Skinfaxi - 01.10.1971, Page 7
Mikil þátttaka og góð-
ur keppnisandi hefur
jafnan einkennt
iþróttakeppnina á
landsmótum UMFÍ.
Hér eru keppendur að
leggja af stað i 5000 m.
hlaupið, en það er
sjaldgæft að sjá svo
marga þátttakendur i
keppni i langhlaupum
hér á landi.
(Ljósm. Gunnar)
flestir í tjaldbúðum uppi á Nöfum. Hin
nýju íþróttamannvirki á Sauðárkróki eru
hin glæsilegustu og aðstaða fyrir áhorf-
endur ágæt. Rómuðu gestir mjög þessa
aðstöðu, sem heimamenn höfðu lagt
mikla vinnu og metnað í til þess að gera
hana sem allra bezta.
Lokaatriði setningarathafnarinnar var
það, að Björn Magnússon formaður móts-
nefndar 13. landsmótsins, afhenti Guðjóni
Ingimundarsyni, form. UMSS, Lands-
mótsfánann, en það er Hvítbláinn af
stórri gerð, sem aðeins er notaður á
landsmótunum og dreginn að húni í upp-
hafi móts.
Iþróttakeppnin.
Keppni í hinum ýmsu íþróttagreinum
hófst strax að loknu setningarávarpi for-
manns. íþróttakeppnin gekk í flesta staði
mjög vel, en mikill vandi hvílir á stjórn-
endum að koma keppninni af á þeim
þrönga tíma, sem henni er skammtaður.
Kejrpt var samtals í 47 íþróttagreinum, og
þegar haft er í huga, hversu geysilega
mikil jrátttaka er í hverri grein, þá er það
hka afrek hversu greiðlega keppnin gekk.
Starfsmönnum við íþróttakeppnina ber
mikið lof fyrir ötult starf. Keppni hófst
að nýju á sunnudagsmorguninn kl. 10.
Var þá kalsaveður, en það lagaðist fljótt
og varð gott, er á daginn leið. Það, sem
setti svip á keppnina í heild, var hin
mikla og góða þátttaka, sem jafnan gefur
landsmótunum sérstakt gildi fram yfir
önnur íþróttamót. Árangur var líka góður
og í flestum greinum jafnbetri en á fyrri
landsmótum.
Frjálsíþróttakeppnin.
Keppnin í frjálsum íþróttum var í flest-
um greinum jöfn og spennandi og dró að
sér mikla athygli. UMSK sigraði með yfir-
burðum í frjálsíþróttunum og munaði þar
mest um stúlkurnar, eins og oft áður. í
100 m. hlaupinu varð þó brátt ljóst, að
veldi UMSK-stúlknanna yrði hnekkt,
enda fór það svo að þær komust ekki í
þrjú fyrstu sætin. Björk Ingimundardóttir
(UMSB), sigurvegarinn frá Laugarvatns-
mótinu 1965, hljóp af miklu öryggi og
sigraði. I öðru og þriðja sæti urðu korn-
ungar og efnilegar íþróttastúlkur, Edda
Lúðvíksdóttir (UMSS) og Ingibjörg Ósk-
arsdóttir (UMf. Skipaskaga). Mótvindur
var í úrslitahlaupinu, en í undanrás setti
SKINFAXI
7