Morgunblaðið - 25.04.2008, Blaðsíða 17

MORGUNBLAÐIÐ FÖSTUDAGUR 25. APRÍL 2008 17
MENNING
TÓNLIST
Hafnarborg
Kammertónleikarbbbmn
Þorkell Sigurbjörnsson: Hafnarborg-
arkvartettinn (1991). Hafliði Hall-
grímsson: Memorabilia (2008; frumfl.).
Tsjækovskíj: Píanótríó í a Op. 50. Tríó
Reykjavíkur (Guðný Guðmundsdóttir
fiðla, Gunnar Kvaran selló og Peter Máté
píanó) ásamt Pálínu Árnadóttur fiðla og
Margréti Árnadóttur selló. Sunnudaginn
20. apríl kl. 20.
TUTTUGU ár er virðulegur aldur í
hinni ungu íslenzku listmúsíksögu,
og má nærri kalla einstætt að sami
kammerhópur starfi enn að fullu eft-
ir jafnlangan og farsælan feril og
Tríó Reykjavíkur hefur notið. Þetta
rifjaðist upp á fjölsóttu tónleikunum
í Hafnarborg á sunnudag, og verður
afrekið ekki minna í fámenni hér-
lendra tónkera samfara þröngum
fjárhagsramma þar sem enn hefur
ekki reynzt kleift að halda úti föstum
strengjakvartetti nema í mesta lagi
til 4–5 ára í senn.
Þetta síðasta kom upp í hugann
við endurflutning hins stutta [9] en
andríka „Hafnarborgarkvartetts“
Þorkels Sigurbjörnssonar fyrir hina
óvenjulegu víólulausu áhöfn tveggja
fiðlna og tveggja sellóa; að sögn til-
komna fyrir heimsókn tveggja vina
Guðnýjar Guðmundsdóttur og
Gunnars Kvaran er léku á sömu
hljóðfæri. Utan dagskrár fluttu
Guðný og Pálína Árnadóttir síðan
lítið píanólag eftir Hafliða Hall-
grímsson í umritun höfundar fyrir
fiðludúó, áður en kom að frumflutn-
ingi á nýju píanótríói Hafliða, „Mem-
orabilia“ [8]. Eins og titillinn bar
með sér vakti verkið tilfinningar um
liðnar en ljúfar minningar líkt og
milli svefns og vöku, er ágerðust fyr-
ir tilstilli naumhyggrar tremóló-
áferðar á köflum ásamt miklum slag-
hörpupedal, svo hlustandanum
fannst hann stundum svífa í móki
milli þessa heims og annars.
Að loknu ljómandi vel heppnuðum
frumflutningi og síðan hléi var kom-
ið að kunnu Píanótríói Pjotrs Tsjæk-
ovskíjs til minningar um vin hans
Nikolai Rúbinstein frá 1882. Það var
frá sama ári og 1812-forleikurinn en
vitanlega ólíkt daprara verk, þó birti
víða yfir í fjölbreytta tilbrigðaþætt-
inum. Í heild var margt dável leikið
og af auðheyrðri innlifun, þó að sumt
hefði mátt vera meira samtaka eins
og kannski var viðbúið í jafn löngu
og krefjandi verki.
Hitt er svo persónulegt andvarp
utan úr garðshorni að enn finnst
manni vanta upp á sannfærandi
jafnvægi píanótríóáhafnar – jafnvel í
höndum stærstu tónsmíðameistara –
sem viðbætt víóla kippir í lag á svip-
stundu. Sannarlega sárgrætilegt að
Mozart auðnaðist aðeins að semja
tvo slíka píanókvartetta, ekki sízt úr
því slagharpan átti eftir að marg-
faldast að styrk og dýpt og mynda
hljómgjá sem lægsta flygillokstilling
nær varla að brúa.
Ríkarður Ö. Pálsson
Tríó fagnar tvítugu
Morgunblaðið/Brynjar Gauti
Rúmlega tríó Frá vinstri: Guðný Guðmundsdóttir, Peter Máté, Margrét
Árnadóttir, Gunnar Kvaran og Pálína Árnadóttir.
TÓNLIST
Háskólabíó
Sinfóníutónleikar
bbbmn
Bandarísk kvikmynda- og söngleika-
tónlist. Kim Criswell einsöngur; Sinfón-
íuhljómsveit Íslands. Stjórnandi: John
Wilson. Kynnir: Barbara. Laugardaginn
19. apríl kl. 14.
Fjölskyldutónleikaröðin Tónsprot-
inn var á ferð á laugardag við
mikla aðsókn og yngdi heldur bet-
ur upp hefðbundinn áheyrendahóp-
inn, eða allt niður á leikskólaaldur.
Barbara trúður sá um kynningar
milli atriða af sprækskrækum
þokka, og mátti lesa á milli lína að
kenna þurfi orðið mynd-oföldu nú-
tímaungviði að hlusta og hugsa
sjálfstætt. Trúlega mun fjöregg
tónlistar, á tímum þegar ekki einu
sinni einfaldasta popplag verður
selt án vídeós, einmitt hvað greinin
er í eðli sér „ósýnileg“ og þarfnast
meðsköpunar áheyrenda.
Hljómsveitarstjóri og einsöngv-
ari gengu hér aftur frá tónleikum
s.l. fimmtudags og með þeim um 4
sönglög frá fyrra Hollywood/
Broadway lagavali eða um helm-
ingur hérumræddrar 1 klst. löngu
dagskrár, s.s. Arlen-lögin „Get
Happy“ og „Over The Rainbow“,
„I Have Confidence“ úr The
Sound of Music (Rodgers) og
„Don’t Rain On My Parade“ úr
Funny Girl (Styne). Þar áður var
forleikur að „Stjörnustríði“ Johns
Williams og í lokin „Undraveröld
Harry Potters“ eftir sama mar-
góskaraða meistara.
Að ósekju hefði einnig mátt
tjalda Indiana-Jones músík hans
engu lakari, og í stað heldur færi-
bandakenndrar spennumúsíkur
Lalos Schifrins (Mission im-
possible í 5/4) hefði óneitanlega
verið meira bragð að t.d. Bleika
Pardusi Henrys Mancinis. Menn
eru á villugötum ef valið er annars
flokks yngra efni á kostnað fyrsta
flokks eldra, uppá að ná í sem
flesta unga krakka – hvort sem
þau sjónarmið hafi annars ráðið
ferðinni eður ei.
Lagasyrpan úr Mary Poppins,
er kom eftir „I Have Confidence,“
hljómaði líkt og söngröddinni hefði
verið bætt inn í spilverk á síðustu
stundu; alltjent voru tengibrýr
milli laga fullstuttar og stressaðar.
Engu að síður söng Kim Criswell
af óhögguðum glæsibrag líkt og
fyrri daginn, og hljómsveitin var
að sama skapi vammlaus í neon-
glampandi Breiðvangssveiflunni.
Þar hefur sitthvað sannarlega
breytzt til batnaðar frá því sem
maður mundi eftir fyrir bara 12–15
árum og væri gaman að vita hvers
vegna – fáist það annars gefið upp.
Ríkarður Ö. Pálsson
Tónlist án mynda
Morgunblaðið/G. Rúnar
Einbeiting Frá tónleikum Sinfóníuhljómsveitarinnar í vetur.
LEIKFÉLAGIÐ
Hugleikur held-
ur klukkan átta
í kvöld aukasýn-
ingu á leikriti
Hrefnu Frið-
riksdóttur 39½
vika sem sýnt
hefur verið í
Möguleikhúsinu
við Hlemm að
undanförnu.
Hætta þurfti sýningum fyrir fullu
húsi og fyrr en til stóð af óvið-
ráðanlegum orsökum og því
ákveðið að bæta við einni sýningu
þegar færi gafst.
39½ vika er farsakenndur gam-
anleikur sem snýst að verulegu
leyti um barneignir og sauð-
fjárrækt. Leikstjórar eru Ásta
Gísladóttir, Júlía Hannam og Sig-
urður H. Pálsson.
Áhugaleikhópurinn Hugleikur
var stofnaður árið 1984. Hann
hefur þá sérstöðu meðal íslenskra
leikfélaga að leikverkin eru öll
samin af félagsmönnum.
Auka-
sýning á
39½ viku
Hrefna
Friðriksdóttir
Vöggusæn
gur
vöggusett
PÓSTSENDUM
Skólavörðustíg 21 ● sími 551 4050 ● Reykjavík