Skinfaxi - 01.02.1970, Qupperneq 4

FORSÍÐUMYNDIN
Myndin á forsíðunni er til þess að
minna alla ungmennafélaga á, að næsta
landsmót UMFI verður háð á næsta ári.
Forkeppnin í knattleikjum hefst þegar á
þessu ári og er búizt við mikilli þátt-
töku. Þessa líflegu knattspyrnumynd tók
Sigurjón Jóhannsson á síðasta landsmóti
á Eiðum 1968. Það eru Þingeyingar og
Skagfirðingar, sem þama berjast um
knöttinn.
GLÍMAN Á NÆSTA LANDSMÓTI
Vert er að vekja athygli á því að á
sambandsþingi UMFÍ í fyrra var sam-
þykkt, að á næsta landsmóti UMFÍ skuli
keppt í tveimur þyngdarflokkum í glímu,
en til þessa hefur aðeins verið keppt í
einum opnum flokki. Samþvkkt þingsins
var svohljóðandi:
Glímukeppni skal haga þannig, að
keppt sé í tveimur flokkum, þ. e. 1. og
2. þyngdarflokki, og verði flokkaskipting
þannig:
1. þyngdarflokkur yfir 84 kg.
2. þyngdarflokkur 84 kg og þar undir.
Hvert héraðssamband eða aðildarfélag
hefur rétt til að senda tvo keppendur í
hvorn flokk.
Stigahæsti glímumaður í hvorum flokki
hlýtur sérverðlaun einnig stigahæsta hér-
aðssamband.
Sex fyrstu menn hljóta stig sem hér
segir: 1. 6 stig, 2. 5 stig, 3. 4 stig, 4. 3
stig, 5. 2 stig og 6. I stig.
SKÁKÞING UMFÍ
2. Skákþing UMFÍ verður háð í vor,
og er undirbúningur þegar hafinn. Von-
andi sjá sem flestir sambandsaðilar sér
fært að senda sveit til keppni. Forkeppn-
in hefst sennilega um mánaðamótin
maí—júní. Keppt er um hinn veglega
verðlaunagrip, Skinfaxastyttuna. Hand-
hafi hennar er Héraðssambandið Skarp-
héðinn.
Skarphéðinn sextugur
Á þessu ári á Héraðssambandið Skarp-
héðinn 60 ára afmæli. Á héraðsþingi HSK
nýverið var ákveðið að minnast þessa
merkisafmælis í sambandi við héraðsmót
HSK að Þjórsártúni 20.—21. júní í sum-
ar. Hermann Sigurjónsson í Raftholti er
formaður hátíðarnefndarinnar.
4
SKINFAXI