Morgunblaðið - 01.08.2008, Blaðsíða 21

Óhefðbundinn Appelsínur og fennel seta sitt mark á þennan rétt.
Léttur Makríllinn er einnig tilvalinn í sumarlegt salat með eplum, lauk og graskersfræjum ásamt fleiru.
Sveinn ákvað að gera asíska
wok-réttinn að gamni sínu. „Bak-
aður áll er oft notaður til sushi-
gerðar og þá settur í soya eða hois-
in sósu. Hugmyndin að
wok-réttinum kom því svolítið það-
an. Hugmyndina að uppskriftinni
með fennelnum þekki ég svo frá
fyrri störfum í Hollandi.“
Reyktur makríll
(snakk á milli mála)
reyktur makríll
snittubrauð
hvítlauksolía
bruschetta-tómatmauk frá Sacla
Sneiðið snittubrauðið og ristið í
hvítlauksolíunni á heitri pönnu.
Setjið bruschettu-maukið á brauðið
og makrílinn yfir.
Makríl-eplasalat
(fyrir 4)
4 makrílflök
1 msk dijon sinnep
1 msk hunang
pipar og salt
100 g graskersfræ
2 rauð epli
1 lítill rauðlaukur
1 búnt vorlaukur
3 msk sérríedik
timjan
Forhitið ofninn í 200°C. Hrærið
saman sinnepinu og hunanginu og
smyrjið því á makrílflökin. Saltið
og piprið. Bakið í um 10 mínútur
og kælið. Ristið graskerfræin á
pönnu. Skrælið eplin og skerið í
teninga. Saxið laukinn fínt og bætið
honum saman við eplin ásamt gras-
kersfræjunum og sneiddum vor-
lauknum. Setjið sérríedikið út í.
Rífið steikta makrílinn gróflega út í
salatið, stráið fersku timjani yfir og
berið fram.
Pönnusteiktur makríll
með fennel, appelsínu
og salvíu
(fyrir 4)
2 stk appelsínur
1 fennel (um 200 g)
20 g salvía
100 g pístasíuhnetur
smjör til steikingar
8 makrílflök
smá hveiti (til að slá makrílnum í)
Maldon salt og nýmulinn pipar
örlítið koníak (má sleppa)
1 dl pístasíuolía
Byrjið á að skera börkinn af app-
elsínunum og skera þær til helm-
inga og síðan í sneiðar. Geymið.
Skerið fennelinn eins, setjið hann
í sjóðandi vatn og sjóðið í um 2
mínútur. Snöggkælið. Sigtið, setjið
saman við appelsínuna og saxið sal-
víuna út í.
Hitið pönnuna, ristið pistasíu-
hneturnar og geymið.
Hitið smjör á pönnunni, sláið
fisknum í hveiti og steikið í smjör-
inu. Saltið og piprið. Leggið fiskinn
örstutt á disk. Bætið appelsínunum
og fennelnum á vel heita pönnuna
ásamt hnetunum og ristið. Gott er
að hræra létt í á meðan eða hrista
pönnuna þannig að allt blandist vel.
Látið fiskinn aftur á pönnuna. Hell-
ið koníakinu út á og látið suðuna
koma upp.
Gott er að dreypa pístasíuolíu yf-
ir fiskinn og bera fram, til dæmis
með nýjum íslenskum kartöflum.
Makríll á wok í hoisin
(fyrir 4)
30 g engifer
6 msk hoisin-sósa
2 msk sesamolía
2 msk límónusafi
1 msk vatn
800 g roðlaus makríll
1 hvítlauksgeiri
2 msk. olía
1 laukur
1 rauð paprika
100 g shitake-sveppir
200 g sykurbaunir
150 g cashew-hnetur.
2 chilialdin
salt og pipar eftir smekk
Fínsaxið engifer og bætið út í
hoisin sósuna, ásamt sesamolíunni,
límónusafanum og vatninu. Blandið
vel saman og geymið þar til síðar.
Maukið hvítlaukinn út í olíuna.
Skerið makrílinn í um þrjá bita
hvert flak.
Grófskerið laukinn, paprikuna og
shitake sveppina. Hitið pönnuna og
steikið fiskinn. Bætið öllu græn-
metinu og hnetunum saman við og
snöggsteikið. Hellið hoisinsósu-
blöndunni yfir og látið suðuna
koma upp. Fræhreinsið chilli og
saxið smátt. Stráið yfir pönnuna.
Verði ykkur að góðu.
Austurlenskt Engifer, hoisin-sósa og cashew-hnetur eru meðal þess sem
notað er í bland við makrílinn í girnilegum Wok-rétti Sveins.
MORGUNBLAÐIÐ FÖSTUDAGUR 1. ÁGÚST 2008 21
Skógarhlíð 18 • sími 595 1000 • www.heimsferdir.is
Munið Mastercard
ferðaávísunina
Birt með fyrirvara um prentvillur. Heimsferðir áskilja sér rétt til leiðréttinga á slíku.
Ath. að verð getur breyst án fyrirvara.
Barcelona
8. og 15. ágúst
frá kr. 29.990
Heimsferðir bjóða frábært tilboð á vikuferðum til Barcelona, 8. og 15.
ágúst. Barcelona er einstök perla sem Íslendingar hafa tekið ástfóstri
við. Frábært mannlíf og óendanleg fjölbreytni í menningu og afþreyingu
að ógleymdu úrvali fjölbreyttra verslana í borginni. Gríptu þetta frábæra
tækifæri - takmörkuð gisting og sætafjöldi í boði!
Örfá sæti laus
Verð kr. 29.990
Netverð á mann. Flugsæti báðar leiðir
með sköttum. Sértilboð, 8. og 15. ágúst.
Verð kr. 69.990
Netverð á mann, m.v. gistingu í tvíbýli á
Gran Hotel Catalonia **** í 7 nætur með
morgunverði, 8. eða 15. ágúst.
Þeir sem eru að huga að sjálfboðastörfum ættu að vita að
fjölbreytnin er gríðarleg. Hægt er að hjálpa börnum sem
fullorðnum, dýrum eða öðru lífríki í hverri heimsálfu
jarðarinnar.
Á veglegri heimasíðu Lonely Planet er þáttur tileink-
aður sjálfboðastörfum. Þar fær lesandi á einu bretti allar
nauðsynlegustu upplýsingar er tengjast hjálparstörfum.
Þar er að finna reynslusögur ferðalanga auk upplýsinga
um ýmsar leiðir til að nálgast góð störf. En eins og með
margt sem nýtur vinsælda getur verðið hjá fyrirtækj-
unum sem Lonely Planet bendir á verið í hærri kant-
inum.
Til að gera sér einhvers konar mynd af fjölbreytni
hjálparstarfa sem boðið er upp á er hægt að vafra í smá
stund um heimasíðu hjálparstarfsmiðluninnar i–to– i.
Fyrirtækið býður upp á alls kyns tegundir hjálparstarfa
í Afríku, Latnesku Ameríku, Asíu og Eyjaálfu. Að velja
hjálparstarf gegnum i–to–i þykir öruggur kostur en er
oft talið taka meira í buddunna en góðu hófi gegnir.
Heimasíðan gefur hins vegar góða yfirsýn yfir þann
fjölda möguleika sem finna má til að leggja sitt af mörk-
um til að gera heiminn eilítið betri. Til dæmis má þar
finna vinnu við endurhæfingu pokadýra í Ástralíu, stuðla
að verndun lífríkis á Madagaskar, byggja heimili fyrir
fátækar fjölskyldur í Víetnam, vera leiklistarkennari í
Indlandi, byggja listamiðstöð í Brasilíu, vernda risa-
skjaldbökur á ströndum Costa Rica eða kenna nepölsk-
um munkum ensku svo fátt eitt sé nefnt.
Volunteer Abroad er einnig aðgengileg safnsíða þar
sem leita má að störfum eftir heimsálfum, löndum, teg-
undum starfa og lengd starfanna. Síðan gefur yfirgrips-
mikla mynd af góðum störfum sem í boði eru út um allan
heim.
Reuters
Rannsóknardýr Apar eru oft notaðir í efnarannsóknir en hjálparsamtök reyna að koma þeim í öruggt skjól.
Ólík sjálfboðastörf í boði
http://www.lonelyplanet.com/volunteer/
http://www.i-to-i.com/volunteer/
http://www.volunteerabroad.com/search.cfm