Fréttablaðið - 07.04.2009, Page 32

28 7. apríl 2009 ÞRIÐJUDAGUR
menning@frettabladid.is
kl. 19
Rás 1 Ríkisútvarpsins flytur í
kvöld Guðbrandsmessu eftir Hildi-
gunni Rúnarsdóttur. Ólöf Kolbrún
Harðardóttir, Marta Hrafnsdóttir,
Björn Jónsson og Eiríkur Hreinn
Helgason syngja með Kór Lang-
holtskirkju og kammersveit; Jón
Stefánsson stjórnar.
> Ekki missa af
Stórsýningu á verkasafni Kjar-
vals í fórum Listasafns Reykja-
víkur sem nú hangir í salon-stíl
á Kjarvalsstöðum. Sýningunni
lýkur eftir páska en Listasafnið
verður opið alla hátíðina.
Elektra Ensemble var á
dögunum tilnefndur Tónlist-
arhópur Reykjavíkurborgar
2009 og í kjölfarið gekk
hópurinn til samstarfs við
Listasafn Reykjavíkur um
tónleikaröð á Kjarvalsstöðum.
Tónleikaröðin er þema-
tengd þar sem haldið verður
á vit framandi slóða um
víða veröld. Ferðalag Elektra
Ensemble hefst í Rússlandi á
morgun en tónleikarnir á eru
helgaðir rússnesku tónskáld-
unum Tsjaíkovskí, Stravinskí,
Prokofiev og Rakhmaninoff.
Meðlimir Elektra Ensemble
eru Ástríður Alda Sigurðar-
dóttir píanóleikari, Emilía Rós Sigfúsdóttir flautu-
leikari, Helga Björg Arnardóttir klarinettuleikari,
Helga Þóra Björgvinsdóttir fiðluleikari og Margrét
Árnadóttir sellóleikari.
Þær hafa allar leikið
einleik með Sinfóníuhljóm-
sveit Íslands og komið víða
fram á tónleikum hérlendis
og erlendis. Þær eiga það
einnig sameiginlegt að hafa
lokapróf úr Tónlistarskólan-
um í Reykjavík og í kjölfarið
stundað framhaldsnám í
virtum tónlistarháskólum í
Englandi, Hollandi, Þýska-
landi og Bandaríkjunum.
Helstu verkefni Elektra
Ensemble á síðasta ári voru
tónlistarflutningur í tónleika-
höllinni BOZAR í Brussel auk
tónleika í Stykkishólmskirkju
og Iðnó.
Tónleikarnir verða á Kjarvalsstöðum og hefjast
kl. 20. - pbb
Elektra með rússnesk tónskáld
TÓNLIST Þær stöllur í Elektru-hópnum í
sínu fínasta pússi.
Biblían er höfuðrit kristinna manna og ómetanlegt veganesti á lífsins leið. Þrátt fyrir það hefur bók
bókanna ekki verið til sem hljóðbók á Íslandi fram
að þessu. Hér lesa Guðrún Ásmundsdóttir, sr. Hjörtur
Pálsson, hr. Karl Sigurbjörns-
son, hr. Sigurbjörn Einarsson,
Þórunn Hjartardóttir, Ævar
Kjartansson og sr. Örn Bárður
Jónsson Nýja testamentið
sem kom út í nýrri þýðingu
árið 2007. Mjög hefur verið
vandað til verka við vinnslu
hljóðbókarinnar, sem er í
fallegum kassa. Hljóðbókin er
vistuð í MP3-skrám á tveimur geisladiskum sem hægt er
að spila í tölvum, flestum DVD-spilurum og Daisy-spilur-
um auk þess sem afrita má skrárnar yfir á MP3-spilara,
svo sem iPod. Lesturinn tekur rúmar 24 klukkustundir.
Hildur Guðnadóttir hefur sent frá sér disk
með frumsaminni tónlist.
Hann ber nafnið Without
Sinking. Hann hefur að
geyma tíu tónsmíðar sem
hún samdi í Reykjavík og
Berlín, en hljóðritun fór
fram í Gróðurhúsinu undir
stjórn Valgeirs Sigurðssonar
og Hildar. Með henni leika þeir Guðni Franzson, Skúli
Sverrisson og Jóhann Jóhannsson. Touch music gefur út.
Intim musik í Svíþjóð hefur gefið út flutning
Trio Nordica á þremur
verkum eftir Elfriede
Andree, en tríóið skipa
þær Auður Hafsteinsdóttir,
Bryndís Halla Gylfadóttir
og Mona Kontra. Í einu
verkanna leikur Þórunn
Ósk Magnúsdóttir með
þeim. Hljóðritun fór fram
í Von í fyrra undir stjórn Fabians Frank. Verkin eru tvö
píanótríó og einn kvartett.
Ævintýraheimur ófétanna heitir nýútkominn diskur fyrir börn með átta
sönglögum eftir Ósk Ósk-
arsdóttur við texta Rúnu K.
Tetzschner. Fjöldi flytjenda
kemur fram á disknum sem
er gefinn út af Ljósi á jörð
og Ósk. Verkefnið er styrkt
af Barnamenningarsjóði,
Sumargjöf og Minningar-
sjóði Margrétar Björgúlfs-
dóttur.
Blúshátíð í Reykjavík hófst á
laugar daginn með mikilli viðhöfn.
Hafa þegar verið margir tónleik-
ar og spilað hvert kvöld á Klúbbi
Blúshátíðar sem er starfræktur
frá kl. 21 á Café Rosenberg alla
hátíðardagana.
Blúshátíð í Reykjavík er nú hald-
in í sjötta sinn og er árlegur við-
burður í borgarlífinu í dymbil viku.
Á hátíðinni koma jafnan fram
erlendar stórstjörnur, bestu blús-
menn landsins og ungliðar blús-
tónlistarinnar á Íslandi. Stofn-
andi hátíðarinnar og listrænn
stjórnandi er blúsmaðurinn Hall-
dór Bragason.
Þrennir stórtónleikar verða á
Hilton Reykjavik Nordica á hátíð-
inni: sá fyrsti í kvöld kl. 21: Pin-
etop Perkins, lifandi goðsögn og
einn af síðustu blúsmönnum fyrstu
kynslóðar blúsmanna sem enn er
á lífi – og spilar, kemur fram með
Vinum Dóra. Einnig: Nordic All
Stars Blues Band, Deitra Farr, KK,
og Devil’s Train.
Annað kvöld kl. 20 spila Willie
„Big Eyes“ Smith and the Blue Ice
Band á Nordica. Willie „Big Eyes“
spilaði með Muddy Waters, eins og
Pinetop, en hefur líka spilað með
Buddy Guy, Junior Wells, Rolling
Stones, Bob Dylan og Eric Clap-
ton. Blúsmenn Andreu og Mugison
koma einnig fram á tónleikunum
annað kvöld.
Á skírdag kl. 20 verður á Hilton
Reykjavík Nordica 20 ára afmælis-
fagnaður Vina Dóra: koma fram
gamlir „Vinir“, Deitra Farr, Ragn-
heiður Gröndal, Andrea, Hjörtur
Howser, Jens Hanson, Haraldur
Þorsteinsson og fleiri. Á tónleikun-
um kemur einnig fram Finnskogen
Blues Band frá Noregi.
Á Klúbbi Blúshátíðar á Café
Rosenberg koma fram verða
Park Project Pálma Gunnarsson-
ar með söngkonunni Hrund Ósk
Árnadóttur, Tómas R. Einarsson,
Ólafur Stolzenwald, Kristjana
Stefánsdóttir, Steindór Andersen,
Hilmar Örn Hilmarsson, Ferleg-
heit, Devil’s Train, Angela Basom-
brio, Arnar Guðmundsson, Þrjár
raddir, The Lame Dudes, Birting
og Finnskogen Blues Band.
pbb@frettabladid.is
Blús á fullu blússi
TÓNLIST Pinetop Perkins verður á Hótel Nordica í kvöld kl. 21 og þá gefst tækifæri að
sjá mann úr fremstu röð elstu kallana í dag taka blúsinn.
Sinfóníuhljómsveit Norðurlands
heldur tónleika í Glerárkirkju á
skírdag, kl. 16. Flytjendur ásamt
hljómsveitinni eru Kór Glerár-
kirkju, félagar úr Kammerkór
Norðurlands og einsöngvararnir
Helena Bjarnadóttir, Eydís Úlfars-
dóttir og Sigrún Arngrímsdóttir.
Stjórnandi er Guðmundur Óli
Gunnarsson. Efnisskráin er öll frá
barokk-tímanum: Gloría í D-dúr
eftir Antonio Vivaldi, Kanon fyrir
strengi eftir Johann Pachelbel og
Svíta nr. 3 í D-dúr eftir J.S. Bach.
Kór Glerárkirkju er blandaður
kór sem var stofnaður árið 1944 og
hét þá Kirkjukór Lögmannshlíðar-
sóknar en nafninu var síðar breytt
í Kór Glerárkirkju. Kórinn hefur
það að aðalmarkmiði að syngja við
helgihaldið í Glerárkirkju á Akur-
eyri og heldur tónleika með reglu-
bundnum hætti auk þess sem hann
kemur fram við ýmis tækifæri.
Núverandi stjórnandi kórsins er
Hjörtur Steinbergsson, en hann tók
við starfi kórstjóra þegar hann var
ráðinn organisti við Glerárkirkju
árið 1997.
Kammerkór Norðurlands var
stofnaður í nóvember 1998. Í honum
eru um tuttugu félagar, söngfólk
af Norðurlandi, allt frá Blönduósi
til Kópaskers, með mikla reynslu
af kórstarfi. Á þessum tónleikum
taka nokkrir félagar úr kórnum
þátt. Guðmundur Óli Gunnarsson
hefur verið stjórnandi kórsins frá
árinu 2000.
Sinfónía á skírdag
TÓNLIST Sinfóníuhljómsveit Norðurlands
býður upp á barokktónlist á skírdag.
NÝIR DISKAR
SENDU SMS EST GFV Á NÚMERIÐ 1900
- ÞÚ GÆTIR UNNIÐ BÍÓMIÐA EÐA TÖLVULEIK!
9. HVER VINNUR!
FRUMSÝND 3. APRÍL
SJÁÐU MYNDINA · SPILAÐU LEIKINN!
FULLT AF AUKAVINNINGUM!
IPOD VÖGGUR, INNISKÓR MEÐ LJÓSI, HOPPUBLÖÐRUR,
TÖLVULEIKIR, DVD MYNDIR, GOS OG MARGT FLEIRA!
KOMIN
N Í
ELKO!

SÝND Í 3D Í VÖLDUM
KVIKMYNDAHÚSUM