Skinfaxi - 01.04.1980, Page 22

Ungir skákmenn hjá UMSE.
Skák á vegum
UMSE
Skákáhugi hefur alla tíð
verið mikill meðal Eyfirðinga,
og virðist ekki vera á undan-
haldi, þrátt fyrir að sjónvarp
taki oft mikinn hluta frítíma
manna.
Skákmót UMSE hafa ávallt
verið fjörug, og þar hart barist
um hvert sæti og stig, hver
einstök skák vandlega íhuguð
og tefld. í sveitakeppni
UMSE hefur Umf. Skriðu-
hrepps borið höfuð og herðar
yfir andstæðinga sína, en þar
hafa verið fremstir í flokki
þeir bræður Ármann, Guð-
mundur og Rúnar Búasynir,
ásamt föður sínum, Búa Guð-
mundssyni, meðan hans naut
við. Einnig hefur Hreinn
Hrafnsson verið fastur maður
í skáksveitinni.
Á hraðskákmóti UMSE er
haldið var í desember s.l. varð
Guðmundur Búason hlut-
skarpastur, hlaut hann 10
vinninga af 12 mögulegum.
Kom sigur Guðmundur lítið á
óvart, en hann hefur unnið
hraðskákmótin undanfarin ár.
Annar varð Hjörleifur Hall-
dórsson en hann hefur einna
helst veitt Guðmundi keppni.
Hlaut Hjörleifur 91/2 vinning.
Hjörleifur teflir fyrir Umf.
Öxndælinga. Þriðji varð svo
Hreinn Hrafnsson með 9
vinninga. í 4.— 5. sæti urðu
þeir Davíð Haraldsson Umf.
Reyni og Reynir Helgason
Umf. Möðruvallsóknar með 7
vinninga og í 6. sæti varð
Ásgrímur Sigurðsson Umf.
Skriðuhr. með 6 v.
í keppni 16 ára og yngri var
keppnin geysihörð og þurfti
að tefla aukaskákir um K— 2.
sætið og 3.-4. sæti. Hlut-
skörpust um 1. sætið varð Ás-
rún Árnadóttir Umf. Öxn.
með 10+2 vinn. en í 2. sæti
varð Halldór Gunnarsson
Umf. Öxn. með 10 vinninga. I
3. sæti varð Sveinfríður Hall-
dórsdóttir hlaut hún 6V2 + 2
vinninga, 4. varð Hörður
Árnason með 6'/2 + 1 v. og í
5.—6. sæti urðu þeir frændur
Birgir Arason og Júlíus Guð-
mundsson með 4 vinninga.
Athyglisvert er að 6 efstu
keppendur í yngri flokki eru
allir félagar í Umf. Öxndæl-
inga og ættu þeir því að geta
komið með sterka skáksveit í
sveitakeppnina, á næstu
árum.
Allir þessir unglingar hafa
verið í skákliði skóla síns, und-
anfarin ár og þar hafa þeir að
sjálfsögðu öðlast dýrmæta
reynslu, sem þeir nú búa að.
Sá maður sem hvað mest
hefur aðstoðað og leiðbeint
þessum öxndælsku ungling-
um, er hinn þekkti skákmaður
Eyfirðinga, Hjörleifur Hall-
dórsson frá Steinsstöðum í
Öxnadal, en hann hefur
ávallt borið hag skáklistarinn-
ar fyrir brjósti og mikill hluti
frítíma hans hefur farið í að
þjálfa og stjórna skákmótum
meðal ungmennafélaga í
Öxnadal. Væri vel, ef fleiri af
okkar sterku skákmönnum
gætu séð af hluta frítíma
sínum, og miðlað ungu kyn-
slóðinni af þekkingu sinni og
reynslu á sviði skáklistarinnar.
Halldór Sigurðsson.
22
SKINFAXI