Morgunblaðið - 01.08.2008, Blaðsíða 33
Gegnsósa á Neistaflugi
Felix Bergsson „Skemmtilegasta
minningin tengist Neistafluginu og
Brunaslönguboltanum sem ég tók
fyrst þátt í árið 2000, held ég. Bruna-
slöngubolti er sérstök íþrótt sem er
spiluð með fótbolta, mörkum, 7
manna fótboltaliðum og slökkviliðs-
bíl. Markmenn halda á brunaslöng-
um slökkviliðsins í Fjarðabyggð og
verja markið með vatnsbunum svo
brátt eru leikmenn, boltinn og allir
áhorfendur orðnir rennblautir. Að-
alsportið er að missa stjórn á slöng-
unni og bleyta vel í áhorfendum.
Stemningin sem skapast er einstök,
hátíðargestir eru allir í þessu saman,
börnin elska þennan viðburð og ég
varð hás af hlátri og æsingi fyrsta ár-
ið sem ég tók þátt í þessu.“
Ísbrjótur sem virkar: „Hæ – ert þú
ekki í Framsóknarflokknum?“
Stúlkan úr Hafnarfirðinum
Þorsteinn Guðmundsson „Ég fór á
Þjóðhátíð í Eyjum 17 ára gamall með
vinum og kunningjum. Í stuttu máli
sagt var grenjandi rigning allan tím-
ann og í heimsku minni hellti ég í mig
baneitruðum landa til þess að halda á
mér hita.
Fyrsti dagurinn var ágætur, ég og
vinur minn sem nú er frægur læknir
og kvikmyndaleikstjóri úti á landi,
klifruðum upp á hólinn þarna og ég
man að ég komst nálægt því að ná
mér í stelpu. Ég man ekkert hvað
hún hét en ég man að við sátum góða
stund þarna í brekkunni og töluðum
saman og ég man að hún var lang-
hlaupari úr Hafnarfirði. Í ein-
hverjum klaufaskap týndi ég henni
eftir þessi stuttu kynni. Ég hef
kannski verið óbærilega andfúll
þannig að hún hefur tekið „rönner-
inn“ á þetta.
Í sorg minni hélt ég áfram að hella
í mig ógeðinu, varð fljótlega veikur
og ætlaði að leggja mig en þá hafði
vinur minn, sjálfur sveitalæknirinn,
hellt úr heilli kókflösku yfir svefn-
pokann minn. Þetta var fyrsta kvöld-
ið. Eftir þetta hallaði undan fæti.
Ég man að Stuðmenn voru þarna
og mér fannst þeir alveg frábærir.
Þetta var í kringum frumsýninguna
á Með allt á hreinu. Mér fannst ég
heppinn að ná að sjá þá á tónleikum
vegna þess að ég átti alveg eins von á
því að þetta væru þeirra kveðju-
tónleikar. Ekki að þeir væru lélegir,
mér fannst þeir bara komnir á aldur.
Ég tók mikið af myndum í þessari
ferð en það var eitthvað að mynda-
vélinni þannig að það þurrkaðist allt
út af filmunni. Eftir að ég kom heim
lágum við bróðir minn í viku í rúminu
með heiftarlega flensu (áfeng-
iseitrun). Ég fékk ofskynjanir og
fannst herbergið vera að ráðast á
mig. Þetta var ágætis ferð.“
Ísbrjótur sem virkar: „Hey, þú ert
sæt. Þú gætir verið systir Þorsteins
Guðmundssonar.“
Fjörið hjá ömmu
Anna Pála Sverrisdóttir „Mín ljúfasta
minning um verslunarmannahelgi er
frá Akureyri þegar ég var líklega
þrettán eða fjórtán. Held ég á þeim
tíma þegar rosalegustu hátíðirnar
voru haldnar þar. En ég eyddi
helginni ekki á tjaldsvæði heldur í
faðmi Önnu ömmu, eða Ömmu Snill-
íngs. Amma bjó í hjarta bæjarins við
Ráðhústorgið og átti líka stærsta
hjartað í bænum. Hún var með eld-
rautt litað hár, gekk í Levı́s buxum
og var frjálslyndasta manneskja sem
ég hef kynnst. Þessa helgi óð ég inn
og út úr húsinu hennar ásamt vin-
konunum á milli atriða í skemmti-
dagskránni. Til að fá besta útsýnið
fórum við uppá efstu hæð á svalirnar
sem lágu meðfram öllu húsinu og
horfðum niður á mannfjöldann og
hljómsveitirnar á torginu. Að vanda
var það samt amma sem hélt uppi
mesta stuðinu.“
Ísbrjótur sem virkar: „Hæ. Höfum við
ekki hist áður?“
Sósíaldemókratísk vitfirring
Bergur Ebbi Benediktsson „Fram á
unglingsár var ég yfirleitt staddur
fjarri góðu gamni um versl-
unarmannahelgi enda í sveit hjá afa
og ömmu sem voru af svo gömlum
skóla að þau litu á umrædda helgi
sem stéttarfélagslegt fyrirbæri. Um
verslunarmannahelgina sagði amma
jafnan sögu af bónda á nærstöddum
bæ sem gekk í hvítum skóm á frídegi
verslunarmanna og þótti það mikið
hneyksli fyrir bónda að taka á þenn-
an hátt undir veruleikafirrtar sósíal-
demókratískar kröfur versl-
unarmanna.“
Ísbrjótur sem virkar: „Má bjóða þér
90 frídaga í viðbót?“
Hjólað í gæsluna
Egill „Gillzenegger“ Einarsson „Við
félagarnir erum á þjóðhátið í eyjum
2002. Í dag er Stóri vaxinn upp úr
svona hlutum enda að verða fertug-
ur. En á þessum tíma var maður
kjáni og hagaði sér oft eins og hálf-
viti. Við fengum frábæra hugmynd
og það var að hlaupa inn í brennuna.
Það voru fyrir framan brennuna ein-
hverjir 10-12 gæslumenn en oft eru
þessir blessuðu gæslumenn ekkert í
neinu toppformi þannig ég hélt
þetta yrði easy victory. Ég náði í
blað og penna og sketchaði upp fyrir
strákana hvernig væri best að tækla
gæslumennina svo að lágmark einn
myndi ná að hlaupa inn í brennuna.
Ég horfði mikið á NFL á þessum
tíma og var því með nokkur leikkerfi
klár. Við vorum einungis 6 á móti 12
varnarmönnum og því var þetta erf-
iður róður en við náðum nokkrum
góðum tæklingum og þetta var
skemmtiefni fyrir alla brekkuna
sem horfði á 6 hálfvita reyna að
stinga feitu gæslugæjana af.
Eftir á að hyggja þá efa ég nú að
þótt einhver hefði náð í gegn hefði
hann hlaupið inn í brennuna en það
hefði samt sem áður verið ákveðinn
sigur. En 12 feitir gæslumenn báru
sigurorð af 6 mössuðum drengjum í
annarlegu ástandi. Þar sannaðist lík-
lega að alkóhól er ekki gott fyrir
íþróttamenn.
Ég hefði líka getað komið með
söguna þegar við sprengdum upp
tjald með tívolíbombu, eða þegar
Hjenz var látinn flakka niður brekk-
una í hjólastól, eða þegar menn
skiptust á um að hægja sér í allar
holurnar á golfvellinum, en maður
verður að eiga eitthvað eftir þangað
til seinna!“
Ísbrjótur sem virkar: „Ég þekki
Stóra!“
Öskubuska í Eyjum
Helga Braga Jónsdóttir „Ég hef yf-
irleitt verið að vinna um versl-
unarmannahelgina; undanfarin ár
sem skemmtikraftur á flestum útihá-
tíðum landsins, en þar á undan vann
ég á Ferðaskrifstofu Íslands í sjö
sumur við að selja útlendingum ferð-
ir um Ísland. Eina verslunarmanna-
helgina var okkur, sem vorum að
vinna, boðið af Leiguflugi að skreppa
á þjóðhátíð í Eyjum. Við mættum út
á flugvöll eftir vinnu á laugardeg-
inum og flugum í dásemdar veðri til
Eyja og sáum alla dýrðina úr lofti.
Síðan var okkur boðið út að borða
og eftir það skelltum við okkur í Dal-
inn; þar var auðvitað megastuð;
Stuðmenn að spila, gott veður og
mikil gleði. Eftir miðnætti, þegar
gleðin stóð sem hæst stukkum við
upp í flugvél eins og öskubuskur og
flugum aftur til Reykjavíkur. Þetta
var svo gaman af því að þetta var al-
gerlega óvænt ánægja; við héldum
að við yrðum bara að vinna alla
helgina! Óvænta ánægjan er oft
skemmtilegust!“
Ísbrjótur sem virkar: „Fögur er hlíð-
in, má bjóða þér upp í dans?!“
Góðar minningar
Furðulegir leikir, ofneysla áfengis
og óvæntar uppákomur Stjörn-
urnar luma á góðum ísbrjótum
Felix, Þorsteinn, Anna Pála, Bergur, Gillz og Helga deila minningum frá verslunarmannahelginni með lesendum Morgunblaðsins
Ein með Öllu
Anna Pála á góð-
ar minningar frá
Akureyri.
Maríneraður Þor-
steinn Guðmundsson
kunni ekki að fara
með áfengi þegar
hann var lítill gutti.
Sveitastrákur
Bergur Ebbi fékk
lítið að skemmta sér
um verslunar-
mannahelgina.
Helköttaður
Gillzinn komst að
því að áfengi hef-
ur slæm áhrif á
frammistöðu
kraftakarla.
Prinsessa
Helga Braga
fór í góða og
óvænta ferð á
þjóðhátíð.
Alltaf í bolt-
anum Felix
Bergsson hefur
sjaldan skemmt
sér jafnvel og í
rennblautum fót-
boltaleik á
Neistaflugi.
Morgunblaðið/Margrét Þóra
Góð helgi Það gengur mikið á um verslunarmannahelgina og langflestir
fara heim með skemmtilegar minningar í farteskinu.
MORGUNBLAÐIÐ FÖSTUDAGUR 1. ÁGÚST 2008 33
www.listvinafelag.is
Alþjóðlegt orgelsumar
í Hallgrímskirkju
JON LAUKVIK
frá Noregi
leikur verk eftir Rameau,
Vierne, Schumann og Rinck.
Laugardaginn 2. ágúst kl. 12
Sunnudaginn 3. ágúst kl. 20
Landnámssetrið í Borgarnesi
437 1600 | landnamssetur@landnam.is
BRÁK eftir BrynhildiGuðjónsdóttur (Söguloftið)
Lau 23/8 kl. 15:00
Lau 23/8 kl. 20:00
Sun 24/8 kl. 16:00 Ö
Fös 29/8 kl. 20:00
Lau 30/8 kl. 15:00
Lau 30/8 kl. 20:00
Lau 6/9 kl. 15:00
Lau 6/9 kl. 20:00 Ö
Sun 7/9 kl. 16:00
Frú Norma
4711166 | norma@frunorma.is
Soffía mús á tímaflakki (Farandleiksýning)
Lau 2/8 kl. 18:00 F Sun 3/8 kl. 16:30 F
Kómedíuleikhúsið Ísafirði
8917025 | komedia@komedia.is
Gísli Súrsson (Haukadalur Dýrafirði/ferðasýning)
Fös 15/8 kl. 15:00 U Fös 15/8 kl. 20:00 U