Morgunblaðið - 19.07.2008, Page 47

MORGUNBLAÐIÐ LAUGARDAGUR 19. JÚLÍ 2008 47
- kemur þér við
Kjaramál flugfreyja FÍ
í hnút
Lofar litadýrðina við
Skógarfoss
Þorsteinn Gunnarsson
segist kátur kettlingur
Hvað varð um sveita-
böllin?
Bestu menntaskóla-
myndir allra tíma
Valdimar Jóhannsson
leikur sér að eldinum
Hvað ætlar þú
að lesa í dag?
ÞAÐ kannast eflaust flestir notendur You-
tube við það að sjá linka á eitthvert spenn-
andi myndband sem er svo hvergi til þegar
þú ætlar að horfa. Ástæðan er flókin rétt-
indamál og þetta virkar venjulega þannig að
um leið og einhver tekur niður ólöglega
myndbandið sem þú ert að fara að horfa á er
einhver annar að setja það upp aftur. Þannig
er því löngu ljóst að rétthafarnir eru að berj-
ast vonlausri baráttu.
En kvikmyndafyrirtækið Lionsgate (sem
sérhæfði sig lengstum í litlum óháðum kvik-
myndum en er hægt og rólega að færa sig
nær miðjustraumnum), er það fyrsta sem
hættir að berja hausnum við steininn og tek-
ur þess í stað upp samvinnu við Youtube.
Þeir munu vera með sérstaka Lions-gate
síðu innan Youtube og deila að einhverju
leyti gróðanum. Þá er ljóst að efnið frá kvik-
myndafyrirtækinu yrði aðallega stiklur úr
myndum fyrirtækisins eða þá myndbrot úr
þeim og með myndi þá iðullega fylgja tengill
þar sem notendur gætu keypt myndina til
niðurhals.
Þá mun notendum standa til boða að
blanda eftir eigin hentugleik efni frá Lions-
gate en mikil hefð er fyrir að notendur leiki
sér að því að skeyta saman brot úr ólíkum
myndum, setji nýja tónlist yfir eða eitthvað
annað sniðugt. asgeirhi@mbl.is
Lionsgate
á Youtube
Kvikmyndafyrirtækin
læra það loks að
steinninn er harðari
en hausinn
Árekstrar Matt Dillon og Thandie Newton sjást hér í Óskarsverð-
launamyndinni Crash, líklega þekktustu mynd Lionsgate til þessa.
Bankaránið Stikla úr kvikmyndinni Bank Job sem Lions Gate
framleiðir á Youtube.com.
Eftir Ásgeir H. Ingólfsson
asgeirhi@mbl.is
ADAM Freeland spilar á Nasa í
kvöld, laugardagskvöld, og verður
húsið opnað á miðnætti. En hverju
megum við búast við frá þessum
breska plötusnúði? „Þetta verður
elektrónísk geðveiki í rokkanda,“
svarar Adam sem byrjaði í tónlist
þegar hann var nemandi í Lund-
únaborg. „Ég var alltaf að fara á
klúbba og áttaði mig á því að þetta
var eitthvað sem ég varð að gera,
ég átti ekkert val. Síðan fór ég að
framleiða tónlist og endur-
hljóðblanda. Þetta er einfaldlega
köllun mín.“
Hann hefur endurhljóðblandað
ýmsar frægar sveitir, þeirra á
meðal The White Stripes, The
Prodigy, Marylin Manson, Nirv-
ana og The Doors. Oftast hefur
sveitin lokið sinni vinnu en það
kemur þó fyrir að tónlistarmenn-
irnir koma með tillögur og at-
hugasemdir. En hverju þarf að
breyta? „Ef þú ert með virkilega
gott lag reynirðu að breyta sem
minnstu. Oftast tek ég lag sem ég
fíla og bæti við bíti sem virkar fyr-
ir dansgólfið. Set það í klúbbvænni
útsetningu. Ég reyni að halda
anda lagsins og gefa því nútíma-
búning fyrir dansgólfið,“ segir
Adam sem er snöggur til svars
þegar hann er spurður um bestu
reynsluna. „Ég er að endur-
hljóðblanda Nick Cave og hljóm-
sveit hans Grinderman núna, ég er
mikill Nick Cave-aðdáandi – og
það er uppáhaldið mitt því ég er
að vinna að því akkúrat núna. Það
verka minna sem hefur líklega
gengið hvað best hingað til er end-
urhljóðblöndun af lagi Sarah
Vaughan, „Fever“. Það fékk meðal
annars Grammy-tilnefningu – en
það er ekki endilega í uppáhaldi.“
Töluvert af tónlist Freelands
hefur verið notað í sjónvarpsþætti
eða tölvuleiki, en oftast eftir að
hann hefur lokið vinnu sinni við
tónlistina. „Ég samdi upphafslagið
fyrir CSI: New York, það var ein-
mitt remix af gömlu Who-lagi. En
ég er ekki mjög góður að vinna
tónlist fyrir ákveðna hluti, hins
vegar virðist tónlistin mín vera
frekar kvikmyndaleg.“
En það getur verið erfitt að
samræma það að búa til tónlist og
flytja hana. Adam hefur ferðast
víða með plötusafnið sitt, spilað á
stöðum á borð við Beijing, Dúbaí
og Glastonbury. „Ég reyni að fara
á túra,“ segir Adam um hvernig
ferðalögin séu skipulögð. „Ég var
á flakki um helgar og heima á
virkum dögum, en þá var mjög
erfitt að klára nokkurn skapaðan
hlut. Þú ert svo stutt í hljóðverinu
í einu, svo þarftu að fara aftur
þegar þú ert rétt að komast í gír-
inn.
En nú reyni ég að eyða mánuði í
tónleikaferðir og svo mánuði í
hljóðveri, mér verður miklu meira
úr verki þannig.“ En hvert er för-
inni heitið næst? „Næst er það
Burning Man, ótrúleg hátíð í Ne-
vada-eyðimörkinni. Brjáluð heið-
ingjahátíð í miðri eyðimörkinni, 30
þúsund manns og engar reglur.
Ég hef farið þangað nokkrum
sinnum og það er alltaf gaman.“
En hver er þessi brennandi mað-
ur? „Bara einn sérstaklega óhepp-
inn einstaklingur.“
Elektrónísk geðveiki
Breskur plötu-
snúður á Nasa
sem unnið hefur
með Nick Cave og
The White Stripes
DJ Freeland er mikill aðdáandi Nick Cave og endurhljóðblandar lög hans.