Skinfaxi - 01.08.1992, Blaðsíða 22

kúlu, kringlu og spjót. Þetta eru þær
greinar sem við höfum náð lengst í og
hægt er að notfæra sér þá þekkingu og
reynslu sem til er. Því miður sé ég ekki
að eitthvað sé að gerast í þeim efnum.
Það sem þyrfti nauðsynlega að gera
hér á landi er að byggja fjölnota íþrótta-
höll og það er líka brýnt að bæta
aðstöðuna úti á landi og kaupa tæki. Ég
tel íslenska þjálfara ekkert lakari en
erlenda og er sjálfur svo heppinn að ég
tel mig hafa besta tækniþjálfarann á
landinu. Samkeppni um fólkið er
vissulega mikil og boltaíþróttirnar eru
sterkar. E.t.v. fara
margir í þær sem hefðu
getað staðið sig betur í
frjálsum, því það er
ekkert sérstaklega
glæsilegt að leggja
stund á frjálsar íþróttir
eins og uppbyggingin
hefur verið. Á nýja
Laugardalsvellinum er
að mínu mati besta
spjótkastsaðstaða í
heimi ef vindur stendur
rétt á völlinn, og mér
hentar best að hafa hlið-
arvind á hægri hönd. Ef
rétt er að hlutunum
staðið hér á landi væri
hægt að auka áhugann
þannig að fólk sæi
framtíð í því að stunda
frjálsar íþróttir. FRÍ á að fá að starfa og
hugsa um velferð íþróttarinnar og
íþróttamannsins."
Verður þú var við lyjjanotkun í íþrótt-
um?
„Ég hef ekki orðið var við lyfja-
neyslu, en það er staðreynd að hún er til
staðar. Maður þykist sjá fólk sem breyt-
ist frá einum tíma til annars, en það talar
enginn um það. Ég man eftir því að á
01 1984 þá var boðið upp á heilsute í
mötuneytinu og efni í því voru á bann-
lista og það var tekið af matseðlinum.
Svona getur þetta verið og allur er
varinn góður, í flestum kvefmeðulum
eru t.d. efni sem eru á bannlista og þar á
meðal er kaffi og kódimagnýl. Við erum
með lyfjalista en heitin á lyfjunum eru
ekki alltaf þau sömu. Asmalyfið sem
Krabbe tók er t.d. ekki á banniista sem
ÍSÍ gaf út 1992. Það er ekki staðið nógu
vel að þessum málum því lyfin eru sett
fyrirvaralaust á bannlista án þess að
íþróttamönnunum eða almenningi sé
tilkynnt um það, og það getur tekið einn
til tvo mánuði frá því að lyfið kemst inn
á bannlista og þar til íþróttamaðurinn
fær vitneskju um það.“
Herbergið fylltist af
hvítum duftmekki
Kanntu að segja frá einhverjum
skemmtilegum atvikum ?
„Ég er jafn góður að segja sögur og
brandara, ég kann hvorugt,“ segir Siggi
og hlær sínum smitandi hlátri.
„Inni á vellinum er maður að keppa
og það er yfirleitt eftir keppnimar sem
atvikin eiga sér stað. Ég man t.d. eftir
mjög skemmtilegu atviki í Monte Carlo
1989 þegar við kastararnir vorum að
keppa í Grand Prix-úrslitum. Þá buðu
Japanirnir okkur á japanskan matsölu-
stað og þeir héldu stöðugt ræður yfir
borðum, sem voru nær allar á japönsku,
en þó ein og ein á ensku. Loksins kom
smáhlé og þá stóð Einar upp og hélt
ræðu á ,japönsku“. Það litu allir upp og
voru alveg undrandi yfir þessu, en Einar
talaði á ensku með japönskum hreim og
gerði mikið grín að þeim.
Það gerðist líka einu sinni í Köln að
Svíarnir buðu mér upp á herbergi til sín
til þess að spjalla. Þar var líka sænskur
karl sem hefur hjálpað mér mikið í
gegnum tíðina og hann fékk svona heift-
arlegt tak í bakið. Við spjótkastararnir
erum vanir því að vera með tak í bakinu
og nuddum þá hvor annan. Ég segi því
við hann að ég skuli nudda þetta úr
honum og spyr hvort hann eigi ekki
einhverja olíu. Nei, hann var ekki með
neina olíu og þá segi ég honum að bíða
aðeins á meðan ég hleyp til þess að ná í
hana. Ég fer fram á gang og sé slökkvi-
tæki hangandi á veggnum og hugsa með
mér, nú stríði ég þeim aðeins, hann
liggur þarna á maganum og býður eftir
því að ég komi með olíuna. Ég hélt að
þetta væri vatnstæki og fer með það inn
í herbergið og ætla að sprauta vatni á
bakið á honum, en þá var þetta dufttæki
og allt herbergið fylltist á augabragði af
hvítum duftmekki. Ég sá það ráð væn-
legast að hlaupa eins og
fætur toguðu út á gang-
inn, setti tækið upp á
vegg og flýtti mér inn í
herbergið mitt, lokaði því
og læsti.“
Biaðamenn
hafa mikil
áhrif
Hvernig finnst þér um-
jjöllun jjölmiðla um
íþróttir vera ?
„Oft á tíðum finnst
mér umfjöllunin neikvæð
þó svo að árangurinn sé
vel viðunandi og góður.
Það er bara búið að mata
fólkið á of góðu. Við er-
um engin milljónaþjóð, en höfum náð
frábærum árangri vegna þess að við
erum kröfuhörð í ýmsum greinum. En
menn eru ekki alltaf á toppnum og við
getum ekki farið á hvert einasta mót og
sett met. Ég læt blaðaskrif ekki hafa
áhrif á mig og ef ég færi að setja mig í
einhverjar stellingar út af umfjöllun þá
væri ég ekki ég sjálfur og væri farinn að
laga mig að þeim sem skrifar. Mér
finnst margir blaðamenn mega vera bet-
ur upplýstir og betur inni í málum áður
en þeir taka upp pennann, samanber
ótrúleg skrif um mig og Nemeth-spjótin
þegar því var haldið fram að ég kastaði
ólöglegum spjótum, sem ekki var rétt.
FRÍ ætti að hafa sérstakan blaðafullrúa
til þess að upplýsa blaðamenn um svona
mál og önnur og fræðsla um margt sem
viðkemur íþróttum í blöðunum þarf að
vera ítarlegri, t.d. eins og varðandi
vindáttir í spjótinu, eða hvernig utanað-
komandi áhrif geta haft áhrif á spjótkast.
Það vantar líka jákvæða umfjöllun í
Sigurður ásamt konu sinni Deboru Anne og dótturinni Önnu Victoriu.
22
Skinfaxi