Skinfaxi - 01.05.1993, Page 35

Hermundur Sigmundsson og Þorsteinn Sigurjónsson:
ALDREI OF SEINT!
Líkamsþjálfun fyrir miðaldra og eldri
Líkamsþjálfun hefur alltaf
verið mikilvægur þáttur í
mannlegu samféiagi. En
með aukinni iðn- og
tæknivæðingu og
breyttum lífsvenjum á
undanförnum áratugum
hefur líkamsþjálfun fólks
farið minnkandi. Dagleg
hreyfing alls þorra manna
hefur minnkað og störfum
fækkað sem reyna á
líkamlegt atgervi. Af
þessum sökum hefur
ýmsum svokölluðum vel-
ferðarsjúkdómum fjölgað,
svo og skaða af völdum
þátta úr umhverfi okkar.
Þetta má líka orða svo að
þjóðfélagið sem heild
stuðli að hreyfingarleysi
almennings sem sést best
á atvinnumynstri og
breyttri samsetningu
fjölskyldunnar.
Með líkamsþjálfun getur
miðaldra og eldra fólk aukið
orku sína og orðið þannig betur
í stakk búið til að mæta kröfum
hins daglega lífs.
Hvað er
heilbrigði?
Orðin heilbrigði og heilsa
heyrast oft í daglegu tali. Eldra
fólk spyr oft hvert annað:
„Hvernig er heilsan?” I dag-
blöðum og tímaritum eru
fyrirferðarmiklir þættir og
greinar um það hvernig fólk
skuli haga lt'fi sínu frá degi til
dags og hvernig lækna megi og
koma í veg fyrir ýmsa sjúk-
dóma og kvilla.
Segja má að heilbrigði
byggist á þremur nieginþáttum:
Líkamleg heilsa: m.a. starf-
semi líffæra.
Andleg heilsa: það að geta
staðist andlegt álag og brugðist
rétt og skynsamlega við því
sem fyrir okkur ber.
Félagsleg heilsa: sá eigin-
leiki að geta umgengist fólk og
starfað með því.
Allir þessir þættir verða að
fara saman og hafa jákvæð
formerki til þess að einstakl-
ingnum líði vel og geti lifað
heilbrigðu lífi eins og gjarnan
er komist að orði. Þessu má
einnig lýsa með eftirfarandi:
Myndin sýnir þrjú tannhjól
sem grípa hvert inn í annað og
„drífa heilsuna áfram”. Ef
vélin á að geta gengið rétt og
örugglega verður jafnræði að
ríkja á milli hjólanna þriggja.
Það má segja að heilsan sé eins
og reiðhjól, - og til þess að það
komist áfram verða allir hlutir
þess að vera í lagi. Það sarna
gildir um heilsuna. Hvert hjól
er jafnmikilvægt og hver
smáhlutur. Það þarf því að
halda öllum hlutum við eins og
kostur er. Samspil hinna ýmsu
þátta heilsuvélarinnar er við-
kvæmt og flókið. Því ber okkur
að taka tillit til þess, - með
daglegu hátterni okkar eins og
góðu mataræði og hreyfingu.
Samspil
einstaklings og
þjóðfélags
Mikilvægt er að í þjóð-
félaginu séu skapaðir fjöl-
breyttir ntöguleikar svo að
einstaklingurinn hafi um sem
flesta kosti að velja þegar hann
kýs sér þá braut sem hann vill
feta eftir í lífi sínu. Taka
verður tillit til allra aldurshópa
og ekki síður til miðaldra og
eldra fólks en til barna og
unglinga. Með því að byggja
upp aðstöðu, skapa möguleika
og veita fjármagn til þeirra
félagasamtaka sem vinna fyrir
Þeiinfer stöðugt fjölgandi, sem stunda einhvers konar líkamsþjálfun.
Skinfaxi
35