Skinfaxi - 01.12.1993, Qupperneq 17

Lagt afstað í veiðitúr með einn hópinn.
hún þeim af myndbandi ýmislegt sem
hún hefur tekið af þeim á æfingum og í
keppni síðasta árið. Um 30 börn hafa
tekið þátt í starfinu að vetrinum en
miklu fleiri á sumrin, eða um 50. Arný
segist í raun hafa tekið við starfinu sem
þjálfari Oðins af föður sínunr, - með
nokkuð sérstökum hætti þó, en hún hóf
störf fyrir 10 árum.
„Það vill svo skemmtilega til að
faðir minn, Heiðar Arnason, annaðist
þetta þegar ég var 14 og 15 ára gömul.
Starfsemin lagðist af í eldgosinu 1973
og lá niðri í 18 ár. Ég fluttist þá aftur
til Eyja og tók þráðinn upp að nýju
ásamt Önnu Díu sem var íþrótta-
kennari hér. Hún bað mig að hjálpa sér
við þetta og störfuðum við saman í tvö
ár. Þá hélt hún til útlanda og hef ég
verið ein með þjálfunina eftir það.
Þetta er mikið starf. Það er ekki ein-
ungis fólgið í þjálfuninni heldur ekki
síður því að halda utan um starfsemina.
Maður verður að vera vinur og félagi
barnanna, það er aðalatriðið.
Nú stefnum við á þátttöku í lands-
mótinu og ætlum við að leyfa öllum
krökkunum að fara þangað. Það var
mjög gaman síðast, en það var í fyrsta
skipti sem við tókum þátt í landsmóti.
Ég tók sjálf þátt í fyrsta sinn og fannst
það mjög skemmtilegt.“
Hætti að æfa
Árný keppir sjálf í frjálsum íþrótt-
um, eins og áður sagði, og hefur verið
að gera góða hluti.
„Ég hætti að æfa frjálsar íþróttir
þegar ég var að komast á toppinn, 15
ára, þá fór þetta út í vitleysu hjá mér.
Ég keppti aðallega í langstökki og
spretthlaupum. Ég hef nú tekið til við
æfingar og keppni að nýju og á nú
Islandsmet í flokki 35-40 ára úti og
inni í langstökki og þrístökki, sem ég
náði í sumar. Þegar ég var 15 ára stökk
ég lengst 5,13 metra en núna er ég
komin í 5,36 og orðin 38. Mér finnst
það mjög gott - að vera farin að
stökkva lengra núna en þegar ég var
meira en helmingi yngri.
Fyrir tveimur árum tók ég í fyrsta
skipti þátt í Norðurlandamóti öldunga,
en þá hafði ég aldrei keppt í útlöndum.
Ég keppti í fjórum greinum og kom
heim með þrenn verðlaun, gull fyrir
þrístökk, silfur fyrir langstökk, sem
dugði mér til íslandsmets, og brons
fyrir grindahlaup. Ég var auðvitað
mjög ánægð með árangurinn.“
- Stefnirðu á landsmót næsta sum-
ar?
„Já, að sjálfsögðu en næsta stórmót
Það er videokvöld framundan og eftirvcent-
ingin leynir sér ekki.
sem ég tek þátt í er íslandsmót öldunga
í febrúar. ‘ ‘
- Eitthvað að lokum?
„Mig langar að láta það koma fram
að það er aldrei of seint að byrja að
æfa frjálsar íþróttir. Iþróttirnar eru líka
góður félagsskapur og það er hollt og
gott fyrir hvern og einn að stunda þær
að einhverju marki.“
Vaskur hópurfrá Umf Óðni í nýjum búningum á Gogga galvaska-mótinu.
Skinfaxi
17