Skinfaxi - 01.12.1976, Page 31

jók á sigurtilfinningu okkar var það,
að Wiklund reyndist óvígur eftir viður-
eignina við Sigurjón, er hann átti að
glíma í næsta skifti, en Pinnum leizt
ekki á blikuna, er þeirra bezti maður
var frá genginn.
Næsta dag var ekki glímt i flokki S.,
en þann 11. júlí hófst bardaginn á ný.
Það var fyrri lokaglíman („semifinal-
en“). Nú átti að glíma unz einir 3
stæðu eftir, er að eins einu sinni eða
aldrei höfðu beðið ósigur. Kl. 10,50 f. h.
var Sigurjóni skipað á móti Ungverja
nokkrum, Belavarga að nafni, er eins
stóð á fyrir og S., að að eins einu sinni
hafði beðið ósigur, og það einmitt fyrir
Oscar Wiklund, en munurinn varð sá,
að Belavarga hafði fallið fyrir W., og
það eftir miklu skemmri tíma, 42 mín.
Við vorum því allir vongóðir, en hætt
er við að S. hafi verið fullöruggur, því
þegar virtist okkur hann fara ærið
óvarlega í sviftingunum og sækja
brögðin of langt, en Ungverjinn vissi,
hverju hann átti að verjast. Við viss-
um heldur eigi fyrri til en að S. kast-
aðist út frá honum, var auðsjáanlega
hrundið í lok mishepnaðs bragðs. Velt-
ist þá S. einhvern veginn á bakið, um
leið og hann spratt sem elding á fætur,
til þess að rjúka á mótstöðumann sinn
að nýju, en dómarinn taldi hann hafa
komið við með herðarnar, og glím-
unni væri því lokið.
Sigurjón var því miður úr sögunni,
en það af helberri óheppni, að falla
þannig óþreyttur, fyrir manni sem
ekki aðeins fyrir einum, heldur
tveimum, hafði staðið sig ver en Sig-
urjón. Hann hafði sem sé einnig glímt
við Ágúst Rajala, — þann er Sigurjón
feldi á tveimur mín., — og sigraði
hann loks á stigafjölda (points), eftir
langa viðureign. Eins mátti telja það
fádæma óhepni, að fá fjóra Finna
í röð, en þeir fengu langflest verðlaun
í grisku glimunni, þessvegna vorum
við ekki sem ánægðastir með þessi
leikslok, þótt Sigurjón þegar hefði
gert landi voru svo mikinn sóma, og
vakið svo mikla eftirtekt, að við gát-
um verið stoltir af. Þessi Belavarga
hlaut þriðj u verðlaun, og glímdi í tvær
klukkustundir við Svíhann Ahlgren,
er hlaut önnur verðlaun ásamt Finn-
anum Böling, en fyrstu verðlaun voru
ekki veitt. Af því hefði mátt ráða að
Sigurjón hefði getað orðið þeim erfið-
ur, ef hann hefði getað lagt Ungverj-
ann Belavarga. Böling var ekki talinn
jafningi Wiklunds.
SKINFAXI
31