Skinfaxi - 01.05.1993, Page 23

Sigurður B. Stefánsson og María Rún Hafliðadóttir við hljóðnemann.
UMFÍ á FM 95,7:
Fjallað um
ýmsa
þætti starfsins
Hleypt hefur verið af stokkurtum
nýjum og sperinandi þætti á
útvarpsstöðinni EFF EMM 95,7.
Hann verður á dagskránni annað
hvert fimmtudagskvöld í sumar,
strax að loknum „ Vinsældarlista
íslands“ á milli klukkan 22 og 24.
Verður hann síðan endurtekinn
sunnudagskvöldið á eftir, á milli
klukkan 19 og 21.
í þessum þætti verður meðal annars
gerð grein fyrir öllu því helsta sem
ungmennafélögin verða að fást við í
sumar. Stjórnendur hans eru María Rún
Hafliðadóttir, fegurðardrottning íslands
1992, og Sigurður B. Stefánsson stór-
kapelán hjá IOGT.
Það þótti upplagt að hafa samband við
Sigurð og fá nokkrar upplýsingar um þetta
skemmtilega framtak á öldum ljósvakans.
,,Það sem við ætlum okkur fyrst og
fremst með þessum þætti, er að fjalla sem
mest um félagsmál ungs fólks og um-
hverfismál. Við ætlum að taka púlsinn á
þeim hlutum sem eru að gerast á þessu
sviði hverju sinni. í því sambandi má
nefna skógræktardaga, sem haldnir verða í
sumar, hin ýmsu íþróttamót á vegum
UMFÍ og þar fram eftir götunum. Við
munum einnig fylgjast með því helsta sem
verður að gerast á meðal ungtemplara. I
hverjum þætti munum við verða með
umfjöllun um stangveiðar. Ymislegt fleira
er fyrirhugað að taka fyrir, þegar reynsla
verður komin á þáttinn. Hann er
sjálfstæður, en IOGT leggur málinu lið og
styrkir gerð hans hverju sinni.“
-Eiga félagsmenn hinna ýmsu félaga
innan UMFÍ kost á því að hafa samband
við ykkur og koma með ábendingar um
efni?
,,Já, að sjálfsögðu. Við hvetjum þá
eindregið til þess að hafa samband við
okkur ef eitthvað er á döfinni,- ýmist með
því að miðla til okkar upplýsingum ellegar
koma til spjalls í þættinum, sem stendur
þeim að sjálfsögðu opinn.“
Ársþing HHF:
Tvö ný fé-
lög í sam-
bandið
Ársþing Héraðssambandsins
Hrafnaflóka var haldið 9. maí sl. Þar
var m.a. samþykkt að veita tveim
nýjum félögum inngöngu í sambandið.
Það eru Golfklúbbur Patreksfjarðar og
Golfklúbbur Bíldudals.
Á þinginu urðu miklar umræður um
skiptingu lottótekna. Var samþykkt að
vinna að tillögum u'^ breytingu þar á
og kynna þær vel fyrir næsta þing. Þá
var rætt um fjölda fulltrúa, en fram til
þessa hefur það verið föst tala, þrír
fulltrúar á hvert félag. Var samþykkt
að breyta því þannig, að nú verður einn
fulltrúi fyrir hverja fyrstu fimmtíu í
félagatali.
Formaður Hrafnaflóka er nú Kristín
Gísladóttir, ritari er Kristjana Andrés-
dóttir, gjaldkeri er Hildur Valsdóttir.
USÚ:
Þjálfaramál í
brennidepli
Ársþing Ungmennasambandsins
Úlfljóts var haldið í Heppuskóla í
marsmánuði síðastliðnum. Til umræðu
kom meðal annars sameining liða USÚ
og USVS í bikarkeppni. Hugmyndir
þar að lútandi hafa verið uppi um
nokkurt skeið, en engin ákvörðun
tekin. Var samþykkt að setja málið í
nefnd og athuga alla fleti þess.
Þá var mikið rætt um þjálfaramál.
Erfitt hefur reynst að halda úti þjálf-
urum víða til sveita sökum fámennis.
íþróttamaður ársins 1992 var
kjörinn Rósa Steinþórsdóttir, fyrir
góða frammistöðu í knattspyrnu.
Formaður USÚ er Gunnar Þor-
steinsson, Björn Guðbjörnson er
gjaldkeri, Hreinn Eiríksson vara-
formaður, Ingólfur Baldvinsson ritari
og Pálmar Hreinsson meðstjórnandi.
Skinfaxi
23