Skinfaxi - 01.08.1993, Blaðsíða 16

Þráinn Hafsteinsson landsliðsþjáífari:
Gengi einstaklinga
og liða sumarið 1993
Þegar þetta er skrifað er keppnis-
tímabili frjáisíþróttamanna að
mestu lokið. Því er sjálfsagt að at-
huga og meta gengi hinna ýmsu
einstaklinga og liða á sumrinu.
Liöin
Þegar starf og gengi hinna einstöku liða
er skoðað kemur óneitanlega fyrst fram í
hugann hrun KR-liðsins til grunna, í þriðja
skipti á tíu ára tímabili. A sama tíma koma
Armenningar upp með mjög skemmtilegan
hóp spretthlaupara og gott starf í öllum ald-
ursflokkum. Breiðabliksmenn hafa sótt sig
verulega og eiga nú á að skipa einu af
sterkustu liðum landsins, sem sigraði í Bik-
arkeppni 2. deildar af miklu öryggi. HSK
sigraði nú í Bikarkeppni 1. deildar í annað
sinn og hefur á að skipa jöfnu liði með
mikla baráttujaxla og topp afreksfólk, á-
samt ungu og efnilegu keppnisfólki sem
fær smátt og smátt æ stærra hlutverk í lið-
inu.
HSK-svæðið hefur undanfarinn áratug
verið ein helsta uppeldisstöð frjálsíþrótta-
fólks á landinu. Borgarfjarðarsvæðið er nú
farið að gegna sama hlutverki, sem sýnir
sig meðal annars í sigri UMSB í Bikar-
keppni 16 ára og yngri. Auk þess á sam-
bandið mestan fjölda unglinga í unglinga-
landsliðunum í frjálsum.
Gott starf er unnið víða um land og
mætti þar nefna HSÞ, sem hefur á að skipa
mjög sterku unglingaliði, UMSE og
UMSS, sem eru með mjög sterka einstak-
linga innan sinna raða. IR-ingar eru að
koma upp með efnileg lið í yngstu flokkun-
um en vantar tilfinnanlega sterkari einstak-
linga í unglingaflokkana auk þess sem
keppnisflokkur eldri kynslóðarinnar er
frekar þunnskipaður. FH-ingar sýndu mikl-
ar framfarir í yngri flokkunum og eiga
mjög efnilega unglinga. Bikarlið þeirra var
með veikara móti nú vegna fjarveru
Súsönnu Helgadóttur, en þeir verða án efa
mjög sterkir á næsta ári. Barna- og ung-
lingastarfið er einnig öflugt í Aftureldingu,
á HSH-svæðinu og UIA-svæðinu, sama er
hægt að segja um UFA á Akureyri.
Mótin
Af mótum á árinu standa að mínu mati
þrjú upp úr þar sem íslenskt frjálsíþrótta-
fólk kom við sögu. Reykjavíkurleikarnir
17. júní voru mjög ánægjulegt framfara-
spor, sem heppnaðist vel og sannaði að al-
þjóðleg mót eiga að vera fastur liður á
hverju keppnistímabili hér á landi. Evrópu-
bikarkeppni landsliða í Kaupmannahöfn er
eftirminnilegt. Þar náði lið Islands upp
mikilli stemningu og er langt síðan landslið
héðan hefur náð að sýna jafnmikla sam-
stöðu og svo gott keppnisskap. Árangur
liðsins var líka mun betri en í síðustu
keppni fyrir tveimur árum. - Kvennaliðið
sigraði meðal annars lið Eistlands.
Þriðja mótið, sem verður að teljast til
framfarasporanna þriggja, var Bikarkeppni
FRÍ í 1. og 2. deild, sem haldin var á aðal-
leikvangi Laugardalsvallar, við frábærar
aðstæður. Mótið bauð upp á góð afrek,
mikla keppni í einstaklingsgreinum og
gríðarlega spennu á mörgum vígstöðvum í
stigakeppni félaganna. Upplýsingar og um-
fjöllun fyrir keppnina og tölulegar upplýs-
ingar voru nú settar fram í fyrsta skipti. Allt
þetta gerði Bikarkeppnina að þeirri frjálsí-
þróttahátíð sem henni ber að vera.- En þrátt
fyrir þessi góðu mót er ljóst að mótahaldið í
heild sinni þarf að endurskoða verulega og
gera keppnistímabilið heilsteyptara, bæði
innanhúss- og utan.
Spretthlaup konur
Geirlaug Geirlaugsdóttir Á, Guðrún
Arnardóttir Á, Snjólaug Vilhelmsdóttir
UMSE og Sunna Gestsdóttir USAH bættu
íslandsmetið verulega f 4x100 m boðhlaupi
Frú bikarkeppni FRI.
16
Skinfaxi