Skinfaxi - 01.12.1976, Side 3

Tímarit Ungmennafélags Islands — LXVII. á.-gangur — 5.—6. hefti 1976
Ritstjóri og ábyrgðarm.: Eysteinn Þorvaldsson. — Út koma 6 hefti á ári.
MÁLGAGN UMFÍ
Á 20. sambandsráðsfundi UMFl, sem nýlega
var haldinn á Dalvík, urðu miklar umræður um
málgagn samtakanna, Skinfaxa. Voru menn á
einu máli um það að efla útgáfuna í framtíð-
inni með ýmsum hætti um leið og þeir létu
í Ijósi ánægju sína og þakklæti til núverandi
ritstjóra fyrir óeigingjarnt starf við blaðið um
árabil.
Málefni Skinfaxa voru rædd mjög ýtarlega
í umræðuhóþum, og virtust allir umræðuhóþ-
arnir komast að kjarna málsins, að lengur
gæti það ekki gengið að hafa útgáfu mál-
gagnsins sem aukastarf. Ráða yrði fastan
starfsmann við blaðið, sem annast gæti alla
efnisöflun í það, séð um innheimtu og út-
breiðslu og jafnvel auglýsingasöfnun. Fram
kom að efla bæri almenna umræðu um þjóð-
félagsmál I blaðinu, og stuðla að líflegra útliti,
t. d. með því að stórauka myndaefni í því.
Góðir ungmennafélagar, málgagn samtak-
anna rís aldrei undir merki sem slíkt, ef því
berst ekki f framtíðinni meira efni frá hinum
almenna fólaga en verið hefur undanfarin ár.
í Skinfaxa, málgagni íslenskra ungmennafé-
laga, eiga raddir allra byggðarlaga að koma
fram, ásamt fréttum af félagsstarfinu.
Einn megin þáttur í útbreiðsluherferð
stjórnar UMFÍ síðustu árin hefur beinst að því
að hvetja félögin og héraðssamböndin til þess
að efla alla kynningarstarfsemi á sínum veg-
um, t. d. með útgáfu fréttablaða. Þessu hafa
margir sinnt mjög myndarlega og innan félag-
anna hafa komið upp áhugasamir einstakling-
ar sem hæfileika hafa til ritstarfa og auga
fyrir öflun fréttaefnis og framsetningu þess.
Stjórn UMFÍ væntir þess að fyrr en seinna
taki þessir áhugasömu einstaklingar eða aðrir
að sér einskonar fréttafulltrúastörf fyrir sín fé-
lög eða sambönd gagnvart Skinfaxa, og geti
blaðið þá orðið lifandi málgagn tengiliður og
vettvangur skoðanaskipta ásamt því að flytja
félögunum og öðrum kaupendum blaðsins
fréttir af hinu fjölþætta starfi ungmennafélag-
anna í landinu.
Með tilkomu fastráðins starfsmanns við
Skinfaxa ætti að verða hægt að koma reglu
á útgáfutíma hans og tryggja fjárhagslega af-
komu blaðsins með stóraukinni sölu og söfnun
nýrra áskrifenda.
H.Þ.
SKINFAXI
3