Morgunblaðið - 10.12.2007, Blaðsíða 2

2 MÁNUDAGUR 10. DESEMBER 2007 MORGUNBLAÐIÐ
FRÉTTIR
Morgunblaðið Hádegismóum 2, 110 Reykjavík. Sími 5691100 Fréttir frett@mbl.is Fréttastjórar Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Viðskipti vidsk@mbl.is Björn Jóhann
Björnsson, fréttastjóri, bjb@mbl.is Daglegt líf Anna Sigríður Einarsdóttir, annaei@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi,
gudlaug@mbl.is Minningar minning@mbl.is, Stefán Ólafsson, Arnór Ragnarsson Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp | Sjónvarp Sigurlaug Jakobsdóttir, dagskra@mbl.is mbl.is netfrett@mbl.is Guðmundur
Sv. Hermannsson fréttastjóri gummi@mbl.is
Í HNOTSKURN
»Starfsmannavelta hjá hjúkrunarfræð-ingum á LSH var 10% á árinu 2006, en þar
af hætti hluti vegna aldurs.
»Aukavöktum fjölgaði um 15 stöðugildimilli ára og setnum stöðugildum fækkaði
um 20 árið 2006 frá árinu áður.
ÓVERULEGAR breytingar hafa orðið á fjölda
hjúkrunarfólks á Landspítala háskólasjúkrahúsi
(LSH) undanfarin þrjú ár, þrátt fyrir að hjúkr-
unarþörf á spítalanum hafi aukist umtalsvert á
tímabilinu vegna aukinnar starfsemi á mörgum
sviðum. Þessu hefur verið mætt með aukinni yf-
irvinnu að einhverju leyti, auk þess sem vinnuálag
hefur aukist, einkum á legudeildum spítalans, en
mannafli hefur flust þaðan á aðrar deildir.
Þetta er meðal þess sem kemur fram í úttekt á
mönnun hjúkrunar á LSH, sem unnin er af verk-
efnisstjórum á hag- og upplýsingasviði spítalans.
Þar segir að síðustu árin hafi starfsemi klínískra
sviða spítalans aukist, nýjar meðferðir verið tekn-
ar upp, nýjar dag- og göngudeildir tekið til starfa,
auk þess sem sjúkrahústengdum heimavitjunum
hafi fjölgað. Aðsóknin aukist jafnt og þétt m.a.
vegna fjölgunar íbúa, aukins fjölda aldraðra og
fjölgunar ferðamanna. Þrátt fyrir það hafi orðið
óverulegar breytingar á fjölda hjúkrunarfólks.
Fram kemur að manneklu í hjúkrun megi rekja
til þenslu á vinnumarkaði og mikillar eftirspurnar
eftir hjúkrunarfræðingum. Fólk leiti í þau störf
þar sem hagstæðustu kjörin eru í boði með tilliti til
launa, vinnutíma og starfsaðstöðu. Mikilvægt sé
að skoða áhrif launakjara á nýráðningar og brott-
fall og grípa þurfi til aðgerða til þess að gera
vaktavinnu eftirsóknarverðari til að mæta hjúkr-
unarþörf spítalans.
Fram kemur einnig að meðalaldur sé fremur
hár innan hjúkrunar og starfsreynsla mikil. Fyr-
irsjáanlegt sé að stórir árgangar hjúkrunarfræð-
inga, ljósmæðra og sjúkraliða komist bráðlega á
eftirlaunaaldur. Tæplega 250 þeirra verði 67 ára
eða eldri á næstu sjö árum, auk þess sem fleiri geti
hætt vegna svonefndrar 95 ára reglu. Mikilvægt
sé að fjölga valkostum í störfum sem gæti orðið til
þess að hvetja hluta þessa hóps til að fresta starfs-
lokum, en fyrirsjáanlegt sé að nýliðun hjúkrunar-
fræðinga og sjúkraliða vegi ekki upp á móti fjölda
þeirra sem hverfi af vinnumarkaði á næstu árum
og því síður mæti hún aukinni þörf fyrir hjúkrun.
Óveruleg fjölgun hjúkrunar-
fræðinga þrátt fyrir aukna þörf
Morgunblaðið/ÞÖK
Nýliðun í stéttum hjúkrunarfólks vegur ekki upp á móti fjölda þeirra sem hætta
TÓNLISTARKONAN Lay Low,
Lovísa Elísabet Sigrúnardóttir,
hefur ánafnað Aflinu á Akureyri
ágóða sínum af sölu geisladisks
með tónlistinni úr leikritinu Öku-
tímum sem nú er sýnt hjá Leik-
félagi Akureyrar. Diskurinn kem-
ur út í janúar. Í sýningunni er
fjallað um líf konu sem varð fyrir
kynferðislegri misnotkun sem barn
og segist Lovísa vilja nota tækifær-
ið og leggja sitt af mörkum til bar-
áttunnar og umræðunnar gegn
kynbundnu ofbeldi. LA hefur einn-
ig ákveðið að gefa ágóðahlut sinn
af síðustu sýningu ársins á Öku-
tímum til Aflsins. Á myndinni, sem
tekin var í gærkvöldi, eru Lay
Low, lengst til hægri, og Anna
María Hjálmarsdóttir (t.v.) og
Viktoría Jóhannsdóttir, frá Aflinu. Morgunblaðið/Skapti Hallgrímsson
Gefur Aflinu
ágóða af
geisladiski
Lay Low styrkir samtök gegn ofbeldi
ERLA Dögg
Haraldsdóttir,
sundkona úr
ÍRB, bætti fimm-
tán ára gamalt
Íslandsmet
Ragnheiðar Run-
ólfsdóttur í 50
metra bringu-
sundi í 50 metra
laug á hollenska
meistaramótinu í
sundi í Eindhoven á laugardaginn.
Fjórar íslenskar stúlkur tóku þátt í
mótinu og settu samtals sex Ís-
landsmet.
Erla Dögg synti á 32,21 sek. í
undanrásum á mótinu, en fyrra met
Ragnheiðar Runólfsdóttur var 33,45
sek. og hún náði þeim tíma á
Ólympíuleikunum í Barcelona.
Þá synti Ragnheiður Ragnars-
dóttir 50 metra skriðsund á 25,95
sek., sem er nýtt Íslandsmet, en
Ragnheiður er fyrst stúlkna til að
synda vegalengdina undir 26 sek.
Þessi tími er undir ólympíulágmark-
inu fyrir ÓL í Peking næsta sumar
og annað ólympíulágmarkið sem
hún hefur náð. | Íþróttir
Bætti 15
ára gamalt
Íslandsmet
Erla Dögg
Haraldsdóttir
Fyrst til að synda
undir 26 sekúndum
♦♦♦
Eftir Andra Karl
andri@mbl.is
ENGAN sakaði þegar eldur kom
upp í tíu bifreiðum og plastbát, sem
stóðu við Hafnarveg í Vogum, laust
fyrir klukkan sex í gærmorgun. Flest
bendir til þess að um íkveikju hafi
verið að ræða og jafnvel að eldsvoð-
inn tengist öðrum sem átti sér stað á
laugardagskvöld. Tjónið er metið á
tugi milljóna króna, og er einn eig-
andi að öllum bílunum.
Íbúar í Vogum hrukku nokkrir
hverjir upp með andfælum þegar
sprengingar heyrðust af hafnarsvæði
sveitarfélagsins. Var þar um að ræða
eldsneytistanka og dekk sem
sprungu í eldsvoðanum. Töluverð
hætta hefði getað skapast af spreng-
ingunum en fáir voru á ferli þegar
þær voru sem mestar.
Brunavarnir Suðurnesja voru kall-
aðar út og að sögn slökkviliðsstjóra
gekk vel að slökkva eldinn, enda að-
stæður ákjósanlegar; stillt og kalt.
Slökkviliði tókst að koma í veg fyrir
að eldurinn bærist í nærliggjandi
húsnæði en auk bíla og báts brunnu
plastkör og lausir munir sem á svæð-
inu voru. Slökkvistarf tók rúma
klukkustund en vakt var á staðnum í
nokkurn tíma á eftir.
Líkt og sést á meðfylgjandi mynd
eru bílarnir allir gjörónýtir en mikið
eldhaf myndaðist. Svo virðist sem
kveikt hafi verið í bílunum hverjum á
fætur öðrum, en það fæst ekki stað-
fest og er rannsókn í raun á frum-
stigi.
Glötuð menningarverðmæti
Bílarnir voru flestir nýlegir og í
háum verðflokki. Á meðal bif-
reiðanna sem brunnu var ein af gerð-
inni Hummer, tvær BMW og Dodge
Viper. Ekki hefur fengist uppgefið
hversu mikið tjónið er, en það hleyp-
ur á tugum milljóna kr., varla undir
fimmtíu milljónum kr. Þeim var kom-
ið fyrir á svæðinu í byrjun síðustu
viku.
Þetta var annað útkall Brunavarna
Suðurnesja vegna eldsvoða í Vogum
á tólf klukkustundum. Snemma á
laugardagskvöld var tilkynnt um eld
í gömlu sjávarhúsi sem stendur
skammt frá geymslusvæði bílanna.
Að sögn formanns Minjafélags
Vatnsleysustrandarhrepps er um að
ræða glötuð menningarsöguleg verð-
mæti og hafði Minjafélagið augastað
á húsinu, sem er í einkaeign.
Íbúar Voga vöknuðu við sprengingar
Tjón eftir tíu bíla
bruna nemur tug-
um milljóna kr.
Mikið tjón Eldurinn varð gríðarmikill á tímabili og lítið er eftir af bílunum, sem m.a. voru af tegundunum Humm-
er, BMW, Benz og Dodge Viper. Lögreglan á Suðurnesjum fer með rannsókn málsins, sem er á frumstigi.
EINN var fluttur á sjúkrahús eftir
hópslagsmál fyrir utan Draugahúsið
á Stokkseyri aðfaranótt sunnudags.
Að sögn lögreglu hlaut maðurinn
töluverð meiðsli en er ekki talinn al-
varlega slasaður. Engin kæra hafði
borist lögreglu í gærkvöldi. Óvíst er
um upptök slagsmálanna sem áttu
sér aðallega stað á meðal íslenskra
karlmanna, að sögn lögreglu. Erfitt
er að segja nákvæmlega til um fjölda
þeirra sem tóku þátt, en talið er að
það hafi verið á annan tug manna.
Á höfuðborgarsvæðinu var rólegt
um helgina, að sögn lögreglu. Þó var
sjö ökumönnum gert að hætta akstri
vegna gruns um vímuefna- og áfeng-
isneyslu.
Slagsmál við
Draugahúsið