Morgunblaðið - 25.04.2008, Blaðsíða 8

8 FÖSTUDAGUR 25. APRÍL 2008 MORGUNBLAÐIÐ
FRÉTTIR
Eftir Steinþór Guðbjartsson
steinthor@mbl.is
HAFNARFJARÐARBÆR krefst þess að Orku-
veita Reykjavíkur standi við gerðan samning frá
því í fyrrasumar um kaup á hluta bæjarins í Hita-
veitu Suðurnesja og hefur ákveðið að stefna fyr-
irtækinu til að greiða bænum um 8 milljarða
króna.
Lúðvík Geirsson, bæjarstjóri í Hafnarfirði, seg-
ir að bæjarráð Hafnarfjarðar hafi ákveðið á fundi
sínum í fyrradag að stefna til innheimtu þeirrar
kröfu, sem hafi legið fyrir frá 10. mars sl., þegar
ljóst hafi verið að forkaupsréttarhafar myndu ekki
nýta forkaupsréttinn.
Gildur samningur
Um tæplega 15% hlut í HS er að ræða. Lúðvík
segir að OR hafi gert tilboð í hlutinn með samningi
sem hafi verið undirritaður 2. júlí 2007. Hafnar-
fjarðarbær hafi fengið sex mánaða frest til að taka
af skarið hvort tilboðinu yrði
tekið eða ekki. Þessu megi líkja
við þegar gerð séu tilboð í hús-
eignir. Tilboðinu hafi verið tek-
ið með formlegum hætti í des-
ember og þá hafi verið kominn
á samningur enda sambærilegt
við það að menn taki kauptil-
boði í eignir. Þessi kaupsamn-
ingur, sem hafi verið formlega
frágenginn, sé allt annað mál
heldur en ákvörðun Samkeppniseftirlitsins um
það hvað OR megi eiga í OS. Menn verði að virða
gerða samninga og stefna Hafnarfjarðar sé sett
fram vegna þess að það hafi legið fyrir af hálfu OR
að hún ætli ekki að gangast við þessum samningi,
virða hann og fara eftir honum. Hún hafi lýst því
yfir að hún megi ekki kaupa umræddan hlut vegna
úrskurðar Samkeppnisstofnunar, en það séu röng
skilaboð því Samkeppnisstofnun hafi ekki tekið á
því og úrskurðað um hvort samningurinn væri
ógildur. Þvert á móti hafi forstjóri stofnunarinnar
lýst því yfir að það sé ekki hennar að ákvarða það
og Hafnarfjarðarbær neyðist til þess að fá dóm um
lögmæti og réttmæti samningsins.
Köld svör
Lúðvík segir að krafan sé tvíþætt. Annars vegar
sé stefnt til innheimtu á greiðslu á samningnum og
að hann verði dæmdur lögmætur og réttur. Inn-
heimtubréf hafi verið sent 10. desember sl. og síð-
an hafi bæst við um 200 milljónir króna í drátt-
arvexti. Stefna sé eina leiðin til að leita réttar
bæjarins því Orkuveitan hafi ekki kallað eftir því
að ganga frá samkomulagi og lýst því yfir að hún
muni ekki virða samninginn. Það séu mjög köld
svör frá stjórnendum og ráðamönnum í stærsta
sveitarfélagi landsins að ekki sé meira að marka
samskipti og samninga en þetta.
Að sögn Lúðvíks var lögmönnum bæjarins falið
að birta stefnuna fyrir Héraðsdómi Reykjavíkur
og óska jafnframt eftir flýtimeðferð.
Krefst um 8 milljarða frá
Orkuveitu Reykjavíkur
Hafnarfjarðarbær vill að staðið verði við gerðan samning um kaup OR í HS
Lúðvík Geirsson
FRÉTT birtist á heimasíðu breska
forsætisráðuneytisins í gær, eftir
fund Gordon Brown og Geirs H.
Haarde í Downing-stræti, þar sem
sagt var að Evrópusambandsmál
hefðu verið rædd á fundi ráð-
herranna, í ljósi þess að vaxandi lík-
ur væru á ESB-aðild Íslendinga.
Ekkert hafði verið minnst á slíkar
umræður í þeim tilkynningum sem
íslenska forsætisráðuneytið hafði
sent út, enda svaraði Gréta Ingþórs-
dóttir aðstoðarmaður ráðherra því
til við blaðamann að breska fréttin
væri kolröng. „Þarna hefur orðið
einhver samsláttur, því rætt var um
hernaðarlega samvinnu á fundinum,
og Evrópusambandið ekkert rætt.“
Hafði ráðuneyti Geirs beint því til
systurráðuneytisins í Bretlandi að
fréttin yrði lagfærð, og hafði það
verið gert í gærkvöldi.
Ekki rætt
um Evrópu-
sambandið
FYRSTA kría ársins sást við Ósland
á Höfn í Hornafirði í gær, sumar-
daginn fyrsta. Björn Gísli Arnarson
fuglaáhugamaður segir að krían
hafi verið ein á ferð en á næstu dög-
um má eiga von á stórum hópum af
kríum.
Það er ekki óalgengt að fyrstu
kríurnar sjáist í nágrenni Hafnar.
Björn segir kríuna á eðlilegum tíma
í ár en hún komi núna fyrr en á ár-
um áður þegar oft varð vart við
fyrstu kríurnar í 1. maí-skrúðgöng-
um bæjarbúa á Höfn.
Gott veður tók á móti kríunni, um
11 gráðu hiti og hæglætisveður, og
Björn segir það óneitanlega til
marks um fyrir bæjarmenn að vor
sé í lofti þegar fer að heyrast í
kríunni.
Morgunblaðið/Ómar
Mætt Það er óneitanlega vorlegt
þegar fer að heyrast í kríunni.
Krían kom
með sumrinu
GUÐJÓN Friðriksson sagnfræð-
ingur hlaut í gær, fyrstur manna,
verðlaun Jóns Sigurðssonar for-
seta. Sturla Böðvarsson, forseti Al-
þingis, afhenti Guðjóni verðlaunin.
Þau eru hluti af hátíð Jóns Sig-
urðssonar sem haldin var í fyrsta
sinn í gær og verður framvegis ár-
legur viðburður sumardaginn
fyrsta. Guðjón hlaut verðlaunin fyr-
ir ævisögu Jóns Sigurðssonar sem
kom út í tveimur bindum árin 2002
og 2003 en þess má geta að Guðjón
hlaut Íslensku bókmenntaverðlaun-
in fyrir annað bindið. Þótti hann
hafa blásið nýju lífi í umræður um
ævi og störf Jóns Sigurðssonar.
Verðlaunin eru veitt af Alþingi í
minningu starfa Jóns Sigurðssonar
í þágu Íslands og Íslendinga. Þau
eru veitt þeim einstaklingi sem hef-
ur unnið verk sem tengjast hug-
sjónum og störfum Jóns Sigurðs-
sonar.
Verðlaun-
aður fyrir
ævisögu
Verðlaun Jóns Sigurðssonar forseta afhent í Jónshúsi í Kaupmannahöfn
Eftir Silju Björk Huldudóttur
silja@mbl.is
„VIÐ heyrðum fyrst af fyrirhug-
uðum breytingum á vaktafyrir-
komulagi skurð- og svæfingarhjúkr-
unarfræðinga í janúar sl. á fundi
með sviðsstjóra,“ segir Erla Björk
Birgisdóttir, trúnaðarmaður skurð-
hjúkrunarfræðinga á Landspítala í
Fossvogi. Segir hún ósannindi að
skurð- og svæfingarhjúkrunarfræð-
ingar hafi vitað af breytingunum
undanfarin þrjú til fjögur ár, en í
Morgunblaðinu sl. miðvikudag var
haft eftir Önnu Stefánsdóttur, fram-
kvæmdastjóra hjúkrunar á Land-
spítala, að umræðan um breytingar
á vaktafyrirkomulagi fyrrnefndra
starfshópa hefði hafist fyrir fjórum
árum og því ekki átt að koma nein-
um á óvart.
Breyting á vaktakerfi fækkar
ekki óhóflegum vinnulotum
Að sögn Erlu eru skurð- og svæf-
ingarhjúkrunarfræðingar afar ósátt-
ir við boðaðar breytingar þar sem
ljóst megi vera að álag á hjúkr-
unarfræðinga
muni við það
aukast, öryggi
sjúklinga minnka,
launin lækka og
vetrarfrí styttast
á sama tíma og
óhóflegum vinnu-
lotum fækki ekki
svo teljandi sé.
Vísar Erla þar til
röksemda Önnu
þess efnis að boðaðar breytingar séu
gerðar til þess að fækka löngum
vinnulotum hjúkrunarfræðinga sem
standi nú stundum vaktina í allt að
sextán klukkutíma. En í fyrrnefndu
viðtali hennar við Morgunblaðið
benti hún á að þessar löngu lotur
uppfylli hvorki vinnutímatilskipun
EES né vinnuvernd.
Í samtali við Morgunblaðið bendir
Erla á að eftir breytingu geti vinnu-
lotan eftir sem áður verið 24 klukku-
stundir á virkum dögum og allt að 56
klukkustundir um helgar. Hún
bendir jafnframt á að samkvæmt
nýja kerfinu sparist 26,5 yfir-
vinnuklukkustundir á viku sem
dreifist á alla starfandi skurðhjúkr-
unarfræðinga á deildinni í Fossvogi
sem taka vaktir eða rúmlega 1 klst. á
hvern hjúkrunarfræðing á viku.
Erla tekur fram að hún sjái ekki
hina stórkostlegu breytingu sem í
þessu felist. „Þetta er þannig starf
að það þarf alltaf einhver að standa
vaktina. Þetta er því spurning
hvernig fólki er greitt fyrir að
standa vaktina. Þ.e. hvort greitt sé
með yfirvinnu eða vaktaálagi,“ segir
Erla og tekur fram að hjúkr-
unarfræðingarnir sætti sig ekki við
að gerð sé sú eðlisbreyting á starfi
þeirra að breyta því úr dagvinnu-
starfi með yfirvinnu í vaktavinnu-
starf með vaktaálagi.
Misnoti velvild starfsmanna
Erla gagnrýnir harðlega fram-
göngu stjórnenda Lanspítalans í
þessu máli og telur að stjórnendur
séu að misnota velvild starfsmanna á
síðustu árum. „Forsaga málsins er
sú að síðastliðin tvö ár hefur verið
boðið upp á diplómanám í skurð-
hjúkrun og hafa fimm manneskjur
af okkar deild verið í þessu námi og
þess vegna ekki staðið vaktir. Það
hefur ekki mátt ráða neinn í staðinn
fyrir þær, þannig að við sem gengum
vaktir á deildinni höfum þurft að
taka á okkur meiri yfirvinnu þar sem
við höfum staðið þeirra vaktir að
auki,“ segir Erla og bendir á að um
20 skurðhjúkrunarfræðingar hafi
þannig deilt með sér vöktum þeirra
sem voru í diplómanáminu.
Útköll munu aukast
„Það voru allir að kikna undan
álagi á þessu tveggja ára tímabili, en
yfirstjórnendur Landspítalans
hvöttu okkur til að þrauka þar sem
ástandið myndi stórskána þegar
diplómanemarnir útskrifuðust nú í
byrjun árs. Núna þegar þessu álags-
tímabili er lokið þá á hins vegar að
nota það gegn okkur,“ segir Erla og
vísar til þess að ein af þeim rök-
semdum sem yfirstjórnendur noti til
þess að knýja vaktabreytinguna í
gegn sé að skurðhjúkrunarfræð-
ingar hafi unnið svo mikla yfirvinnu
á sl. tveimur árum. Tekur Erla fram
að hún hafi ítrekað óskað eftir því að
sjá tölur um yfirvinnu áður en
diplómanámið hófst til viðmiðunar
en enn ekki fengið þær.
Spurð um kosti þess að nú verði
skurðstofan opin allar helgar, eins
og Anna bendir á að sé ein ástæða
breytinganna, svarar Erla: „Skurð-
stofan hefur alltaf verið opin allan
sólarhringinn alla daga ársins.“ Hún
tekur fram að skurðhjúkrunarfræð-
ingar hafi miklar áhyggjur af því að
gæði þjónustunnar verði slakari.
Bendir hún á að breytingarnar feli í
sér að aðeins verði einn skurðhjúkr-
unarfræðingur á vaktinni. „Okkar
vinna er þess eðlis að skurðhjúkr-
unarfræðingar þurfa að vera tveir á
vakt,“ segir Erla. Sökum þessa megi
ljóst vera að útköllum skurðhjúkr-
unarfræðinga á bakvakt muni fjölga
til muna, sem aftur leiði hugann að
því hvort vinnutímatilskipuninni
yrði fylgt með nýju vaktakerfi. Erla
bendir til samanburðar á að á fimm
mánaða tímabilinu frá september til
febrúar sl. hafi alls 112 aðgerðir
staðið lengur en til kl. 23 á kvöldin,
sem myndu í nýju vaktakerfi þýða
að kalla þyrfti út hjúkrunarfræðing
á bakvakt nánast á hverri nóttu.
Vissu af vaktabreytingum í janúar
Erla Björk
Birgisdóttir
♦♦♦