Skinfaxi - 01.12.1990, Blaðsíða 34

í Þ R Ó T T I R
Urslit hestaíþrótta á
20. Landsmóti UMFÍ
Hestaíþróttir voru sýningargrein á
Landsmótinu í Mosfellsbæ 12.-15. júlí
í sumar.
Keppni fór fram í öllum greinum
hestaíþrótta, en einnig var keppt í 250
metra skeiði, sem hestamenn hafa ekki
skilgreint sem hestaíþrótt hingað til,
þótt kappreiðaskeið sé í eðli sínu hrein
og klár íþrótt.
Alls tóku átta héraðssambönd þátt í
mótinu og mun það ný reynsla fyrir
hestamenn að taka þátt í móti sem þessu
því frekar lítið hefur verið um að þeir
keppi í sveitakeppni líkt og nú var. Þá
var það einnig ný reynsla að keppa
undir nafni héraðssambands, þar sem
fyrrum keppinautar voru nú orðnir
samherjar.
Það er von hestamanna að þeir hafi með
þátttöku sinni í Landsmóti UMFÍ tryggt
sig í sessi innan ungmennafélags-
hreyfingarinnar. Og er það von þeirra
að hestaíþróttir verði teknar inn í
stigakeppni sambandanna fyrir 21.
Landsmót UMFl á Laugarvatni 1993.
Ef svo fer má búast við að teflt verði
fram sterkustu keppendum hvers
héraðssambands.
Hestamenn eru í senn glaðir og þakklátir
að vera komnir inn í hlýjuna hjá
hreyfingunni. Þeir hafa haft þá staðföstu
trú að þar ættu þeir heima. Þátttaka í
Landsmótinu hefur gert hestamenn
meðvitaða um að þeir væru alvöru
íþróttamenn og eru þeir nú smátt og
smátt að læra hvernig þessi sterku
samtök vinna í reynd. Það er von
hestamanna að þeir geti lagt sitt að
mörkum til þess að efla mátt ungmenna-
og íþróttahreyfingarinnar í heild sinni.
V. K.
Trausti Þór Guömundsson, UMSK mætti til leiks meö Muna frá Ketilsstööum, sem er án efa einn besti
gæöingur landsins.
Tölt Hestur Félag
1. Trausti Þór Guðmundsson Muni UMSK
2. Vignir Siggeirsson Vaka HSK
3. Hrönn Asmundsdóttir Eldur UMFK
4. Magnús Lárusson Þokki UMSS
5. Páll Bjarki Pálsson Snælda UMSS
6. Þorgerður Guðmundsdóttir Sóti UMFK
Fjórgangur
1. Vignir Siggeirsson Vaka HSK
2. Magnús Lárusson Þokki UMSS
3. Hrönn Asmundsdóttir Eldur UMFK
4. Þóra Brynjarsdóttir Gammur UMFK
5. Björn Olafsson Goði UMSK
6. Þorgerður Guðmundsdóttir Sóti UMFK
Fimmgangur
1. Jóhann Skúlason Prins UMSS
2. Einar Öder Magnússon Fálki HSK
3. Hulda Gústafsdóttir Sindri UMSK
4. Trausti Þór Guðmundsson Fölvi UMSK
5. Haraldur Sigvaldason Loki UMSK
6. Hermann Ingason Hjúpur USAH
r
34
Skinfaxi