Skinfaxi - 01.06.1988, Blaðsíða 6
Molar
Huginn er ungmennafélag þeirra
Fellabúa við Egilsstaði. Þar hefur ekki
verið mikið starf undanfarin ár. Nú er hins
vegar orðin þar nokkur breyting. Meðal
áhugasamra stjórnarmanna er
formaðurinn, Maríanna Jóhannsdóttir.
Hún sagði í samtali við Skinfaxa að nú í
sumar væru fyrirhugaðar
knattspyrnuæfingar hjá litlu krökkunum.
Huginn sendir tvo unglinga á
þjálfaranámskeið nú í byrjun sumars og
þeir taka síðan að sér
knattspyrnunámskeið. Göngudagur
fjölskyldunnar verður haldinn hátíðlegur
á vegum Hugins, Maríanna sagði að
fengist hefði öðlingsmaður til að stjóma
göngunni og segjafrá staðháttum og sögu.
Mikill hugur í Huginsmönnum...
Halldóra Jónsdóttir
starfsmaöur hjá HSK
Ráöinn hefur verið nýr starfskraftur til Héraðssambandsins Skarphéðins. Sú heitir
Halldóra Jónsdóttir, fyrrum frjálsíþróttakona úr UÍA. Hún hefur nú verið búsett á
Selfossi um nokkurt skeið. Mun hún gegna störfum framkvæmdastjóra í júní og júlí
en verður síðan í hálfu starfi eftir það með nöfnu sinni Halldóru Gunnarsdóttur sem
gegnt hefur framkvæmdastjórastarfi hjá Skarphéðni í nokkur ár við góðan orðstír.
Skinfaxi býður Halldóru Jónsdóttur velkomna til starfa.
Þetta er nýr landsliðsþjálfari sem
stjórn FRI hefur ráðið til starfa,
Guðmundur Karlsson, heitir hann og
væntir stjórn FRI mikils af starfi hans.
Eins og Ágúst Ásgeirsson sagði frá í
viðtali í síðasta Skinfaxa verður
Guðmundur fyrst og fremst ráðgefandi
þjálfari og er búist við að Guðmundur
móti starfissvið sitt og markmið að miklu
leyti sjálfur. Skinfaxi óskar Guðmundi
góðs gengis í starfinu.
Unnar Vilhjálmsson frá UÍA náði
góðum árangri í tugþraut nú á dögunum,
er hann fékk 6594 stig, og er eins víst að
íslandsmetið farið að verða í hættu. Hann
er í góðu formi þessa dagana, og ætlar að
eigin sögn að einbeita sérað tugþrautinni
í framtíðinni. Það er gott til þess að vita
fyrir UÍA menn að eiga hann að á næstu
árum....
Jónsmessuhátíð UÍA verður í
Atlavík helgina 24.-26. júní. Þessi hátíð
er byggð upp sem fjölskylduskemmtun og
verður ýmislegt til skemmtunar, svo sem
grillveisla, ratleikur, siglingar, leiklist,
jass og margt fleira. Þaðerlögðáhersla á
að þetta verði vímulaus hátíð fyrir alla
fjölskylduna....
usu hélt formannafund í lok apríl, og
mættu þar formenn allra félaga nema
tveggja, auk stjórnar USU og
framkvæmdastjóra. Þar kom fram að
haldin voru Dómaranámskeið og A-stigs
leiðbeinendanámskeið í frjálsum 15.-17.
apríl s.l., einnig var rætt um þjálfun í
sumar. Þórgunnur Torfadóttir mun taka
að sér þjálfum og talað hefur verið við
Guðrúnu Ingólfsdóttur í sambandi við
þjálfun úrvalsliðs USU. Einnig kom fram
sú hugmynd að halda uppskeruhátíð að
loknu sumarstarfinu og fékk hún góðar
undirtektir....
Framkvæmdastjóranámskeiö
var haldið dagana 4-5 júni í Vík í Mýrdal,
og mættu þar framkvæmdastjórar flestra
héraðssambanda á landinu. Margt var
gert til skemmtunar utan fundahalda,
meðal annars grill veisla og
knattspyrnuleikur. Farið var í gönguferð
á föstudagskvöldinu þegar búið var að
sitja við í rúma tvo tíma, og skoðað
nágrenni þorpsins. Daginn eftir var svo
farið í siglingu á Hjólaskipi og voru
Reynisdrangar skoðaðir í krók og kring og
farið í land hjá stuðlabergshellinum í
Reynisfjalli. Á heimleiðinni stökk maður
fyrir borð þegar stutt var í land og synti
síðustu metrana upp í fjöru. Þennan mann
þekkja flestir sem komið hafa í
Þjónustumiðstöð UMFI...
6
Skinfaxi