Skinfaxi - 01.04.1997, Qupperneq 25

UMFl'

Ungmennafélögin verða mörg hver í
sviðsljósinu í Sjóvá-Almennra deildinni í
sumar. Keflvíkingar hafa komið sterkir til
leiks og eru á toppnum þegar þetta er skrifað.
Liðið hefur góða blöndu af ungum strákum
og gömlum jöxlum. Keflavík er til alls líklegt í
sumar og má búast við þeim í efri hluta
deildarinnar.
Skallagrímur er að reyna fyrir sér í fyrsta sinn
í efstu deild. Það er erfitt að átta sig á styrk
liðsins en að flestra áliti verður dvöl þeirra
stutt á meðal þeirra bestu. Þeir sýndu það
samt í fyrstu umferð að þeir eru til alls líklegir
þegar liðið sigraði Leiftur 3-0.
Lið Grindavíkur kemur reynslunni ríkari til
leiks í sumar. Liðið bjargaði sér frá falli í
fyrra á síðustu stundu en það má fastlega
búast við því að Grindvfkingar verði á
svipuðum slóðum í sumar.
Stjörnumenn úr Garðabæ verða einnig i
erfiðleikum í sumar. Liðið lék vel í fyrra en
sumarið getur verið erfiðara þar sem
lykilmenn frá því í fyrra eru ekki til staðar.
Leiftur frá Ólafsfirði hafa alla burði til að
blanda sér í toppbaráttuna. Leiftur fór illa af
stað og tapaði í fyrstu umferð fyrir
Skallagrími 0-3. Eitt er þó víst að meira býr í
liðinu og efArnar Grétarsson nær að binda
miðjuna saman er liðið til alls líklegt.
Spá Skinfaxa um lokastöðu:
1. ÍA
2. ÍBV
3. KR
4. Leiftur
5. Keflavík
6. Fram
7. Valur
8. Grindavík
9. Stjarnan
10. Skallagrímur