Morgunblaðið - 01.12.2007, Qupperneq 62

... gerðu öllum ljóst að
þau hefðu áhuga á
meiru en platónsku hana-
stélshjali … 66
»
reykjavíkreykjavík
Eftir Jóhann Bjarna Kolbeinsson
jbk@mbl.is
BRESKA rokksveitin Whitesnake
heldur tónleika í Laugardalshöllinni
þriðjudagskvöldið 10. júní næstkom-
andi. Þetta mun ekki vera í fyrsta
skipti sem sveitin heldur tónleika hér
á landi því hún hélt tvenna tónleika í
Reiðhöllinni árið 1990.
Söngvarinn David Coverdale stofn-
aði Whitesnake árið 1977. Hann hafði
áður verið söngvari Deep Purple um
nokkurt skeið, í fjarveru Ians Gillans,
en ákvað að stofna nýja sveit þegar
Deep Purple hætti störfum. Í upphafi
lék hljómsveitin blússkotið rokk og
náði töluverðum vinsældum í heima-
landinu, sem og víðar í Evrópu, í kjöl-
far fyrstu tveggja platna sinna,
Snakebite og Trouble. Mannabreyt-
ingar voru gerðar á sveitinni í upphafi
9. áratugarins og stuttu síðar skrifaði
hún undir plötusamning við Geffen-
útgáfufyrirtækið. Platan Slide It In
sem kom út árið 1984 kom Whites-
nake á kortið í Bandaríkjunum, og
náði hún síðar platínusölu þar í landi.
Fleiri mannabreytingar voru gerðar
áður en næsta plata, sem hét einfald-
lega Whitesnake, kom út árið 1987.
Platan sló í gegn í Evrópu og Banda-
ríkjunum og komst til að mynda í
annað sætið á vinsældalistanum vest-
anhafs. Þá náði lagið „Here I Go Aga-
in“ efsta sæti bandaríska Billboard-
listans, en á þessum tíma var Whites-
nake farin að spila það sem í dag er
oftar en ekki kallað glysrokk.
Árið 1991 lagði Coverdale White-
snake niður og hóf að sinna öðrum
verkefnum, og næsta áratuginn bar
því fremur lítið á sveitinni. Coverdale
tók hins vegar aftur upp þráðinn árið
2002 og hefur sveitin starfað óslitið
síðan þá.
Það er fyrirtækið 2BC sem stendur
að komu Whitesnake hingað til lands
en fyrirtækið stendur meðal annars
að tónleikum Jet Black Joe í Höllinni
í maí á næsta ári.
Miðasala á tónleika Whitesnake
hefst 18. desember og fer hún fram á
midi.is og í verslunum BT.
Hvíti snákurinn til Íslands
Whitesnake á tónleikum Á síðasta ári sendi Whitesnake frá sér DVD disk
sem inniheldur upptöku af nýlegum tónleikum sveitarinnar í Bretlandi.
Hélt síðast tónleika hér á landi í Reiðhöllinni árið 1990
www.whitesnake.com
 Hljómsveitin
Ullarhattarnir
bregst ekki aðdá-
endum sínum
þetta árið frekar
en undanfarin ár.
Sveitin kemur
fram aðeins einu
sinni á ári og yfirleitt á Þorláks-
messu. Þrátt fyrir að bera eitt slak-
asta hljómsveitarnafn tónlistarsög-
unnar eru meðlimir hennar
einhverjir færustu popparar lands-
ins en það eru þeir Eyjólfur Krist-
jánsson, Stefán Hilmarsson, Jón
Ólafsson, Friðrik Sturluson og Jó-
hann Hjörleifsson. Hattarnir hófu
feril sinn árið 1998 og koma því
fram í tíunda skiptið í ár. Tónleik-
arnir í ár fara fram á Domo hinn
23. desember og líklegt má telja að
nokkur jólalög verði klædd í al-
íslenskan jólabúning af þeim kemp-
um.
Ullarhattarnir á
Domo á Þorláksmessu
 Það er útlit fyrir grjótharða
keppni í kvöld þegar þungavigt-
artónlistarmennirnir Dr. Gunni,
Hafdís Huld og Magnús Þór Sig-
mundsson keppa um hylli lands-
manna í Laugardagslögunum. Í
gær var sagt frá því að Dr. Gunni
hefði leitað á náðir Dr. Spock og ef
að líkum lætur verður sá flutningur
með þeim sögulegri í íslenskri sjón-
varpssögu. Hafdís Huld fær söng-
stjörnurnar Birgittu Haukdal og
Magna (Rockstar) Ásgeirsson til að
flytja sitt lag en Magnús Þór leitar
til vinkonu sinnar Ragnheiðar
Gröndal. Samstarf þeirra hefur
verið einkar farsælt en Ragnheiður
söng, eins menn muna, eitt vinsæl-
asta lag síðustu ára – og Magnúsar
Þórs – „Ást“. Þá er bara að safna
fyrir símakosningunni.
Hörð keppni í kvöld
Eftir Helga Snæ Sigurðsson
helgisnaer@mbl.is
„Kveikjan að þessari persónu er hræðilegur
maður sem býr fyrir norðan Assistentens kir-
kegård í Kaupmannahöfn,“ segir Þórarinn
Leifsson, teiknari og barnabókahöfundur, um
mannætupabbann sem er aðalpersóna barna-
sögu hans, Leyndarmálið hans pabba. „Við ætl-
uðum að leigja þarna við hjónin og hittum þá
þennan hræðilega mann. Það varð kveikjan að
bloggfærslu sem seinna þróaðist út í það að
verða barnabók.“
Þórarinn segir að um svipað leyti hafi „stóra
mannætumálið“ verið í algleymingi í Þýskalandi
(mannætan Armin Miewes var dæmdur í upphafi
árs 2004 fyrir að myrða mann og leggja sér til
munns). Aðrar smáfréttir hafi einnig veitt inn-
blástur, m.a. af manni sem datt ofan í kjöthökk-
unarvél í Svíþjóð.
Skítugur á nærbuxunum
En aftur að hræðilega manninum í Kaup-
mannahöfn. „Hann bjó s.s. í innflytjenda-Mekka
en var mikill rasisti sjálfur,“ segir Þórarinn og
hlær. Það hafi verið dálítið merkilegt. Hann hafi
sýnt þeim hjónum húsnæði sem þeim leist ekkert
á og fylgdi því subbulegur garður, líkur þeim
sem lýst er í bókinni sem „iðandi frumskógi sem
foreldrarnir kalli garð en aðrir íbúar í hverfinu
ruslahaug“. Þar dvelur pabbinn langdvölum,
skítugur með sítt hár og skegg, í bláröndóttum
nærbuxum einum fata. Leigusalinn í Kaup-
mannahöfn var víst hálfnakinn og skítugur líkt
og pabbinn.
„Hann er svona þessi skandinavíski karlmaður
í kringum 1970. Þetta er svolítil vísun í hippa-
tímabilið. Þetta er ákveðin týpa, algeng í Dan-
mörku reyndar,“ segir Þórarinn. Fólk sem hafi
fest í borginni líti enn út eins og það gerði á
hippatímanum en hafi þó breyst hugmynda-
fræðilega, úr frjálslyndu fólki í mikla rasista oft
á tíðum.
Þórarinn segir að eftir því sem leið á skrif
bókarinnar og hann farinn að leika sér að þeirri
myndlíkingu sem mannátið er hafi hann áttað
sig á því að hún hafi átt vel við hugmyndina um
brotnar fjölskyldur. Til dæmis fjölskyldur þar
sem heimilisfaðirinn sé glæpamaður, eins og í
Leyndarmálinu hans pabba.
Gagnrýni á ofbeldi
Eins og sjá má er bókin ekki fyrir yngstu les-
endur, fyrir um níu ára og eldri. Hryllingssagan
er sögð í gamansömum dúr, af vandræðum
systkinanna Hákons og Siddu sem reyna að
halda því leyndu með öllum ráðum að pabbi
þeirra sé mannæta. Á einum stað í bókinni reyn-
ir Hákon að sætta sig við mannát föður síns með
því að hlutgera fórnarlömbin, réttlæta mannátið
líkt og atvinnuhermenn reyna að réttlæta fyrir
sér að þurfa að drepa fólk í stríði. Mannát föð-
urins reynist honum á endanum ofviða.
„Jafnvel brjáluðustu glæpamenn eiga fjöl-
skyldur sem trúa á þá. Þannig að það má lesa
úr bókinni gagnrýni á ofbeldi í breiðu sam-
hengi. Annars vegar það ofbeldi sem við sýn-
um fólki með því að dæma það miskunnarlaust
án þess að rýna í það áður og svo það ofbeldi
sem okkur þykir sjálfsagt á Vesturlöndum,
eins og að senda fólk í stríð eða dæma það til
dauða.“
Þórarinn ætlar að halda áfram að skrifa bæk-
ur og er með nokkrar hugmyndir í vinnslu. „Eft-
ir áramót ætla ég í lestarferð til Galisíu með kon-
unni minni og vinna í nokkrum hugmyndum sem
eru á borðinu sem gætu orðið að bókum. Ég er
með fullan poka af hugmyndum.“
Leigusali varð mannæta
Myndlistarmaðurinn og barnabókahöfundurinn Þórarinn Leifsson er með fullan
poka af hugmyndum og stefnir á að gefa út fleiri bækur í framtíðinni
Morgunblaðið/Golli
Hrollur Þórarinn Leifsson með sköpunarverk sitt, Leyndarmálið hans pabba.