Skinfaxi - 01.08.1993, Blaðsíða 10

Sunna segist kappkosta að taka þátt í öllum stœrrí mótum.
Ég reyni að æfa fímm sinnum
í viku, tvo til þrjá tíma á dag. I
fyrra vetur æfðum við í fþrótta-
höllinni þar sem við byggðum
okkur upp með því að lyfta, við
lyftum yfirleitt eitthvað á hverj-
um degi. Snerpuna reyni ég líka
að þjálfa eftir bestu getu. Þegar
vorar og styttist í keppnistíma-
bilið höldum við út á völl þar
sem ég tek einnig langa spretti,
svo sem 250 metra, til þess að
auka úthaldið um Ieið.
A Akureyri æfi ég undir leið-
sögn Jóns Sævars Þórðarsonar. A
sumrin kemur hann hingað á
Blönduós einu sinni í viku. Þess
á milli æfí ég eftir sérstakri áætl-
un sem hann hefur útbúið fyrir
mig. Svo er það alltaf spurningin
hvenær maður er í bestri þjálfun,
það er svo misjafnt. 1 fyrra náði
ég markmiði mínu að vera í
besta forminu á Norðurlanda-
mótinu í Finnlandi í ágúst, þá
bætti ég mig bæði í 100 og 200
metrum.
Auðvitað hlýtur það að vera
best að geta æft á völlum eins og
við þekkjum í Mosfellsbæ og nú
síðast í Laugardalnum í Reykjavík, þar
sem brautirnar eru lagðar gerviefni. Það er
mikill munur að hlaupa á því, það gefur
góða fjöðrun upp í sólann. Maður nær
miklu betri árangri við slíkar aðstæður, það
getur munað heilmiklu.”
- Þú ert dugleg við að taka þátt í mót-
um.
„Ég kappkosta að taka þátt í öllum
stærri mótum. Það kemur tvennt til, - þau
fara jafnan fram á bestu völlunum og í
annan stað þá fær maður þar svo góða
keppni. Á litlu mótunum, sem haldin eru á
malarvöllum og við erfiðari skilyrði, fæ ég
yfirleitt mjög litla keppni. Þess vegna
verður árangurinn mun lakari. “
Sunnutindur
- Hefurðu nokkurn tíma fyrir önnur
áhugamál?
„Ég á ekki margar frístundir
þegar keppni og æfingum sleppir
yfir sumartímann. Ég hef því ekki
tíma til að fara út að skemmta mér
um helgar, því að ég er yfirleitt
aldrei heirna. Ég reyni að taka þátt
í sem flestum mótum, - ekki til
þess að safna verðlaunapeningum
heldur til þess að reyna að bæta
mig. Slíkt er þáttur í þjálfun minni
og uppbyggingu sem íþrótta-
manns. Ég verð að vera mjög hörð
við sjálfa mig ef ég ætla að geta
haldið út sumarið.“
- Hvað er mikilvœgast fyrir
spretthlaupara ?
„I 200 metra hlaupi þarf maður
að hafa gott úthald til að geta
klárað sprettinn í gegn, í stað þess
að vera búin að vera eftir 150
metra. Það er jafnframt nauðsyn-
legt að hafa gott viðbragð. í 100
metrunum má segja að það sama
sé upp á teningnum.“
- Framtíðardraumar?
„Mig dreymir um að komast
utan í skóla eftir stúdentsprófið, ef
til vill til Bandaríkjanna þar sem ég
gæti æft við bestu aðstæður og
jafnvel hlotið einhvern styrk út á
árangur minn í íþróttum.“
- Helstu áhugamál að íþróttunum
slepptum ?
„Ég hef mjög gaman af að fara á
hestbak en því miður hef ég lítinn tíma til
þess. Foreldar mínir eru með hross hér á
Blönduósi. Ég á einn hest, sem heitir
Sunnutindur, - hann er aðeins þriggja vetra
og því er ekki farið að temja hann ennþá.
Mig langar til að spreyta mig á því ef ég
hef tök á.“
Vísnaþáttur
Vinaflokkur vísnaþáttarins er þunnskip-
aður að þessu sinni. Þó bárust honum þrír
botnar. Meðal þeirra sem sendu inn er
hagyrðingur sem kýs að kalla sig N.N.
Hann sendir sendir eftirfarandi botn:
Þegar haustið hallar að
hljótt ég óska og vona,
ífaðmi mér sérfmni stað
fögur íslensk kona.
Vignir Örn Pálsson sendir einnig inn
botn, sem er svona:
Þegar haustið Itallar að
hljótt ég óska og vona,
að veðurblíðu bjóði það
beggja vegna nóna.
Loks sendir „Fjallkona“ þættinum línu.
Hún segist iðulega hafa ætlað að senda
botna, en það hafi aldrei orðið meira en
ásetningurinn einn fyrr en nú. Hennar
framlag er eftirfarandi:
Þegar haustið hallar að,
hljótt ég óska og vona,
að lánið cetíð leiti í hlað
landsins dætra og sona.
Þegar næsta blað kemur út verður hugur
manna farinn að reika til verkefna næsta
árs. Það mun bera margt athyglisvert í
skauti sér. Nægir að nefna að íslenska lýð-
veldið verður hálfrar aldar. Landsmótshátíð
verður á Laugarvatni og sveitastjórnar-
kosningar fara fram.
Fyrriparturinn er settur saman með allt
þetta í huga:
Landsmótsár og lýðveldis,
og loks þú kostið getur.
Kærar kveðjur,
Ingimundur
10
Skinfaxi