Skinfaxi - 01.07.1969, Side 10

IþróHaskóli Sigurðar á Leirá
Um þessar mundir er Sigurður Guð-
mundsson skólastjóri og íþróttakenn-
ari að hefja rekstur íþróttaskóla síns
fyrir börn og unglinga. Skólinn verður
starfræktur í þremur 10 daga nám-
skeiðum fyrir pilta og stúlkur á aldr-
inum 9—14 ára. Möguleikar eru á því,
að unglingarnir taki þátt í fleiri en
einu námskeiðanna.
Sigurður hefur undanfarin ár stjórn-
að slíkum námskeiðum eða vísi að
íþrótta-sumarskóla. Hefur þessi starf-
semi gefist afar vel og notið mikilla
vinsælda. Sigurður er vel kunnur fyrir
góðan árangur í íþrótta- og félagsmála-
störfum og auk þess er hann reyndur
og traustur skólamaður.
I Leirársveitarskóla er aðstaða mjög
góð. Skólahúsið og heimavistin eru sér-
lega vistleg og aðstaða er í húsinu til
margvíslegra félagsstarfa, sem Sigurð-
ur leggur áherzlu á auk íþróttanna. Við
skólann er íþróttavöllur með hvers
kyns hlaupa- og stökkbrautum, þar er
risið nýtt íþróttahús með fimleikasal
og í næsta nágrenni er góð sundlaug.
I íþróttaskóla Sigurðar eru kennd-
ar frjálsar íþróttir, knattspyrna, körfu-
knattleikur, handknattleikur, sund,
leikfimi og á kvöldin félagsleg starfsemi
með söng, kvikmyndum og dansi.
Um 50 unglingar komast á hvert
námskeið og skiptist til helminga milli
drengja og stúlkna.
I íþróttaskólanum, eru holl og
skemmtileg viðfangsefni undir góðri
leiðsögn. Til fróðleiks birtum við hér
dagskrá skólans, sem sýnir hvernig
börnin verja deginum:
Kl.
8 Vakið — snyrting — tiltekt á
herbergjum.
8.30 Fánahylling — morgunverður.
9 Iþróttaæfingar.
12 Hádegisverður — Morgunv.
2 íþróttaæfingar.
3.30 Miðdegismjólk.
4.30 íþróttaæfingar.
7 Kvöldverður.
8.30 Kvöldvökur — söngur — dans
— sjónvarp.
9.30 Kvöldmjólk — hvíld.
I bréfi sínu til væntanlegra þátttak-
enda segir Sigurður m. a.: ,,Að lokum
vil ég minna á það, að við ætlum að
vera hér saman um tíma til að njóta
þess að vera úti í íslenzkri náttúru,
iðka fagrar og hollar íþróttir og kynn-
ast nýjum vinum í gegnum leik og
starf.“
10
SKINFAXI