Skinfaxi - 01.06.1970, Page 21

Þetta vandamál íþróttahreyfingarinn-
ar, skortur á starfsfólki, sem er afleiðing
af f járhagsafkomu félaganna, er víðar að
finna en hér á landi. Yfirvöld ýmissa ann-
arra landa og héraða hafa gert sér grein
fyrir því hvert stefnir og að hætta geti
verið á stórfelldum samdrætti í starf-
semi íþróttafélaganna, íbúunum til mik-
ils baga. Hafa þau því gripið til ýmissa
ráðstafana og skal hér getið nokkurra.
Danska ríkisstjórnin hefur t.d. fengið
samþykkt lög, sem veita íþróttafélög-
unum, sem og mörgum öðrum félögum,
rétt til ókeypis aðstöðu fyrir starfsemi
sína, auk þess sem lögin gera ríkinu skylt
að sjá félögunum fyrir aðstöðu, sé hún
ekki fyrir hendi. Öllum, sem vilja æfa
íþróttir í einhverri mynd, skal opnuð
leið til þess að geta orðið sér úti um
þessa heilsubót.
Önnur ríki hafa tekið upp þá aðferð
að veita félögunum kennslu og húsnæð-
isstyrki, sem miðast við ákveðna upphæð
fyrir hvern einstakling, sem æfir, og fyr-
ir hverja æfingu.
Og enn eru önnur yfirvöld, sem veita
félögunum styrk, þegar þau hafa náð
ákveðnum fjölda virkra meðlima til æf-
inga. Styrkur þessi er oftast að upphæð
samsvarandi einum árslaunum kennara
og er ætlast til þess að félagið, sem styrk
fær, geti þannig fastráðið til sín góðan
kennara, þjálfara eða annan starfsmann.
Þó mega félögin skipta styrknum milli
tveggja eða fleiri starfskrafta, ef svo ber
undir og félagið telur heppilegra.
Væri ekki hægt að taka einhver þess-
ara atriða til athugunar hér á landi, um
leið og aukin er fjárveiting til frekari
uppbyggingar íþróttamannvirkja, og
kyggja upp fjárveitingarkerfi til starf-
seminnar innan íþrótta- og ungmennafé-
laganna, sem er undirstaða íþróttamennt-
ar landsmanna.
Ég geri ekki ráð fyrir að þessi orð mín
hafi mikil áhrif, en skrifa þau í þeirri
von, að þau geti orðið einhverjum, sem
ekki hefur kynnt sér ástandið að tjalda-
baki í íþróttahreyfingunni, umhugsunar-
efni, og ef til vill opnað augu hans fyrir
því, að hér er um geysimikið vandamál
að ræða, sem bíður úrlausnar — og
krefst revndar skjótrar úrlausnar.
Þetta er nauðsynlegt til að tryggja
framgang kjörorðsins „íþróttir fyrir alla“.
FORKEPPNIN
Úrslit í þeim leikjum, sem háðir bafa
verið í forkeppni 14. landsmóts UMFÍ,
hafa orðið sem hér segir:
Knattspyrna
1. riðill: UÍA — HSÞ 6:0
UÍA — UMSE 2:6
3. riðill: UMSK — UMFN 7:1
UMSK — USVH 5:0
UMSK — HSS 7:2
Engir lei'kir höfðu farir fram í 2. riðli,
þegar blaðið fór í prentun.
Handknattleikur kvenna
1. riðill: HSÞ - - UÍA 9:4
UMSE — UÍA 3:7
3. riðill: HSK - - UMSK 3:16
UMFN — UMSK 5:7
UMFN — HSK 15:3
í 2. riðli var enigum leik lokið, þegar
blaðið fór í prenfcun.
SKINFAXI
21