Skinfaxi - 01.05.1996, Blaðsíða 5

LEIÐARI
— ▼ —
Ungmennafélag íslands verður.níutíu ára á næsta ári, það er
því ljóst að félagið á sér langa sögu. Þó níutíu ár sé langur tími
í mannaaldri talið er það ekki endilega langur tími sé miðað
við aldur félags.
Þessi tímamót í sögu Ungmennafélag íslands leiða hugann
hins vegar að stöðu félagsins um þessar mundir, ég sagði
níutíu ár ekki langan tíma í sögu félags, hins vegar verðum við
að líta til þess að níutíu ár geta verið langur tími og félag orðið
gamalt á þeim tíma ef við félagarnir gætum ekki að okkur.
Þar á ég við að ef við höldum ekki vöku okkar staðnar
félagið, og á okkar tímum líður tíminn hratt, þess vegna
verðum við að halda betur vöku okkar en ella.
Ungmennafélag fslands hefur að því láni að fagna að þar
hafa ráðið fyrir menn er hafa látið viðsýni ráða ferðinni, þess
vegna er félagið ungt enn í dag og ber nafn með réttu. Ég
mynnist á þetta hér vegna þess að ég vil undirstrika að við
verðum að laga félagið að aðstæðum á hverjum tíma til að það
megi gegna hlutverki sínu sem best og koma markmiðum
sínum á framfæri. Það verður ekki gert nema félagið tali það
mál er skilst í þjóðfélaginu hverju sinni.
Undanfarið hafa vaknað upp umræður að skilgreina
markmið félagsins, efla stefnumótun og setja upp skipurit fyrir
félagið sem beri keim af tuttugustu og fyrstu öldinni. Ég tel
brýnt að þessari vinnu verði vel sinnt á næstunni til að við
drögumst ekki afturúr í þeirri keppni um athyglina sem er
milli alls frjáls félagsskapa á þeim tímum er allt miðast við
mínútur í ljósvakafjölmiðlum.
Sá viðburður er langmest ber á í starfi Ungmennafélags
íslands eru landsmótin sem félagið heldur á sem næst þriggja
ára fresti. Það má segja að landsmótin séu að miklu leiti andlit
félagsins útávið og um leið fjöregg Ungmennafélags Islands,
þess vegna skiptir gríðarlega miklu máli hvernig við högum
landsmótum í framtíðinni.
Hvernig sem á það er litið hafa tvö síðustu landsmót ekki
orðið félaginu sú lyftistöng er búist var við og þau hafa líka
komið illa út fjárhagslega vegna þess að ekki sótti þau sá fjöldi
fjólks er búist var við.
Ég tel að við verðum að vanda þá vinnu vel sem framundan
er við framtíðarskipulag landsmótanna. Nýlega var skipuð
nefnd til að fara yfir hvernig ætti að haga landsmótunum frá
2001 og inní nýja öld, þá vinnu verður að vanda vel.
Ég tel að við verðum að vera óhrædd við að brjóta upp form
Landsmótsins sem hefur verið með líku sniði frá upphafi og
laga það vel að aðstæðum dagsins í dag og vona að sá dagur
verði undanfari nýrrar aldar.
Ég er ekki að tala um að breyta landsmótunum breytinganna
vegna heldur verðum við að finna þennan gullna meðalveg
einu sinni enn og feta hann síðan.
Breytingarnar tel ég að verði helst að vera í því fólgnar að
taka meira inn almenningsíþróttaþáttinn og stefna að meiri
þátttöku hins almenna félagsmanns í mótinu. Fyrsta skrefið
hefur þegar verið stigið í þeirri þróun þegar ákveðið var að
selja ekki aðgang að landsmótinu í Borganesi á næsta ári og
taka heldur upp þátttökugjald. I framhaldi af því verðum við
að fjölga þátttakendum með því að bjóða uppá fjölbreyttari
keppni og bæta þar við greinum sem almenningur er tilbúinn
að taka þátt í og borga fyrir um leið.
Ég tel að ef vel tekst til við stefnumörkunina og skipulag
landsmótanna þurfum við ekki að kvíða að Ungmennafélag
Islands eldist svo neinu nemi á næstu árum.
ísland allt
Sigurður Aðalsteinsson
Skinfaxi 5