170
Innrettingar
Þi´n vero¨ldXEINN IX 07 06
00
8