Skinfaxi - 01.04.1974, Side 10
SKIÐAFLUG
Glæfraleg íþrótt
Heimsmeistarakeppni í skíðastökki e: ein-
hver hættumesta og glæfralegasta íþrótta-
keppni sem sögur fara af. Þessi keppni er
reyndar kölluð skíðaflug, og er það rétt-
nefni. Síðasta mót af þessu tagi var sl. vor
í Obertsdorf í Vestur-Þýzkalandi. Því lauk
með þeim ósköpum að hinn frægi sviss-
neski skíðastökkvari Walter Steiner féll er
hann kom niður úr stökki sem var hvorki
meira né minna en 179 metra langt. Stökkið
sjálft heppnaðist vel. En þrýstingurinn á
bein og liðamót likamans þegar hann kem-
ur niður á jörðina eftir slíkt stökk, er meiri
en mannlegur líkami getur þolað. Samt fór
Steiner rétt að: hann teygði líkamann og
handleggina upp á við um leið og hann
lenti, — en hann lá stórslasaður eftir. Sig-
urvegari varð annar Svisslendingur, Hans
Schmid, sem stökk 166 m.
Mikil slysahætta og tíð slys í slíkri keppni
hafa valdið þvi að ákveðnar skoðanir hafa
komið fram um að banna slíka keppni.
Formaður Alþjóðaskíðasambandsins, Sviss-
lendingurinn Marc Hodler, segir að skíða-
flugið sé stórkostlegt, og að hann hafi horft
á keppnina bæði með ánægju og áhyggjur
í huga. „Þetta er á mörkum þess að vera
forsvaranlegt,“ sagði hann. En kannski er
það einmitt þessi hætta sem gerir þessa
íþrótt eftirsótta. Nú hefur verið ákveðið að
heimsmeistarakeppni i skíðaflugi verði
framvegis annað hvert ár. Aðeins þrjár
skíðastökkbrautir eru fullbúnar í heiminum
fyrir skiðaflug: í Obertsdorf, Planica í Júgó-
slavíu og Vikersund í Noregi, en verið er
að fullgera slíka stökkpalla í Ironwood í
USA og í Spindelmuhl í Tékkóslóvakíu.
)
J
10
SKINFAXI