Skinfaxi - 01.05.1996, Blaðsíða 27

getulega held ég að þeir séu ekkert betri
en við hérna heima."
Nú eru liðin hérna farin að æfa sex
sinnum í viku og spila svo leiki. Er
þetta ekki orðið það mikil vinna að það
fari að flokkast undir hálfatvinnu-
mennsku?
„Ef þú lítur á KR getur þú alveg sagt
að það sé hálfatvinnumennska þar og ég
tala nú ekki um upp á Skaga þar sem
ansi margir leikmenn gera ekkert annað
en að spila."
Svo þetta er ósjálfrátt að gerast?
„Já, hjá þessum klúbbum sem eru að
standa sig. Skagamenn vaða í peningum
og geta leyft sér svo til allt sem þeim
dettur í hug. Hérna er þetta miklu meira
strögl en samt eru skólastrákar að fá
ágætispeninga út úr þessu á sumrin og
þurfa kannski ekki að fá sér aðra vinnu á
meðan. Þetta byggist líka mikið á
bónusum og ef við myndum nú standa
okkur eins og menn liti þetta allt
öðruvísi út t.d. hjá okkur."
Hvernig hefur þér fundist deildin
spilast í sumar?
„Ég átti ekki von á að KR og IA
myndu stinga af eins og þau hafa gert.
Ég bjóst við okkur mikið sterkari og átti
jafnvel von á því að við værum að klóra í
þessi lið, ég bjóst líka við Eyjamönnum
sterkari og svo Leiftursmönnum en þeir
hafa verið mjög misjafnir."
Heldur þú að KR-ingar nái að stoppa
sigurgöngu Skagamanna í deildinni?
„Það er alla vega meiri líkur núna en
nokkru sinni fyrr og þetta KR lið er til
alls líklegt. Það er svo mikill
„vinningsfílingur" í liðinu og það er
eitthvað sem ég hef ekki séð áður í
vesturbænum, þess vegna finnst mér
þeir vera mjög líklegir til að taka dolluna
í sumar."
Þeir hafa þá kannski náð réttu
blöndunni?
„Já, það er komin miklu jafnari blanda.
Það eru komnir vinnuhestar, nokkrar
prímadonnur innanum, mjög góð vörn,
góð „balansering" á miðjunni þar sem
Heimir stjórnar og lætur Þorstein hlaupa,
frábærir kantarar og framlínumenn sem
ekki er hægt að kvarta yfir. Þeir hafa
leyft sér að vera með menn eins og
Ríkharö Daða, Þorstein og Asmund á
bekknum en það lýsir kannski best
styrkleika þeirra."
Ef við ljúkum þessu þá á lands-
liðsmálum. Ert þú ánægður með þá
sóknarboltastefnu sem Logi hefur tekið
með landsliðið?
„Ég tel að Asgeir og svo Logi hafi
báðir verið að gera mjög góða hluti en
Asgeir var sá þjálfari sem loksins lét
okkur fara að spila fótbolta. Hann lét
menn í liðið sem eru librari með boltann
- menn sem geta haldið boltanum og það
finnst mér góð framför sem ég vona að
breytist ekki í framtíðinni."
Ertu ánægður með þín tækifæri hjá
landsliðinu?
„Já, ég get ekki verið neitt ósáttur við
það. Ég hef fengið að spila töluvert hjá
Loga og er bara mjög sáttur við það. Við
hjá Blikum verðum að fara að standa
okkur og ég að standa mig eins og
maður ef ég ætla að halda sæti mínu í
liðinu svo þetta er mikið undir sjálfum
mér komið á næstunni"
Er erfiðara að halda sæti sínu í
landsliði ef leikmaður spilar með
slakara liði?
„Það gefur augaleið. Ef þú bara lítur á
skrif og alla umfjöllun þá er allt á móti
þér og þrátt fyrir að menn taki ekki beint
mark á skrifunum þá síast þetta inn ef öll
umfjöllun er neikvæð og það hefur óbein
áhrif á alla. A meðan er allt jákvætt til
dæmis um KR, þar er verið að tala um
menn sem eiga skilið að fá tækifæri og
ósjálfrátt fer þetta að fara inn á sálina á
öllum."
Hingað til hefur þetta verið frekar
mikill nngmennafélagsandi hérna
þar sem hngsunin er allir með og
allir ánægðir
Skinfaxi 27