Skinfaxi - 01.12.1987, Blaðsíða 7

vallarhúsi í haust. Félagið fékk
styrk frá Mýrdalshrepp til
verksins, og á að reyna að gera
fokhelt í haust. í þessu húsi á að
verða búningsaðstaða í kjallara,
ásamt sturtum og salerni. “Við
ættum að geta sagt til um það á
þinginu eftir áramót hvort við
getur haldið næsta héraðsmót”,
sagði Guðný að lokum.
Það hefur mikið verið rætt og ritað
um sundlaugarleysi í Vík, og eru
allir á einu máli um það hversu
nauðsynleg framkvæmd það væri.
Þá mundi sundkennsla barna fara
fram hér, en ekki í næstu sýslu, og
þá er orðinn meiri möguleiki á því
að í framtíðinni verði keppt í sundi
milli ungmennafélaganna í
sýslunni. Sundlaugin á Klaustri er
opin hluta af árinu, og nýtist fyrir
sundkennslu á staðnum. En sökum
smæðar hennar þá er varla
grundvöllur fyrir sundkeppni í
eldri flokkum í henni.
íþróttahús yrði ekki síður vinsælt
hjá íþróttafólki og áhugamönnum
um boltaleiki, og myndi gjörbreyta
aðstöðu til æfinga, t.d. í handknat-
tleik kvenna, sem hefur alltaf verið
æfður úti við misjafnar aðstæður,
og körfubolta og blak sem hafa
verið keppnisgreinar hjá okkur í
nokkur ár. Þá hefur verið notast
við Félagsheimilin Kirkjuhvol og
Leikskála til skiptis, sem bjóða upp
á óviðunandi aðstöðu fyrir þessar
greinar. Stjórn USVS skorar á
ráðamenn í sýslu og
sveitarstjómum að athuga þessi
mál fyrir alvöru, því að íþróttahús
eða sundlaug verður ekki byggð á
einum degi, og því fyrr sem
eitthvað er gert í málinu því betra.”
(Úr fréttabréfi)...
Molar
Garöarshólmi nefnist
tímarit sem nú er nýkomið út. Það
er Ungmennasamband V-Skaftfel-
linga sem stendur fyrir útgáfunni
og fyrirhugað að hún vrði árviss.
Blaðið er í A-4 broti (tíma-
ritsformi) og er fyrst og fremst
hugsað fyrir fbúa á svæði USVS.
Því er dreift í hvert hús í sýslunni
og fjallar um starfsemi félaganna
innan sambandsins. í fram-
hjáhlaupi má einnig geta þess að
Um frjálsar, nýtt tímarit
FRÍ er ný komið út...
UIA lagði síðasta fréttabréf sitt
að miklu leyti undir íþróttir fyrir
almenning. Þar skrifaði Hermann
Níelsson pistil um þetta efni og er
þar margt forvitnilegt að finna.
Hermann telur almenningsiþróttir
eiga undir högg að sækja innan
íþróttahreyfingarinnar og álítur að
breyta þurfi “núverandi skipan og
skipulagi og taka upp nýjar
starfsaðferðir í þeim málafloki
sem snýr að hinum almenna bor-
gara. Hermann vill að
Trimmnefndin sem nú starfar in-
nan vébanda ÍSÍ verði jafnrétthá
hinum 18 sérsamböndum innan
ISI. Valkosti við núverandi
aðstæður segir hann vera þrjá og
tilgreinirþá. í fyrstalagi telur hann
rétt að sex héraðssambönd taki sig
til og stofni sérsamband um
íþróttaiðkun meðal almennings án
tillits til keppni. “Slíkt sérsamband
ynni í gegnum héraðssamböndin
og félögin að markmiðum
sínum.”, segir Hermann í
fréttabréfi UÍA. í öðru lagi vill
Hermann að lögum ÍSÍ verði breytt
á þann veg að íþróttaþing 1988
kjósi samkvæmt tillögum, stjórn
sérsambands til tveggja ára í senn
til að skipuleggja íþróttaiðkun
meðal almennings. í þriðja lagi
vill svo Hermann að “ISI verði
falið að skipa stjórn sérsambands
(til aðgreiningar frá nefndum) sem
hefði sjálfforræði til að vinna að
markmiðum sínum bæði hvað
varðar verkefnavalogfjáraflanir.”
Hér annars staðar á síðunni er
bent á gott gengi karlaliðs
Tindastóls í körfuknattleik í 1.
deildinni í vetur. Og Tind-
stælingar, eins og þeir eru
kallaðir á Króknum, þurfa sjálfsagt
ekki að kvarta undan verðugum
andstæðingum á næstunni. I
nóvember var dregið í fyrstu um-
ferð bikarkeppninnar í
körfuknattleik og Tindstælingar fá
Hauka í heimsókn á Sauðárkrók
eftir áramótin. Þess má geta að í
liði Hauka leikur nú Ingimar
Jónsson en hann er fyrrverandi
Tindstælingur. Ingimar þarf
sjálfsagt ekki að búast við að hann
verði tekinn silkihönskum í fyrsta
bíkarleik sínum á þessu
keppnistímabili...
UIA menn eru duglegir við
fjáraflanir þessa dagana. Nú
nýlega gáfu þeir út jólamerki UÍA
og hefur það fengið góðar viðtökur
hjá velunnurum sambandsins. A
merkinu er mynd af Eiðakirkju
sem átti einmitt 100 ára afmæli á
árinu sem er að líða. Þá er það
einnig tilhlýðilegt að Eiðar skuli
prýða merkið þar eð sá staður hefur
til angs tíma verið "heimili" UÍA.
En það eru fleiri sem gefa út slík
jólamerki. Dalamenn (UDN) hófu
í fyrra útgáfu slíks merkis og gera
halda því áfram í ár. Það gera
einnig Borgfirðingar...
Skinfaxi
7