Skinfaxi - 01.05.1996, Blaðsíða 26
Það er kominn timi a mijj að
breyta til of ég lielð að beir
sínu sterkasta liði. Ég á von á því þegar
menn fara að skríða saman að þetta komi
hjá okkur og við förum að færa okkur
ofar í töflunni."
Þú heldur að seinni umferðin verði
betri?
„Já, ég ætla að vona þaö, við erum nú
aðeins komnir með þrjú stig eftir fyrri
umferðina en vonandi verða þau sex."
Nú er Breiðablik orðið nokkuð frægt
fyrir að vera í botnbaráttunni, hvað þarf
að gerast svo liðið fari að blanda sér í
baráttuna á hinum endanuin?
„Hmm, það er nú málið. Það þarf að
koma inn þessu vinningshugarfari en
hingað til hefur þetta verið frekar mikill,
þótt það sé leiðinlegt að segja það hér,
ungmennafélagsandi hérna þar sem
hugsunin er nllir með og allir ánægðir.
Það vantar meiri töfflieit í klúbbinn, eins
og til dæmis þegar við fengum Kristófer
til baka þá sýna KR-ingarnir hvað þeir
eru töff. Hann má ekki spila á móti
þeim, þeir tvöfölduðu verðið á honum,
það er eitthver svona hugsunarháttur
sem þarf að vera til staðar hjá toppliði.
Við erum með góðan þjálfara, umgjörðin
er mjög góð og ég vil meina að
mannskapurinn sé góður. Svo er annað
sem verður að vera í lagi og það er
kollurinn á leikmönnum. Maður sér það
til dæmis hjá Skagamönnum þar sem
sigurviljinn er svo mikill og þeir
hreinlega trúa því ekki að þeir geti tapað
- þeir þekkja ekkert annað. Það skiptir
engu þótt þeir séu með ekkert betra lið
en andstæðingar þá standa þeir yfirleitt
uppi sem sigurvegarar þar sem þeir hafa
kollinn í lagi. Ég var farinn að finna fyrir
þessu í deildarbikarnum hjá okkur og þá
töpuðum við ekki einum einasta leik."
Ert þú sjálfur ekkert orðinn leiður á
að vera í liði sem ávallt er í
botnbaráttunni?
„Það er kominn tími á mig að breyta
til og ég held að þeir viti það alveg í
klúbbnum að eftir þetta tímabil breytir
maður eitthvað til. Ég er búinn að vera
hérna frá því ég man eftir mér þannig að
ég held að það sé kominn tími á eitthvað
annað. Ég vona bara að ég þurfi ekki að
yfirgefa liðið í einhverjum vondum
málum og þess vegna er mikilvægt að
við komum sterkari til leiks í seinni
umferðinni."
Knattspyrnudeild Breiðabliks veit
semsagt að eftir þetta ár ferð þú frá
félaginu?
„Ég held að það sé engin spurning og
það var t.d. á döfinni fyrir þetta tímabil
að ég myndi skipta en þar sem ég var
með samning var ákveðið aö klára hann.
Það er mjög líklegt að það verði breyting
á næsta ári og ég held að það sé líka bara
nauðsynlegt fyrir sjálfan mig sem
knattspyrnumann. Mér finnst eins og ég
sé að staðna og þá þarf að breyta til og
gera eitthvað nýtt."
Ertu þá að spá í eitthvað hérna
innanlands?
„Maður er eiginlega hættur að hugsa
út fyrir landssteinanna en ef eitthvað
gerist í þeim málum er það góður plús."
Nú hafa nokkrir íslenskir knatt-
spyrnumenn verið að fara til Norður-
landa að spila, freista Norðurlöndin
þín?
„Alsvenskan og úrvalsdeildin í Noregi
eru sterkari deildir en Sjóvá-Almennra
deildin og þar eru menn orðnir
atvinnumenn. Aðbúnaður er betri, betri
æfingatími, betra veður en veðurfarið
hérna á Islandi er það versta við að
stunda knattspyrnu hér á landi. Hérna
er svo til alltaf eitthvað rok en ef það
væri logn væri allt annað að horfa á
íslenska knattspyrnu. Knattspyrnuliðin í
þessum deildum eru líka í miklu betri
þjálfun en við hérna heima og það er að
sjálfsögðu vegna þess að þeir þurfa ekki
að gera neitt annað en að æfa. En
26 Skinfaxi