Skinfaxi - 01.02.1971, Qupperneq 25
3
ú In in
9
Brynleifur H. Steingrímsson
héraðslæknir á Selfossi
hefur ort þetta kvæði.
Brynleifur er Húnvetningur
að ætt, góður ungmenna-
félagi og áhugamaður
um íþróttir og líkamsrækt.
Brynleifur æfir íþróttir að
staðaldri, og hefur með
dugnaði sinum og áhuga
tekist að mynda áhuga-
mannalið eldri félaga og
iþróttamanna á Selfossi, sem
æfa iþróttir sér til ánægju
og heilsubótar.
Brynleifi er margt til lista
lagt, og hér fá iesendur
Skinfaxa sýnishorn af einni
áhugaiðju hans, Ijóðagerð.
Tak minn hugur hrifning stundar.
Heiðblá nótt er undrafögur.
Sjáðu fjall og fagra tinda,
sem festing væri og álfasögur.
Lúttu bljúgur ljóssins veldi,
sem leikur dátt og þrótt sinn gefur.
Þessa frjóu fegurð skoða,
sem faðmar þig og að sér vefur.
í blárna fjarska braut þú finnur,
breiddan fögrum sumarrósum,
ilm svo sætan, angan skóga,
elfu á leið að sjávar ósum.
Nið svo hreinan, nótt svo fagra,
nafnlaust kveld í sumareldi,
gróðurdögg í gliti sínu
gefur mynd af sólareldi.
Finn minn hugur liylling friðar,
hafi þögnin víddir heima.
Vitund þinni vaxi og grói
veröld sem að undur geyma.
Sýnir allar seglum þöndum
svífi landi og vötnum yfir.
Þá á sál þín sjálfan tímann,
svigrúm frítt þar einn þú lifir.
Leita þrátt með loga skærum,
að leyndardómi er hulinn sefur.
Vaki í brjósti von og efi,
vilji hreinn er afl þér gefur.
Hugur minn í hrifning stundar
haltu fast við venju þína.
Þá mun rúm og rýmd þíns tíma
ríkja og finna gæfu sína.
í mai ’69. B. H. Steingrimsson
Kl NFAXI
25