Skinfaxi - 01.10.1995, Page 34

Fypst til að \iniia 1
S m á|) j óðaleikunum
Hrafnhildur Hannesdóttir, tenniskona hjá
Fjölni, er aöeins 18 ára gömul en hefnr
samt fjórum sinnum oröiö Islandsmeistari
í kvennaflokki. Hrafnhildur er okkar
besta landslidskona í tennis og hún á svo
sannarlega framtíöina fyrir sér í íþróttinni.
Viö hjá Skinfaxa heimsóttum hana á
œfingu í Tennishöllinni og forvitnuðumst
um framtíðaráform hennar.
Hvenær byjaðir þú að æfa tennis?
„Ég hef verið svona 11 ára gömul
þegar ég fór að æfa af viti. Ég bjó í
Svíþjóð þar til ég var 9 ára gömul og fór
ekki að æfa tennis fyrr en nokkru eftir að
ég kom heim til Islands."
Var einhver áhugi fyrir tennis á
íslandi þegar þú byrjaðir að æfa?
„Það voru nú frekar fáir sem spiluðu
tennis og þá var bara útivöllur á
Víkingssvæðinu svo það var ekki hægt
að æfa neitt af viti."
Var Islandsmót í tennis fyrst þegar
þú byrjaðir?
„Ég veit nú ekki hvenær það var
byrjað að keppa um
Islandsmeistaratitilinn en ég held að það
hafi verið árið áður en ég kom heim."
Hver er árangur þinn í tennis?
„Ég var íslandsmeistari unglinga árið
1988 og í kvennaflokki '91/92 og '93 en
tapaði svo fyrir Stefaníu Stefánsdóttur
árið 1994 en vann svo aftur núna í ár."
Er samkeppnin lítil?
„Það vantar keppendur í alla flokka
og áhuginn er frekar lítill hjá stelpunum.
Ég held að ég og Stefanía séum þær tvær
bestu og vinnum yfirleitt til skiptist."
Hvernig er æfingum háttað hjá
Fjölni og landsliðinu?
„Æfingaprógrammið er þannig núna
að öll félögin æfa saman og því engar
sérstakar æfingar hjá Fjölni. Við erum
það fáar að þetta er miklu hagstæðara
fyrirkomulag og þá er líka alltaf verið að
keppa við þær bestu."
Eruð þið með góðan þjálfara?
„Við erum með tvo erlenda þjálfara
sem eru báðir mjög góðir. Það hafa líka
verið íslenskir þjálfarar í þessu en vegna
reynsluleysis hafa þeir kannski ekki
staðið sig nægilega vel. Ef við ætlum að
ná lengra í íþróttinni verðum við að
flytja inn kunnáttuna frá útlöndum."
Hvað æfir þú oft í viku?
„Ég æfi fjórum sinnum í viku og svo
er ég líka í Mætti til að styrkja mig
líkamlega."
Hefur þú verið í öðrum íþróttum?
„Ég var í frjálsum, handbolta og
fótbolta en entist ekki lengi þar. Núna er
ég bara í tennis en er líka aðeins viðriðin
hesta þótt það sé nú líklega meira
tómstundargaman en íþróttaeðlis."
Er tennis dýr íþrótt?
„Tennis getur verið dýr íþrótt en það
fer t.d. eftir því hversu dýran spaða og
skó þú kaupir. Þú getur fengið góðan
spaða á um 10.000 krónur og skór eru á
svipuðu verði, svo er líka mjög dýrt að
leigja vellina og ef þú ætlar að æfa sjálf
þá getur það orðið mjög dýrt - ég held
t.d. að völlurinn hérna kosti átta
hundruð á tímann."
Eru einhver önnur mót í gangi en
Islandsmótið?
„Hvert félag heldur eitt stórt mót á ári
svo þetta eru svona fimm stór mót sem
eru haldin árlega. Hjá landsliðinu eru fá
mót sem við förum og tökum þátt í en
það eru helst Smáþjóðaleikarnir og svo
Evrópukeppni kvennalandsliða sem fór
fram á Islandi nú á dögunum."
Nú töpuðuð þið öllum leikjum í
Evrópukeppninni en samt er haft eftir
ykkur í fjölmiðlum að þið væruð
ánægðar með árangurinn?
„Ef við miðum við hversu lengi við
erum búin að vera að æfa og hversu
lengi þessi lönd sem við erum að keppa
á móti hafa æft þá held ég að árangur
okkar hafi verið góður. Þær æfa líka alla
daga og stundum tvisvar á dag svo það
er ekki hægt að ætlast til að við sigrum
þessar stelpur - þær eru í miklu betri
þjálfun. Ég veit ekki hvort það sé hægt
að segja að árangurinn hafi verið góður
en við vorum alla vega ánægð með
útkomuna."
Getur liðið fallið eitthvað neðar en
það er í dag?
„Nei, ég held að við stöndum bara í
stað og verðum áfram í 2. deild þrátt
fyrir að lenda í neðsta sæti á mótinu
hérna heima."
Hvað þarf að koma til svo við getum
farið að veita þessum liðum
samkeppni?
„Við verðum bara að æfa meira og
skapa okkur hefð. Það tekur tíma að
byggja upp góðan tennisspilara og það
þarf að æfa mjög stíft. Eins og þetta er í
dag sé ég ekki að við getum veitt þessum
liðum verulega samkeppni á næstunni.
Okkur vantar líka keppnisreynslu og það
kemur alltaf vel í ljós að við erum ekki
að leika jafn vel í leikjum og við gerum á
æfingum."
Nú geta jafnir leikir verið ansi langir
í tennis - hvað er lengsti leikur sem þú
hefur spilað?
„Ég held að hann hafi verið hátt í þrjá
tíma og þá var ég nú bara fjórtán ára
gömul. Það er hinsvegar algengast að
leikir séu um einn og hálfan tíma langir
en stundum fer það niður í fjörutíu og
fimm mínútur."
Hvað væri hægt að gera til að auka
vinsældir tennis á Islandi?
„Það er nú voðalega erfitt að svara
því. Tennisíþróttin er mjög vinsæl um
allan heim og því erfitt að útskýra hvers
vegna hún á svo erfitt uppdráttar hérna
á Islandi. Það mætti kannski byrja á því
að sýna meiri tennis í sjónvarpinu og þá
útskýra vel fyrir fólki hvernig leikurinn
fer fram og hverjar reglurnar eru. Tennis
er mjög erfið íþrótt og það eru margir
sem gefast fljótt upp þar sem langan
tíma tekur að ná góðurn tökum á
leiknum."
Nú er tennis spilað á mismunandi
völlum er aðstaða fyrir keppendur að
æfa sig á t.d. möl hérna á Islandi?
SKINFAXI 34