Morgunblaðið - 01.02.2008, Side 42

2008 gæti orðið árið
sem markaði endur-
komu þessa furðulega kon-
ungs poppsins … 45
»
reykjavíkreykjavík
ÞULAN, blaðakonan, stjörnubloggarinn og nú sjónvarps-
þáttastjórnandinn Ellý Ármanns hefur sagt skilið við
Sviðsljósið á mbl.is. Samkvæmt áreiðanlegum heimildum
Morgunblaðsins hefur Ellý ráðið sig til netsjónvarpsstöðv-
arinnar ÍNN sem Ingvi Hrafn Jónsson stýrir en þar eru
fyrir fjölmiðlakonurnar Kolfinna Baldvinsdóttir og Ólína
Þorvarðardóttir auk annarra frétta- og fræðimanna.
Síðasta Sviðsljóssfærslan var skrifuð í gær og síðasti
dálkur Ellýjar á baksíðu 24 stunda birtist í dag. Ellý hef-
ur nú staðið vaktina í Sviðljósinu frá október á síðasta ári.
Vefsíðan þótti nokkuð vinsæl og oftar en ekki tók Ellý
málefni líðandi stundar með eilítið öðruvísi hætti en geng-
ur og gerist.
Ellý sló eftirminnilega í gegn á síðasta ári þegar hún
varð langvinsælasti bloggari landsins en á tímabili voru
um 10.000 manns fastagestir á bloggi hennar, ellyar-
manns.blog.is. Ellý skrifar gjarnan um samskipti
kynjanna og þá sérstaklega um reynslu vinkvenna sinna
af karlmönnum.
Síðustu fregnir herma að framleiðslufyrirtækið Pegasus
hafi keypt framleiðsluréttinn á bloggi Ellýjar en hug-
myndin er að framleiða þætti á borð við bandarísku sjón-
varpsþættina Sex and the City. Enn verður hægt að lesa
Sviðsljósið og skoða gömul myndskeið á svidsljos.is.
Frá Sviðsljósinu á ÍNN
Morgunblaðið/Kristinn
Vistaskipti Ellý yfirgefur Sviðsljósið og færir
sig yfir til Ingva Hrafns Jónssonar á ÍNN.
 Frosti Loga-
son, fyrrverandi
gítarleikari Mín-
uss (og núverandi
gítarleikari í
Drepi), kann ýmis
klækjabrögðin er
kemur að því að renna upp og niður
gítarhálsinn. Hann hefur nú ákveð-
ið að beita þeirri útsjónarsemi á
fleiri sviðum þar sem hann er kom-
inn á kaf í stúdentapólitíkina, en
hann skipar nú fjórða sæti á fram-
boðslista Vöku til Háskólaráðs (sjá
http://vaka.host.is/frambod/
haskolarad2008). Frosti leggur
stund á stjórnmálafræði við Há-
skóla Íslands. Það hefur seint þótt
rokkað að halla sér til hægri í póli-
tíkinni en Frosti getur þó alltént af-
skrifað vinnu fyrir Sjálfstæð-
isflokkinn eftir að hafa látið
glannaleg ummæli falla um heil-
brigðisráðherra í DV á dögunum.
Frosti í framboði
 Eitt merkasta hljóðver Íslands-
sögunnar er Stúdíó Grettisgat sem
Egill Ólafsson tónlistarmaður lét
reisa í gömlu hesthúsi á bak við
heimili þeirra hjóna á Grettisgötu. Í
Grettisgati tóku fjölmargar rokk-
hljómsveitir upp plötur sínar auk
þess sem tónlist við kvikmyndir var
reglulega samin þar og tekin upp.
Þegar Stuðmenn komu saman aftur
var heiti hljóðversins breytt í Stúd-
íó Sýrland, samanber Sumar á Sýr-
landi, en með tíð og tíma fluttist
hljóðverið norður fyrir Laugaveg
og nafnið með.
Nú hefur heyrst að tónaflóð muni
aftur fylla hesthúsið gamla við
Grettisgötuna og að von sé jafnvel á
einhverjum merkum tónlist-
armönnum í húsið í framtíðinni.
Grettisgat í gagnið á ný
Eftir Jóhann Bjarna Kolbeinsson
jbk@mbl.is
„ÉG Á eitt lag í myndinni, það kemur alveg í lokin
áður en kreditlistinn rúllar. Þetta er svaka
dramatík,“ segir Arnar Guðjónsson tónlistarmað-
ur úr hljómsveitinni Leaves, en breski leikstjór-
inn Sean Ellis valdi lag eftir Arnar í nýjustu mynd
sína, hryllingsmyndina The Broken sem sýnd er á
Sundance-kvikmyndahátíðinni um þessar mund-
ir. Þar hefur myndin vakið töluverða athygli og
fengið góða dóma.
Umrætt lag er tekið af plötunni Leðurstræti
sem kom út fyrir átta árum. „Þetta er tónlist sem
ég gerði með bróður mínum, Sigurði Guðjónssyni
myndlistarmanni. Þetta var tónlist sem við gerð-
um fyrir myndbandsverk árið 2000,“ segir Arnar.
„Leikstjórinn Sean Ellis fékk svo þennan disk og
varð mjög hrifinn af honum. Hann setti sig strax í
samband við mig og síðan þá hefur þetta legið í
loftinu. Það var svo ekki fyrr en núna sem hann
kom þessu að.“
Í anda Lynch og Hitchcock
Aðspurður segir Arnar að hann hafi endur-
unnið lagið örlítið áður en það var notað í mynd-
inni. „Þetta er eins konar blanda af raftónlist og
kvikmyndatónlist, ég vann þetta með bróður mín-
um sem er mikið að vinna með ambient-hljóð,“
segir hann og bætir því við að um gott tækifæri sé
að ræða. „Það er frábært að komast einhvers
staðar inn og ég gæti alveg hugsað mér að gera
meira af þessu. Það er líka aldrei að vita nema
einhver taki eftir þessu lokalagi.“
Sjálfur er Arnar ekki búinn að sjá myndina,
enda hefur hún einungis verið sýnd opinberlega á
Sundance. „Ég er bara búinn að sjá þetta loka-
atriði þannig að ég veit ekkert hvað gerist í
myndinni. En mér skilst að hún sé í anda bæði
David Lynch og Alfreds Hitchcock,“ segir Arnar
sem stefnir þó að því að sjá myndina sem fyrst.
„Það er spurning hvort maður komist á frumsýn-
inguna í Bretlandi, það væri gaman.“
Ekki er hægt að sleppa Arnari án þess að
spyrja hann út í næstu plötu Leaves sem hefur
verið nokkuð lengi í bígerð. „Hún er alveg að
verða tilbúin, við förum að láta í okkur heyra. Við
erum mjög sáttir við það sem við erum að gera
núna, en höfum ekki verið það hingað til. Við vilj-
um koma lagi í gang fyrir sumarið, svo ætlum við
að koma plötunni út hér heima sem fyrst.“
Svakaleg dramatík
Lokalagið í bresku hryllingsmyndinni The Broken er eftir Arnar Guðjónsson
Árvakur/Golli
Tónskáld Arnar Guðjónsson er líklega þekktastur fyrir að vera aðalsprauta hljómsveitarinnar Leaves sem hefur verið að vinna að plötu í nokkurn tíma.
UNIFEM á Íslandi Laugavegi 42
Miðstöð Sameinuðu þjóðanna á Íslandi
Sími 552 6200 unifem@unifem.is www.unifem.is
Miðstöð Sameinuðu þjóðanna, Laugavegi 42
Laugardaginn 2. febrúar kl. 13–14
UNIFEM-UMRÆÐUR
um Kongó og Suður-Súdan
Sigríður Víðis Jónsdóttir blaðamaður og þróunarfræðingur
Er eitthvað annað en stríð í Súdan?
Bergljót Arnalds rithöfundur og leikkona
Kongó: Helvíti í paradís
Fyrirlesararnir fjalla um söguna, pólitíkina og jafnrétti kynjanna eftir
stríðsátökin í Suður-Súdan og Kongó út frá eigin reynslu.
Allir velkomnir og ókeypis inn.
Landsnefnd UNIFEM á Íslandi