Morgunblaðið - 12.08.2008, Blaðsíða 28

28 ÞRIÐJUDAGUR 12. ÁGÚST 2008 MORGUNBLAÐIÐ
MINNINGAR
NAFN 19. aldar skákmeistarans
Howard Staunton tengist svo ekki
verður um villst því sem kallað hef-
ur verið rómantíska tímabil skák-
arinnar. Og Staunton-taflmenn eru
í miklum metum. Þegar einvígi
Fischer og Spasskí var haldið í
Reykjavík 1972 kom ekki annað til
greina en að kaupa til einvígisins
nokkur sett af útskornum Staun-
ton-taflmönnum. Howard þessi
Staunton tengdist einnig frægðar-
för Paul Morphy um miðja 19. öld
þegar snillingurinn frá New Or-
leans hélt til „Gamla heimsins“ og
háði fræg einvígi á Café de la Re-
gence í París og reyndi árangurs-
laust að fá að tefla við hinn nafntog-
aða enska meistara. Allar þær
tilraunir runnu út sandinn og æ síð-
an hafa um ástæður þess staðið all-
sérkennilegar deilur. Þó virðist
liggja í augum uppi að Staunton
þorði ekki í Morphy sem m.a.
hreinlega rústaði einum fremsta
meistara þess tíma, þýska meist-
aranum Adolph Andersen. Eng-
lendingar halda minningu Staunton
á lofti með ýmsum hætti þessi miss-
erin. Innan veggja ákaflega virðu-
legs veitingahúss, Simpsons, í
London þar sem breska yfirstéttin
vandi komur á árum áður fer nú
fram keppni milli sex Hollendinga
og sex Englendinga. Þetta er jafn-
framt 12 manna mót þar sem allir
tefla við alla en innbyrðis úrslit
milli Hollendinga og Englendinga
eru tekin saman.
Staðan að loknum fjórum um-
ferðum er sú að Michael Adams var
efstur með 3 ½ vinning en á hæla
hans koma Hollendingarnir Jan
Timman, Loek Van Wely og Eng-
lendingurinn Peter Wells, allir með
2 ½ v.
Í landskeppninni hafa Hollend-
ingar forystu 10:8.
Vinsamleg tilmæli frá mótshald-
aranum, Staunton Society, til kepp-
enda um að þeir reyni nú að tefla í
19. aldar stíl virtust ná til Adams
þegar hann vann nýbakaðan Hol-
landsmeistara Smeets.
Jan Smeets – Michael Adams
Skoskur leikur
1. e4 e5 2. Rf3 Rc6 3. d4 exd4 4.
Rxd4 Rf6 5. Rxc6 bxc6 6. e5 De7 7.
De2 Rd5 8. c4 Ba6 9. b3 0–0–0 10.
Bb2 Dg5 11. Df3 Bb4+ 12. Kd1 Rf4
13. h4 Dh6 14. g3 Re6 15. Bc1 Dg6
16. h5 Dc2+! 17. Kxc2 Rd4+ 18.
Kd3 Rxf3 19. Ke4
19. Rxe5! 20. h6 Rg4 21. hxg7
Hhg8 22. Kf5 Hxg7 23. f3 Rf2 24.
Hh2 Bc5 25. Bh6 Hg6 26. Rd2 Bd4
27. Bg5 He8 28. Hxf2 He5+ – og
Smeets gafst upp.
Guðmundur vann í 8. umferð
Guðmundur Kjartansson vann
Tyrkjann Berc Deruni í áttundu
umferð heimsmeistaramóts ung-
menna, sem fram fór í dag í Gazian-
tep í Tyrklandi. Guðmundur hefur
3½ vinning og er í 67.-82. sæti. Í ní-
undu umferð sem fram fór átti Guð-
mundur að tefla við Miguel Alvarez
Ramirez frá Mexíkó. Kínverski
stórmeistarinn Chao Li er efstur á
mótinu ásamt Þjóðverjanum Arik
Braun. Þeir eru báðir með 6 ½
vinning. Alls taka 108 skákmenn
þátt í mótinu og þar af eru 24 stór-
meistarar. Guðmundur er 64. stiga-
hæsti keppandinn á mótinu.
Borgarskákmótið
fer fram 18. ágúst
Borgarskákmótið fer fram nk.
mánudag þann 18. ágúst og hefst
það kl. 16:00. Samkvæmt hefð fer
mótið fram í Ráðhúsi Reykjavíkur
en mótshaldarar eru Taflfélag
Reykjavíkur og Taflfélagið Hellir.
Gera má ráð fyrir að margir af
sterkustu skákmönnum þjóðarinnar
taka þátt í því. Skákmenn eru
hvattir til að skrá sig sem fyrst.
Tefldar verða 7 umferðir með 7
mínútna umhugsunartíma. Þetta er
í 23. sinn sem mótið fer fram og er
þetta iðulega eitt best sótta skák-
mót hvers árs. Mótið er öllum opið
og er þátttaka ókeypis en skráning
fer fram á www.hellir.com einnig í
síma 866 0116.
Fallegir taflmenn Nigel Short viðrir fyrir sér Staunton taflmennina
Helgi Ólafsson | helol@simnet.is
SKÁK
London , England
7. – 18. ágúst 2008
Minningarmót um Howard Staunton
Taflmennska í anda
gömlu meistaranna
ÁSKRIFTASÍMI 569 1100
Mig langar til þess
að minnast Jóhanns
Guðmundssonar eða
Jóa í Hafnarfirði eins
og við kölluðum hann
alltaf hjá Eimskip. Ég kynntist Jóa
fyrst fyrir rúmum 10 árum en hann
var þá afgreiðslustjóri Eimskips í
Hafnarfirði. Það gustaði heilmikið af
Jóa í hópi stjórnenda félagsins enda
var hann sterkur persónuleiki sem
var hreinn og beinn, hafði ávallt
ákveðnar skoðanir á hlutunum og
var ekki spar á að láta þær í ljós.
Fyrstu árin áttum við Jói ekki mikil
samskipti og kynnumst ekki mikið
fyrr en árið 2003 þegar starfsemi
Eimskips í Hafnarfirði var færð yfir
á mitt ábyrgðarsvið hjá fyrirtækinu.
Ég hafði á tilfinningunni að Jói hefði
nú ekkert sérstaklega mikið álit á
enn einum „fræðingnum“ sem væri
settur honum til höfuðs. En samstarf
Jóhann Guðmundsson
✝ Jóhann Guð-mundsson fædd-
ist í Hafnarfirði 7.
febrúar 1938. Hann
lést á Landspítalan-
um 24. júlí síðastlið-
inn.
Útför Jóhanns fór
fram frá Víðistaða-
kirkju 1. ágúst sl.
okkar Jóa gekk vel og
þau kynni eru mér
ógleymanleg. Jói var
hafsjór af fróðleik um
allt sem sneri að
rekstri Eimskips.
Hann gerði miklar
kröfur til sín og sinna
starfsmanna, þótti
stundum nokkuð harð-
ur í horn að taka, var
ákafur og metnaðar-
gjarn en bar ávallt
hagsmuni Eimskips
fyrir brjósti sama á
hverju gekk.
Jói var mjög góður og farsæll
stjórnandi en margir af þeim starfs-
mönnum sem ólust upp hjá honum í
Hafnarfirði hafa tekið við nýjum
ábyrgðarstörfum hjá Eimskip á síð-
ustu árum. Ég veit að Jói fylgdist vel
með þeim og ég vona að hann hafi
verið ánægður og stoltur að sjá
hvernig þessu unga fólki hefur geng-
ið á lífsins leið. Það kom í minn hlut
að fara yfir hlutina með Jóa þegar
kom að starfslokum hjá Eimskip í
byrjun árs 2005 eftir happadrjúg og
afar farsæl störf fyrir fyrirtækið í 40
ár. Ég kveið því mjög að ræða þessi
mál við Jóa því ég óttaðist að það
yrði honum þungt að láta af störfum.
Þessi ótti minn reyndist ástæðulaus
því Jói var vel undirbúinn og sagði að
þetta væri bara það sem hefði legið
fyrir lengi og hann hefði reiknað
með. Þegar ég spurði hann um hvað
tæki við þá sagðist hann ekki hafa
neinar áhyggjur af því, nóg væri af
spennandi verkefnum sem ekki hefði
verið tími til að sinna. Svona var Jói,
hann gekk hreinn og beinn til allra
verka og tókst á við þau af sínum eðl-
islæga krafti og æðruleysi.
Jói var mjög mikill Hafnfirðingur
og bar barðist af miklum krafti og
eldmóði fyrir auknum verkefnum
þar sem hægt var að nýta hafnarað-
stöðuna í Hafnarfirði til hins ýtrasta.
Réttsýni, traust og heiðarleiki voru
honum í brjóst borin og þeir eigin-
leikar nýttust Eimskip vel allan
þann tíma sem hann starfaði hjá
okkur. Þegar ég heyrði af veikindum
Jóa þá vonaði ég heitt og innilega að
hann kæmist yfir þau og gæti haldið
áfram að takast á við lífið af þeim
krafti og áhuga sem honum einum
var lagið. Því miður tókst það ekki og
mig setti hljóðan þegar ég heyrði af
andláti hans að morgni 24. júlí.
Ég vil að lokum þakka Jóa fyrir af-
ar gott samstarf og farsæl störf fyrir
Eimskip. Einnig vil ég votta Rúnu
eiginkonu hans, börnum, tengda-
börnum og barnabörnum mína inni-
legustu samúð. Lífið heldur áfram en
hlý og góð minning um Jóa í Hafn-
arfirði mun lifa með okkur áfram um
ókomin ár.
Guðmundur Nikulásson.
Eitt af mörgu sem
faðir minn kenndi mér
á uppvaxtarárum mín-
um var, að lífið hefur
3 meginstoðir, upphaf,
framhald og endi. Sá sem öllu ræður
ákveður upphaf okkar og endi og
lætur okkur um tímann þar á milli
til þess að búa okkur undir dvölina á
staðnum er við flytjumst til að lífi
loknu. Ég veit með vissu að faðir
minn fór mjög vel nestaður til þessa
staðar, en þrátt fyrir þrautagöngu
vegna fötlunar undanfarin 23 ár þá
kvartaði hann ekki og vildi ég sjálf-
ur hafa aðeins smábrot af því æðru-
leysi er hann lifði með og sýndi í
orði og á borði. Jafnvel við dyr
dauðans var hann æðrulaus og ró-
legur og síðustu orð hans við und-
irritaðan voru á latínu, eða „Sic
transit gloria mundi“ og sýnir það
enn einu sinni kjark hans og hug-
arró við dauðans dyr, en orð þessi
þýða „Þannig hverfur dýrð heims-
Símon Sigurjónsson
✝ Símon Sig-urjónsson fædd-
ist í Reykjavík 4.
ágúst 1930. Hann
lést á Grensásdeild
LSH 30. júlí síðast-
liðinn og fór útför
hans fram frá Vídal-
ínskirkju í Garðabæ
7. ágúst.
ins“ Hann var pabbi,
sem var að vinna, þeg-
ar aðrir feður áttu frí,
en okkur bræðrunum
var svo sannarlega
bættur upp sá tími,
þegar og ef tækifæri
gáfust.
30 ár á bakvið bar-
borðið hafa eflaust
gert hann að góðum
hlustanda, en góður
uppalandi var hann
líka, aldrei var neinn
hávaði er hann talaði,
heldur var okkur
bræðrunum leiðbeint, skýrt, skil-
merkilega og ákveðið, Ég skal ekki
dæma um hvernig tókst til, læt aðra
um að dæma kosti og galla okkar
bræðra. Móðir okkar stóð sem klett-
ur við hlið föður okkar, frá því að
hann fékk heilablóðföll 1985 og var
mikið fatlaður upp frá því til dauða-
dags og vil ég nota tækifærið og
þakka móður minni fyrir þá alúð og
umhyggju er hún veitti föður mín-
um og veit hún við þessi orð að ég á
betra með að koma frá mér orðum í
ritmáli en töluðu máli. Við höfum nú
lokið ferð okkar saman um þetta líf
og er það von mín og trú að næst er
við hittumst verðum við óhaltir og
heilir.
Hvíl í friði.
Sigurjón Símonarson.
Hinn 29. júlí síðast-
liðinn lést Björn Stef-
án á hjartadeild Land-
spítalans. Björn var föðurbróðir
mannsins míns, Jóns Lárusar.
Bjössi frændi, eins og hann var
alltaf kallaður, var sá fyrsti úr
tengdafjölskyldu minni sem ég hitti.
Hann bjó í íbúð tengdaforeldra
minna (prestshjóna austur í Odda) á
Skúlagötu í Reykjavík, þar bjó svo
Jón Lárus líka á meðan hann var í
menntaskóla og síðar háskóla.
✝ Björn StefánLárusson fædd-
ist á Miklabæ í
Blönduhlíð í Skaga-
firði 29. marz 1936.
Hann lést á Land-
spítalanum við
Hringbraut 29. júlí
síðastliðinn og var
útför hans gerð frá
Fossvogskirkju 11.
ágúst.
Bjössi tók fyrst eft-
ir okkar sambandi
með því að allt í einu
var farin að heyrast
klassísk tónlist innan
úr herbergi Jóns,
nokkuð sem ekki hafði
farið mikið fyrir. Ekki
leist honum nú illa á
það, enda hafði hann
takmarkaðan áhuga
og álit á nýmóðinstón-
list, svo sem jazzi,
rokki, poppi eða þaðan
af nýrri stefnum. Gott
að einhver ætlaði að
ala strákinn upp á almennilegri
músík, fannst honum.
Björn var ótrúlega víðlesinn og
fróður maður, einnig skarpgreindur
og það var afskaplega skemmtilegt
að tala við hann. Nokkrum árum
yngri hefði hann væntanlega brill-
erað í spurningakeppnum ýmiss
konar, enda sóttist fólk eftir að fá að
vera með honum í liði í spurninga-
spilum. Oftar en ekki hrókur alls
fagnaðar í samkvæmum, fylginn sér
í pólitískum umræðum, ekki vorum
við alltaf samstíga þar, en hann
hlustaði ávallt á annarra rök, og tók
mark á þeim, þó þau mögulega sam-
rýmdust ekki hans skoðunum.
Fyrir utan einlægan tónlistar-
áhuga og gleði hafði hann mikið yndi
af málaralist, stundaði söfn hér á
landi og fór í margar utanlandsferð-
ir til að skoða spennandi myndlist-
arsýningar. Víðförull var hann einn-
ig, fór bæði langt í vestur og austur.
Björn var heilsulítill mestallt sitt
líf, fékk flogaveiki ungur að árum.
Hann kvæntist aldrei og eignaðist
engin börn. Vann í Slippfélaginu
meðan honum entist heilsa.
Ég votta Stefáni tengdaföður
mínum, eina eftirlifandi bróðurnum,
samúð mína, svo og öllum öðrum að-
standendum. Læknar og hjúkrunar-
fólk hjartadeildar og gjörgæslu
Landspítalans eiga skilið bestu
þakkir fyrir góða aðhlynningu og
virðingu.
Bjössa frænda verður sárt sakn-
að.
Hildigunnur Rúnarsdóttir.
Björn Stefán Lárusson
Morgunblaðið birtir minning-
argreinar alla útgáfudagana.
Skil | Greinarnar skal senda í gegn-
um vefsíðu Morgunblaðsins: mbl.is –
smella á reitinn Senda efni til Morg-
unblaðsins – þá birtist valkosturinn
Minningargreinar ásamt frekari upp-
lýsingum.
Lengd | Minningargreinar séu ekki
lengri en 3.000 slög (stafir með bilum
- mælt í Tools/Word Count). Ekki er
unnt að senda lengri grein. Hægt er
að senda örstutta kveðju, HINSTU
KVEÐJU, 5-15 línur, og votta þeim
sem kvaddur er virðingu sína án þess
að það sé gert með langri grein. Ekki
er unnt að tengja viðhengi við síðuna.
Formáli | Minningargreinum fylgir
formáli, sem nánustu aðstandendur
senda inn. Þar koma fram upplýs-
ingar um hvar og hvenær sá, sem
fjallað er um, fæddist, hvar og hve-
nær hann lést, um foreldra hans,
systkini, maka og börn og loks hvað-
an útförin fer fram og klukkan hvað
athöfnin hefst.
Undirskrift | | Minningargreinahöf-
undar eru beðnir að hafa skírnarnöfn
sín en ekki stuttnefni undir grein-
unum.
Myndir | Ef mynd hefur birst í til-
kynningu er hún sjálfkrafa notuð með
minningargrein nema beðið sé um
annað. Ef nota á nýja mynd er ráð-
legt að senda hana á myndamóttöku:
pix@mbl.is og láta umsjónarmenn
minningargreina vita.
Minningargreinar